Өнөөдөр гадаа -13 градусын хүйтэн байна. Таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй
1 дүгээр сарын 23-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 23 дахь өдөр бөгөөд он дуусахад 342 хоног үлдлээ.
- Цаг агаар өдөртөө -13 хэмийн хүйтэн бол шөнөдөө -24 градус хүйтэн байх нь ээ.
- Билгийн тооллын 29, Суулга одтой, хөхөгчин үхэр өдөр. Өдрийн наран 8 цаг 31 минутад мандан, 17 цаг 37 минутад жаргана. Тухайн өдөр тахиа, могой жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба хишиг даллага дуудуулах, насан бүтээл хийлгэх, мал арилжих, буг дарах, газрын ам бооход сайн. Эрдэнийг гадагш өгөх, байшингийн суурь тавих, угаал үйлдэхэд муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод баруун зүгт мөрөө гаргавал зохистой. Үс шинээр үргээлгэх буюу засуулахад тохиромжгүй.
- Манай улсын голлох валют болох ам.долларын ханш 2753.00 төгрөгтэй тэнцэж байгаа бол бусад валют болох рубль 44.70, юань 398.30, вон 2.33 төгрөг байна.
Өнөөдөр болох онцлох үйл явдлууд:
- 09.00 цагт “Туушин” зочид буудалд “Жолоочийн даатгал- Гэрэгэ коиск” төслийн нээлт болно.
- 09.00 цагт Төрийн ордонд Аймаг, нийслэлийн ИТХ-ын дарга, Засаг дарга нарын семинар эхэлнэ.
- 10.00 цагт Төрийн ордонд УИХ-ын чуулган хуралдана.
- 10.00 цагт МҮЭХ-нд “Нийгмийн даатгал-тэтгэврийн даатгалын тогтолцоог боловсронгуй болгох арга зам” уулзалт болно. Утас: 99013768
- 11.30 цагт “Үндэсний мэдээллийн төв”-д Зээлгүй ахмадуудын түр хорооноос ҮАБЗ-д шаардлага хүргүүлэх талаар мэдээлнэ.
- 12.45 цагт Нээлттэй нийгэм хүрээлэнд “Транспэрэнси Интэрнэшнл Монгол” байгууллагаас 2019 оны авлигын индексийг танилцуулна.
- 16.30 цагт Багшийн хөгжлийн ордонд “Магдлалын онолын заах арга зүйн туршлага, хэрэглэгдэхүүн” үзэсгэлэнгийн нээлт болно. Утас: 86061497
Энэ өдөр дэлхийн түүхэнд:
- 2002 онд Пакистаны Карачи хотод Америкийн сэтгүүлч Даниель Пөрлийг барьцаалав.
- 2001 онд Хятадын Коммунист намыг эсэргүүцсэн таван хүн Тиананьмены талбайд өөрсдийгөө шатаахыг оролджээ. Цагдаа нар цаг алдалгүй энэ оролдлогыг болиулсан байна.
- 1997 онд АНУ-ын Төрийн нарийн бичгийн даргаар Медлин Олбрайтыг томилов. Ингэснээр тэрээр АНУ-ын анхны эмэгтэй Төрийн нарийн бичгийн дарга болсон юм.
- 1986 онд Рок н Роллын алдарын танхим байгуулагдав. Алдрын танхимын анхны гишүүнээр Литтль Ричард, Чак Берри, Жеймс Браун, Рей Чарльз, Сем Күүк, Фатс Домино, Эверли Бродерс, Бадди Холли, Жерри Лий Льюс, Элвис Пресли нарыг бүртгэн авчээ.
- 1967 онд ЗХУ Африк тивийн Кот Д'Вуар улстай дипломат харилцаа тогтоожээ.
- 1958 онд Венесуэль улсад ерөнхийлөгчөө эсэргүүцсэн жагсаал улам эрчээ авч байхтай зэрэгцэн тус улсын ерөнхийлөгч Маркос Перез Хименез албан тушаалаа өөрийн хүсэлтээр өгчээ.
- 1950 онд Шинээр байгуулагдсан Израйль улсын нийслэл хотыг Йерусалем гэж зарлав.
