3 дугаар сарын 24-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 83 дахь өдөр бөгөөд он дуусахад 282 хоног үлдлээ.
- Цаг агаар өдөртөө 12 хэмийн дулаан бол шөнөдөө 0 градус хүйтэн байх нь ээ.
- Билгийн тооллын битүүн, Могойг хүлэгч одтой, улаан бар өдөр. Өдрийн наран 6 цаг 46 минутад мандан, 19 цаг 10 минутад жаргана. Тухайн өдөр морь, нохой жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, хараал, жатхыг буцаах, амилуулах, өглөгийн түллэг хийх, хишиг дуудуулах, хот балгадын үйл, цэрэг, цагдаагийн үйл, гэр, байшингийн суурь тавихад сайн. Золиг гаргах, бомбын үйл, бэрийн үйлд муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод хойш мөрөө гаргавал зохистой. Үс шинээр үргээлгэх буюу засуулахад тохиромжгүй.
- Манай улсын голлох валют болох ам.долларын ханш 2775.00 төгрөгтэй тэнцэж байгаа бол бусад валют болох рубль 37.00, юань 391.50, вон 2.23 төгрөг байна.
Өнөөдөр болох онцлох үйл явдлууд:
- 11.00 цагт Эрүүл мэндийн яамнаас "COVID-19" халдварын талаар цахимаар мэдээлнэ.
- 12.00 цагт МҮХАҮТ-д эдийн засагчид "COVID 19: Эдийн засаг дахь нөлөө буюу компани дампуурах, иргэд ажилгүй болох, ядуурал гүнзгийрэхээс сэргийлэх арга хэмжээ, судалгаа" сэдвээр мэдээлнэ.
- 14.00 цагт Ардчилсан нам УИХ-ын ээлжит сонгуулийн мөрийн хөтөлбөрөө Үндэсний аудитын газарт хүргүүлнэ.
Энэ өдөр дэлхийн түүхэнд:
- Өнөөдөр Сүрьеэ өвчинтэй тэмцэх дэлхийн өдөр тохиож байна.
- 1882 онд Германы эрдэмтэн Роберт Кох сүрьеэ өвчнийг үүсгэгч нянг тодорхойлсон тухайгаа Берлин хотноо Физиологийн нийгэмлэгийн хуралдаан дээр зарлажээ.
- 1984 оны энэ өдөр БНСУ-ын охидын алдарт хамтлаг болох 2NE1-ийн гишүүн Park Bom мэндэлжээ.
- 1999 онд Европын Альпийн нурууны Монт Бланк нүхэн гарцанд гал гарч, 39 хүн амь насаа алдаж байжээ.
- 2008 онд Бутан улс албан ёсоор ардчилсан засаглалтай болж, бүх нийтийн сонгуулийг явуулж байжээ.
