Өнөөдөр гадаа -12 градусын хүйтэн байна. Таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
1 дүгээр сарын 21-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 21 дахь өдөр бөгөөд он дуусахад 344 хоног үлдлээ.
- Цаг агаар өдөртөө -12 хэмийн хүйтэн бол шөнөдөө -21 градус хүйтэн байх нь ээ.
- Билгийн тооллын 27, Эрхтэний тэнгэрт одтой, харагчин гахай өдөр. Өдрийн наран 8 цаг 33 минутад мандан, 17 цаг 34 минутад жаргана. Тухайн өдөр хонь, туулай жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр гэмтнийг шийтгэх, хараал, жатхыг буцаах, нялхасын хурим хийх, хийморийн дарцаг хатгахад сайн. Газар ухах, худаг гаргах, уул овоо тахихад муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод урагш мөрөө гаргавал зохистой. Дашнямтай өдөр. Үс шинээр үргээлгэх буюу засуулбал өлзийтэй сайн.
- Манай улсын голлох валют болох ам.долларын ханш 2751.00 төгрөгтэй тэнцэж байгаа бол бусад валют болох рубль 44.70, юань 401.00, вон 2.36 төгрөг байна.
Өнөөдөр болох онцлох үйл явдлууд:
- 09.00 цагт “Blue Sky” зочид буудалд 2021-2023 хэрэгжүүлэх ХДХВ, ДОХ-той тэмцэх төсөл боловсруулах "Хамтрагч талуудын зөвлөлдөх уулзалт" болно. Утас 86885060
- 10.00 цагт “Туушин” зочид буудалд ЭМЯ-наас анхан шатны тусламж үйлчилгээний санхүүжилтийг нэмсэн талаар танилцуулна.
- 11.00 цагт Сүхбаатарын талбайд Нийслэлийн автозамын түгжрэлийг бууруулах, нийтийн тээвриг хөгжүүлэх цогц төслийг олон нийтэд танилцуулна. Утас: 88099272
- 11.00 цагт УУХҮЯ-нд "Ил тод, хариуцлагатай уул уурхай" хэвлэлийн бага хурал болно. Утас: 99089666, 88098221
- 14.00 цагт МҮХАҮТ-д “2019 оны онцлох аж ахуйн нэгжийн туг өргөх ёслол” болно.
- 15.00 цагт ГХЯ-нд экпстортыг нэмэх, цахим худалдааг дэмжих чиглэлээр хамтран ажиллах санамж бичигт ГХЯ, МҮХАҮТ-ийн удирдлагууд гарын үсэг зурна.
Энэ өдөр дэлхийн түүхэнд:
- 2017 онд АНУ-ын 400 хот, дэлхийн 160 гаруй хотод Дональд Трампыг эсэргүүцсэн эмэгтэйчүүдийн жагсаал нэгэн зэрэг зохион байгуулагдав.
- 1999 онд Хар тамхитай хийх дайн: АНУ-ын Эргийн хамгаалалтын газар мөрдөн шалгах ажиллагаа явуулсны дүнд 4,300 кг хар тамхийг устгалд оруулав.
- 1997 онд АНУ-ын Төлөөлөгчдийн танхимын 395 гишүүн Төлөөлөгчдийн танхимын дарга Ньют Женрихийг үндэсний цөөнх рүү дайрч ёс бус үг хэрэглэсэн гэж үзэн сахилгын шийтгэл оногдуулахаар болжээ. Ингэснээр Төлөөлөгчдийн танхимаас сахилгын шийтгэл оногдуулсан анхны дарга болсон юм.
- 1981 онд Их Британийн Умард Ирландын Данмарри хотод ДеЛорин компани домогт DMC-12 загвараа угсарч эхлэв.
- 1961 онд Өмнөд Африкийн Фрий Стейт мужийн Колбрүүк нүүрсний уурхай нурав. Зөолөөр 435 уурхайчин бүгд аврагджээ.
- 1954 онд Дэлхийн хамгийн анхны цөмийн зэвсэг тээсэн хөлөг онгоц АНУ-ын зэвсэглэлд нэвтэрчээ.
- 1948 онд Квебек мужийн Үндэсний Ассемблей хуралдаж, Квебек мужийн далбааг баталжээ. Тус муж энэ өдрийг далбааны өдөр болгон тэмдэглэдэг уламжлалтай.
