Таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
3 дугаар сарын 16-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 75 дахь өдөр бөгөөд он дуусахад 290 хоног үлдлээ.
- Цаг агаар өдөртөө 6 хэмийн дулаан бол шөнөдөө -7 градус хүйтэн байх нь ээ.
- Аргын тооллын 3 сарын 16, Сумъяа гараг. Билгийн тооллын 22, Эрхтний тэнгэрт одтой, шар морь өдөр. Өдрийн наран 7 цаг 03 минутад мандан, 18 цаг 59 минутад жаргана. Тухайн өдөр бар, нохой жилтнээ аливаа үйлийг хийхэд эерэг сайн. Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, угаал үйлдэх, тангараг тавих, гэр, байшингийн суурь тавихад сайн. Гэр бүрэх, хэрүүл тэмцэл хийхэд муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод хойш мөрөө гаргавал зохистой. Үс шинээр үргээлгэх буюу засуулбал эд, эдлэл, идээ, ундаа олно.
- Манай улсын голлох валют болох ам.долларын ханш 2771.00 төгрөгтэй тэнцэж байгаа бол бусад валют болох рубль 40.00, юань 396.00, вон 2.26 төгрөг байна.
Өнөөдөр болох онцлох үйл явдлууд:
- 10.00 цагт Нийслэлийн Хэвлэл, мэдээллийн төвд нийслэлийн харъяа байгууллагын удирдлагууд цаг үеийн асуудлаар мэдээлнэ. Утас: 11325044
- 11.00 цагт Эрүүл мэндийн яамнаас коронавирусний асуудлаар өөрийн байрандаа мэдээлнэ.
Энэ өдөр дэлхийн түүхэнд:
- 934 онд Танг гүрний жанжин Мен Жиншиан Гао Шү гэх улс байгуулж, өөрийгөө эзэн хэмээн зарлажээ.
- 1190 онд Англичууд олон зуун еврейг Клиффордын цайзад хоморголон устгав.
- 1521 онд алдарт аялагч Фердинанд Магеллан Филиппиний Хомонхон арарл хүрсэн анхны европ хүн болжээ.
- 1815 онд Нидерландын нэгдсэн хаант улсын шинэ хаанаар хунтайж Виллем өөрийгөө нэрлэв. Ингэснээр тус улс үндсэн хуульт хаант засаглалаар анх удаа замнасан байна.
- 1872 онд дэлхийн хөлбөмбөгийн түүхэн дэх хамгийн "хөгшин" тэмцээн гэгдэх Английн хөлбөмбөгийн холбооны цомын анхны тэмцээнд Уондерэрс клуб Рояал Инженийрс клубыг 1-0 онооны харьцаагаар хожиж ялалт байгуулжээ.
- 1900 онд археологич Сир Артур Эванс Крит арлын Носсын балгас орчмоос хүрэл зэвсгийн үед хамаарах томоохон олдворыг илрүүлэв.
- 1939 онд Адольф Гитлер Прагын шилтгээнээс Бохем ба Моравиагийн хаант улсыг Германчууд хамтатган захирна гэж мэдэгджээ.
- 1958 онд алдарт Форд Мотор компани 50 сая дахь машинаа үйлдвэрээс гаргав.
- 1966 онд АНУ-ын сансрын "Жиминай 8" хөлөг хөөрч тус улс сансарт 12 дахь хүнээ илгээв. Тус сансрын хөлөг сансар судлалын түүхэнд анх удаа задгай сансарт хоёр хөлгийг залгажээ.
- 1968 онд Женерал Моторс компани 100 сая дахь машинаа үйлдвэрлэсэн.
- 2014 онд Украины Крымын хойгт хууль бус санал хураалт болж ОХУ-ын мэдэлд шилжив.
