Өнөөдөр гадаа -7 градусын хүйтэн байна. Таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй
2 дугаар сарын 18-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 49 дахь өдөр бөгөөд он дуусахад 326 хоног үлдлээ.
- Цаг агаар өдөртөө -7 хэмийн хүйтэн бол шөнөдөө -24 градус хүйтэн байх нь ээ.
- Билгийн тооллын 25. Ангараг гараг. Гар одтой, нэг цагаан мэнгэтэй цагаагчин туулай өдөр. Өдрийн наран 7 цаг 55 минутад мандан, 18 цаг 18 минутад жаргана. Тухайн өдөр хонь, гахай жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, угаал үйлдэх, мал аж ахуйн үйл, удирдлагын суудалд суух, огторгуйн үүдийг боох, их хүмүүнтэй уулзахад сайн. Газар хагалах, ус булгийн эх малтах, балгадын суурь тавих, нохой худалдан авахад муу. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод зүүн хойш мөрөө гаргавал зохистой. Үс шинээр үргээлгэх буюу засуулахад тохиромжгүй хэмээжээ.
- Манай улсын голлох валют болох ам.долларын ханш 2762.00 төгрөгтэй тэнцэж байгаа бол бусад валют болох рубль 44.10, юань 395.00, вон 2.34 төгрөг байна.
Өнөөдөр болох онцлох үйл явдлууд:
- 10.00 цагт ГХЯ-ны Зөвшилцөл танхимд БОАЖ-ын Н.Цэрэнбат, Гадаад харилцааны дэд сайд Б.Батцэцэг, Сангийн дэд сайд Х.Булгантуяа нар цаг үеийн асуудлаар мэдээлнэ. Утас: 91910031, 88054040
- 10.00 цагт ЦССҮТ-д МоАХ-ны гишүүд цусаа хандивлана. Утас: 99190666
- 11.00 цагт Эрүүл мэндийн яамнаас коронавирусний асуудлаар өөрийн байрандаа мэдээлнэ. Утас: 99179899
- 11.00 цагт Нийслэлийн Хэвлэл, мэдээллийн төвд Улаанбаатар хотын Захирагчийн ажлын алба, НМХГ, НЭМГ-аас худалдаа үйлчилгээний 10 мянган аж ахуйн нэгжид ариутгал хийх талаар мэдээлнэ. Утас: 88109320
- 11.30 цагт “Үндэсний мэдээллийн төв”-д “Иргэдийн шударга шүүх” ТББ-аас цаг үеийн асуудлаар мэдээлнэ.
- 11.30 цагт “Үнэн” сонины байрны баруун талд иргэний нийгмийн байгууллагууд нэгдэн Төрийн тусгай хамгаалалтын албаны даргад шаардлага хүргүүлнэ. Утас:99105845
- 12.00 цагт БНХАУ-аас Монгол Улсад суугаа Элчин сайдын яаманд БХЯ, “Монгол цэргийн нэгдсэн холбоо”, ШШГЕГ, Цэргийн төв эмнэлэг, ХХЕГ, ОБЕГ-аас 333 мянган юань хандивлана. Утас: 89999926
Энэ өдөр дэлхийн түүхэнд:
- 1519 Эрнан Кортеес 11 усан онгоц, 500 эрэгтэй бүхий Мексикийн Юкатан хойг руу Кубыг орхисон байна.
- 1678 Жон Бунянгийн "Пилигримийн дэвшил" Лондонгийн Холборн хотод Натаниэль Пондер хэвлэгдсэн аж.
- 1861 онд Сардинагийн хаан Виктор Эммануэль II Италийн анхны хаан болов.
- 1885 он Марк Твен АНУ-д "Хаклберри Финийн адал явдлууд" номыг хэвлүүлэв.
