Өнөөдрийн тухай таны мэдэх ёстой 20 зүйл: Хуулийн байгууллагын шударга бус үйл ажиллагааны талаар мэдээлнэ

Өнөөдөр гадаа 11 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй. 4 дүгээр сарын 08-ны өдөр Өглөөд заавал мэдэж байх ёстой зүйлүүд:

1. Өнөөдөр бол жилийн 98 дахь өдөр бөгөөд он дуусахад 267 хоног үлдлээ.
2. Цаг агаар өдөртөө 11 хэмийн дулаан бол шөнөдөө -2 градус хүйтэн байх нь ээ.
3. Билгийн тооллын 15, Тэргүүн дагуул одтой, цагаагчин могой өдөр. Өдрийн наран 6 цаг 16 минутад мандан, 19 цаг 32 минутад жаргана. Тухайн өдөр үхэр, тахиа жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба сүм дуганыг сэргээх, газар лусын зан үйл хийх, өр барагдуулах, гэр бүрэхэд сайн. Ургаа мод таслах, газрын ам нээх, гөлөг тэжээхэд муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод баруун хойш мөрөө гаргавал зохистой. Үс шинээр үргээлгэх буюу засуулбал өлзийтэй сайн.
4. Манай улсын голлох валют болох ам.долларын ханш 2785.00 төгрөгтэй тэнцэж байгаа бол бусад валют болох рубль 38.50, юань 394.00, вон 2.29 төгрөг байна.

Өнөөдөр болох онцлох үйл явдлууд: 

1. 10.00 цагт Улсын Ерөнхий прокурорын газарт прокурорын байгууллагаас 2020 оны I дүгээр улиралд хийсэн ажил, олны анхаарал татсан эрүүгийн хэргүүдийн талаар мэдээлнэ. Утас: 99847727
2. 11.00 цагт Эрүүл мэндийн яамнаас коронавирусний асуудлаар цахимаар мэдээлнэ.
3. 12.30 цагт “Хэвлэлийн хүрээлэн”-д ажил үүргээ гүйцэтгэж яваад автомашиндаа нас барсан тээвэрчдийн гэргий нар хуулийн байгууллагын шударга бус шийдвэрийн талаар мэдээлнэ.
4. 14.00 цагт Монгол ажил олгогчдын эздийн холбоонд тус холбоо "Та бидний эвсэл"-тэй хамтран ажиллах гэрээнд гарын үсэг зурна. Утас: 96060222Төрийн ордонд
5. 10.00 цагт “Их Эзэн Чингис хаан” танхимд Эдийн засгийн байнгын хороо хуралдана.
6. 11.00 цагт “Жанжин Д.Сүхбаатар” танхимд Төрийн байгуулалтын байнгын хороо хуралдана.
7. 14.00 цагт “Их Эзэн Чингис Хаан” танхимд Нийгмийн бодлого, боловсрол, соёл, шинжлэх ухааны байнгын хороо хуралдана.
8. 15.00 цагт “Жанжин Д.Сүхбаатар” танхимд Аюулгүй байдал, гадаад бодлогын байнгын хороо хуралдана.
9. 16.00 цагт “Их Эзэн Чингис Хаан” танхимд Төсвийн байнгын хороо хуралдана.

Энэ өдөр дэлхийн түүхэнд: 

1. 2013 онд Исламын бүгд найрамдах Ирак улс Сирийн иргэний дайнд орж байгаагаа албан ёсоор зарлав.
2. 2008 онд Бахрейн улсад дэлхийн хамгийн анхны салхин турбин суурилуулсан барилга баригдаж дуусчээ.
3. 2004 онд Суданы засгийн газар болон босогчдын хооронд хүмүүнлэгийн гал зогсоох гэрээ хэрэгжиж эхэлжээ.
4. 1993 онд Бүгд найрамдах Македон улс НҮБ-д элсэв.
5. 1992 онд газрын теннисний домог Артур Эш ДОХ өвчин туссанаа олон нийтэд зарлаж, улмаар зүрхний хоёр удаагийн хагалгаанд оржээ.
6. 1975 онд АНУ-ын мэргэжлийн бейсболын Кливленд Индианс багийн дасгалжуулагчаар Френк Робинсон томилогдов. Ингэснээр тус лигийн түүхэнд хамгийн анхны хар арьст дасгалжуулагч болсон билээ.
7. 1964 онд Сансрын "Жеминай 1" хөлгийг туршилтийн журмаар нисгэв.