Өнөөдөр гадаа -15 градусын хүйтэн байна. Таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй
2 дугаар сарын 3-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 34 дахь өдөр бөгөөд он дуусахад 331 хоног үлдлээ.
- Цаг агаар өдөртөө -15 хэмийн хүйтэн бол шөнөдөө -24 градус хүйтэн байх нь ээ.
- Билгийн тооллын 9, Нэгэн эхийн зургаан хөвгүүн одтой, улаан хулгана өдөр. Өдрийн наран 8 цаг 18 минутад мандан, 17 цаг 54 минутад жаргана. Тухайн өдөр луу, бич жилтнээ аливаа үйлийг хийхэд эерэг сайн. Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, гарагийг тахих, хүүхэд үрчлэн авах, хур оруулах, дарханы үйлд сайн. Улааны үйл, төлөг тавих, морь уралдах, хиншүү хярвас гаргахад муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод зүүн зүгт мөрөө гаргавал зохистой. Балжиннямтай өдөр. Үс шинээр үргээлгэх буюу засуулахад тохиромжгүй.
- Манай улсын голлох валют болох ам.долларын ханш 2755.00 төгрөгтэй тэнцэж байгаа бол бусад валют болох рубль 44.20, юань 393.50, вон 2.34 төгрөг байна.
Өнөөдөр болох онцлох үйл явдлууд:
- 09.30 цагт Төрийн ордонд иргэд прокуроруудын авлигын хэргийн материалыг Ерөнхийлөгчийн Тамгын газрын дарга З.Энхболдод хүлээлгэн өгнө.
- 10.00 цагт Нийслэлийн Хэвлэл, мэдээллийн төвд НОБГ, НМХГ, Агаарын бохирдолтой тэмцэх газраас сайжруулсан шахмал түлшний хэрэглээний талаар мэдээлнэ.
- 11.00 цагт Эрүүл мэндийн яамнаас коронавирусний асуудлаар өөрийн байрандаа мэдээлнэ. Утас: 99179899
- 12.00 цагт ЭМЯ-нд “Эрүүл мэндийн анхан шатны тусламж үйлчилгээнд мобайл технологийн хэрэглээг өргөжүүлэх нь” төслийн хүрээнд аймаг, дүүргийн эмнэлгүүдэд “GeneXpert” аппарат хүлээлгэн өгнө.
- 12.00 цагт “Үндэсний мэдээллийн төв”-д Орхон аймгийн иргэд цаг үеийн асуудлаар мэдээлнэ.
Энэ өдөр дэлхийн түүхэнд:
- 1972 онд 11 дэх удаагийн өвлийн олимп Японы Саппоро хотод нээлтээ хийв.
- 1969 онд Кайрт болсон Палестины Чөлөөлөх Байгууллагын хурлаар Ясир Арафат тэргүүнээр сонгогдов.
- 1966 онд Зөвлөлт Холбоот Улсын сансар судлалын "Луна-9" станц хүн төрөлхтний түүхэнд анх удаа сарны гадаргуу дээр бууж чадсан.
- 1962 онд АНУ-ын ерөнхийлөгч Жон Ф.Кеннеди Куба улстай хийх гадаад худалдааг хориглож, эдийн засгийн хориг арга хэмжээг эхлүүлэв.
- 1815 онд Швейцари улсад анх удаа худалдааны зорилго бүхий бяслагны үйлдвэр ашиглалтад орсон.
- 1783 онд Испани улс Америкийн Нэгдсэн Улсын тусгаар тогтнолыг хүлээн зөвшөөрөв.
