Өнөөдөр гадаа 11 градусын хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
2 дугаар сарын 21-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 52 дахь өдөр бөгөөд он дуусахад 313 хоног үлдлээ.
- Цаг агаар өдөртөө 11 хэмийн хүйтэн бол шөнөдөө -19 градус хүйтэн байх нь ээ.
- Билгийн тооллын 28, Яруу эгшигт одтой, хөх морь өдөр. Өдрийн наран 7 цаг 49 минутад мандан, 18 цаг 22 минутад жаргана. Тухайн өдөр нохой жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлд шамдах, бүтээл туурвил эхлэх, худалдаа арилжаа хийх, бизнэс эхлэх, зэрэг дэвших, гарагийг тахих, тангараг тавих, гэр, байшингийн суурь тавихад сайн. Гэр бүрэх, хэрүүл тэмцэл хийх, улаа гаргах, хиншүү хярвас гаргахад муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод хойш мөрөө гаргавал зохистой. Үс шинээр үргээлгэх буюу засуулахад тохиромжгүй.
- Манай улсын голлох валют болох ам.долларын ханш 2764.00 төгрөгтэй тэнцэж байгаа бол бусад валют болох рубль 43.90, юань 395.00, вон 2.32 төгрөг байна.
Өнөөдөр болох онцлох үйл явдлууд:
- 10.00 цагт НЗДТГ-т НИТХ-ын тэргүүлэгчдийн хуралдаан болно. Утас: 70119921
- 11.00 цагт Эрүүл мэндийн яамнаас коронавирусний асуудлаар өөрийн байрандаа мэдээлнэ. Утас: 99179899
- 11.00 цагт Нийслэлийн Хэвлэл, мэдээллийн төвд Өмчийн ашиглалт удирдлагын газраас Урт цагааны барилгын асуудлаар мэдээлнэ. Утас: 99062872
- 11.40 цагт ЦЕГ-ын Экологийн цагдаагийн албаны байранд тус алба Монголын бичил уурхайн нэгдсэн Дээвэр холбоотой хамтран ажиллах санамж бичигт гарын үсэг зурах ёслол болно.Утас: 99025086
- 12.00 цагт ХНХЯ-нд Хөдөлмөр, нийгмийн хамгааллын сайд С.Чинзориг цаг үеийн асуудлаар мэдээлнэ. Утас: 91915340
- 12.00 цагт "Монгол ньюм" мэдээллиын төвд Шувууны аж ахуй эрхлэгчдийн холбооны удирдлагууд өндөгний импортын татвар болон дотоодын хэрэглээний талаар мэдээлнэ.
Энэ өдөр дэлхийн түүхэнд:
- 1842 онд Америкийн зохион бүтээгч Жон Грийнау оёдлын машины анхны патентыг авчээ.
- 1918 онд "Каролина тоть" шувууны хамгийн сүүлийн төрөл нас баржээ.
- 1925 онд алдарт "Нью Йоркер" сэтгүүл анхны дугаараа эрхлэн гаргав.
- 1937 онд Үндэстнүүдийн лиг Испанийн иргэний дайнд гадны иргэдийг "сайн дураар" гэх нэрээр татан оролцуулахыг хоригложээ.
- 1948 онд Америкийн автомашины хамгийн том уралдаан болох "НАСКАР" зохиогдож, уидрлагын бүрэлдэхүүнтэй болжээ.
- Их Британийн Ерөнхий сайд Уинстон Черчиль бүх иргэнийг иргэний үнэмлэхтэй болгох шийдвэр гаргав.
- 1995 онд Канадын Саскатчеван мужийн Лидер тосгонд нисгэгч Стив Фоссетт агаарын бөмбөлөгтэй газарджээ. Ингэснээр тэрээр Номхон далайг агаарын бөмбөлөгтэй туулсан анхны хүн болсон юм.
