Өнөөдөр гадаа -15 градусын хүйтэн байна. Таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
- Өнөөдөр бол жилийн 9 дахь өдөр бөгөөд он дуусахад 356 хоног үлдлээ.
- Цаг агаар өдөртөө -15 хэмийн хүйтэн бол шөнөдөө -23 градус хүйтэн байх нь ээ.
- Билгийн тооллын 14, Гөрөөсөн толгой одтой, цагаагчин гахай өдөр. Өдрийн наран 8 цаг 40 минутад мандан, 17 цаг 18 минутад жаргана. Тухайн өдөр туулай жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр найз нөхдийг түшиж элдэв үйлийг түргэн бүтээх, бүтээл туурвил эхлэх, бизнэс эхлэх, цар ихтэй үйлийг эхлэх, бясалгал хийх, доодсыг асран өглөг, хандив өргөх, нялхасын хурим хийх, сүм дуганыг сэргээх, огторгуйн үүдийг боох, их хүмүүнтэй уулзахад сайн. Газар ухах, худаг гаргах, гөлөг тэжээх, балгадын суурь тавих, нохой худалдан авахад муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод зүүн хойш мөрөө гаргавал зохистой. Үс шинээр үргээлгэх буюу засуулбал эд, мал арвидна.
- Манай улсын голлох валют болох ам.долларын ханш 2744.00 төгрөгтэй тэнцэж байгаа бол бусад валют болох рубль 44.20, юань 396.00, вон 2.35 төгрөг байна.
Өнөөдөр болох онцлох үйл явдлууд:
- 10.00 цагт Төрийн ордонд УИХ-ын чуулган хуралдана.
- 10.00 цагт “Embassy” зочид буудалд Газрын үнэлгээний систем болон газрын төлбөр, татварын системийн нээлт болно. Утас: 86007061
- 10.00 цагт Засгийн газрын XI байранд ШӨХТГ-аас УИХ-ын сонгуулийн тухай хууль, бусад хяналт шалгалтын талаар танилцуулна. Утас: 51262343
- 10.00 цагт Төрийн ордонд УИХ-ын Эдийн засгийн байнгын хорооноос “Шинэ бүтээн байгуулалт” дунд хугацааны зорилтот хөтөлбөрийг шинэчлэх хэлэлцүүлэг зохион байгуулнэ.
- 10.00 цагт Нийслэлийн Хэвлэл, мэдээллийн төвд НОБГ, НМХГ-аас сайжруулсан шахмал түлшний хэрэглээний талаар мэдээлнэ.
- 11.30 цагт ЦЕГ-ын Хэвлэл мэдээллийн төвд цагдаагийн байгууллагаас 2019 онд гарсан гэмт хэрэг, зөрчлийн талаар танилцуулна.
- 17.00 цагт “MN17” галерейд Өөрчлөлтийн төлөөх эмэгтэйчүүд ТББ, “Улбар” паблишингийн эрхлэн гаргасан "Гайхамшигт 50: Урам зоригийн түүх" ном, уран зургийн үзэсгэлэнгийн нээлт болно. Утас: 88053903, 8800332
Энэ өдөр дэлхийн түүхэнд:
- 2007 онд Apple компанийн гүйцэтгэх захирал Стив Жобс iPhone ухаалаг гар утсыг албан ёсоор танилцуулав.
- 2005 онд Өмнөд Суданы ардын чөлөөлөх арми, Өмнөд Суданы Засгийн газартай энхийн гэрээнд гарын үсэг зурснаар, Суданы хоёр дахь иргэний дайн өндөрлөжээ.
- 1992 онд Босни Герцеговин дахь Серб иргэдийн ассемблей Югославын холбооны улсад өөрийгөө зарласан Српскагийн бүгд найрамдах улсыг байгуулав.
- 1957 онд Египетийн Засгийн газартай Суэцийн сувгийн асуудлаас болж, дипломат харилцаагаа сэвтээхэд хүргэсэн Их Британийн ерөнхий сайд Сир Энтони Эден албан тушаалаа өөрийн хүсэлтээр өгөв.
- 1951 онд Нэгдсэн Үндэстний Байгууллагын төв байр АНУ-ын Нью-Йорк хотноо албан ёсоор нээгдэв.
- 1923 онд Хуан де ла Чьерва автожираар ниссэн анхны хүн болов.
- 1920 онд Улаан Арми Эрхүү хотыг чөлөөлжээ.
