Өнөөдөр гадаа -1 градусын хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
3 дугаар сарын 05-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 65 дахь өдөр бөгөөд он дуусахад 300 хоног үлдлээ.
- Цаг агаар өдөртөө -1 хэмийн хүйтэн бол шөнөдөө -15 градус хүйтэн байх нь ээ.
- Билгийн тооллын 11, Найралт эх одтой, шар бич өдөр. Өдрийн наран 7 цаг 23 минутад мандан, 18 цаг 44 минутад жаргана. Тухайн өдөр хулгана, луу жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба хараал, жатхыг буцаах, бүжиг наадам хийх, цэцэрлэг байгуулах, хур оруулах, дархны үйлд сайн. Хувцас эсгэх, шинэ хувцас өмсөх, зөвлөгөө хийхэд муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод зүүн зүгт мөрөө гаргавал зохистой. Үс шинээр үргээлгэх буюу засуулбал эрхтэн хурц болно.
- Манай улсын голлох валют болох ам.долларын ханш 2770.00 төгрөгтэй тэнцэж байгаа бол бусад валют болох рубль 42.90, юань 399.00, вон 2.29 төгрөг байна.
Өнөөдөр болох онцлох үйл явдлууд:
- 10.00 цагт ОБЕГ-т Улсын онцгой комисст иргэн, аж ахуйн нэгжүүд хандив өргөнө. Утас: 99007969, 86150069,
- 11.00 цагт Эрүүл мэндийн яамнаас коронавирусний асуудлаар өөрийн байрандаа мэдээлнэ.
- 12.00 цагт ЭМЯ-наас эрүүл мэндийн байгууллагуудад нэн шаардлагатай тоног төхөөрөмж гардуулна.
Энэ өдөр дэлхийн түүхэнд:
- Европын хүний эрхийн өдөр тохиож байна.
- 1992 онд Микеланжело нэртэй компьютерийн вирус тархаж эхлэв.
- 1988 онд Их Британийн тусгай хүчний зохион байгуулсан "Флавиус" ажиллагааны үеэр Ирландын бүгд найрамдах армийн гурван цэргийг буудан хороожээ.
- 1987 онд Британийн "MS Herald of Free Enterprise" хөлөг 90 секундын дотор живж 193 хүн амиа алдав.
- 1975 онд Америкийн иргэн Запрюдерын гэрээсээ бичсэн сонирхогчийн бичлэг анх удаа олон нийтэд ил болжээ. Тэрээр АНУ-ын Ерөнхийлөгч Жон Ф.Кеннедигийн халдлагыг дүрс бичлэгийн камерт бичин үлдээсэн юм.
- 1967 онд ЗХУ-ын удирдагч агсан Сталиний охин Светлана Алилуева АНУ руу дүрвэжээ.
- 1957 онд Гана улс Британийн дарангуйллаас мултарсан африкын анхны улс болов.
