Өнөөдөр гадаа -15 градусын хүйтэн байна. Цаг агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
12 дугаар сарын 27-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 361 дахь өдөр бөгөөд он дуусахад 4 хоног үлдлээ.
- Цаг агаар өдөртөө -15 хүйтэн бол шөнөдөө -26 градус хүйтэн байх нь ээ.
- Өнөөдөр аргын тооллын 2019 оны 12 дугаар сарын 27. Сугар гараг. Билгийн тооллын нэгэн. Суулга одтой, шар нохой өдөр. Өдрийн наран 8 цаг 41 минутад мандан, 17 цаг 05 минутад жаргана. Тухайн өдөр морь жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж биеэ энхрийлүүштэй. Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурам хийх, бэх гуйх, инж өгөх, насан бүтээл хийлгэх, гэр бүрэхэд сайн. Эрдэнийг гадагш өгөх, хэрүүл тэмцэл хийхэд муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод хойш мөрөө гаргавал зохистой. Балжиннямтай өдөр. Үс шинээр үргээлэх буюу засуулахад тохиромжгүй.
- Манай улсын голлох валют болох ам.долларын ханш 2732.43 төгрөгтэй тэнцэж байгаа бол бусад валют болох рубль 43.90 юань 389.71, вон 2.35 төгрөг байна.
Өнөөдөр болох онцлох үйл явдлууд:
- 10:00 цагаас Улсын бүртгэлийн ерөнхий газрын хурлын танхимд “Хуулийн этгээдийн эцсийн өмчлөгчийн мэдээллийг улсын бүртгэлд бүртгэх” болсонтой холбогдуулан мэдээлэл хийнэ.
- 11:00 цагаас Holiday Inn төвийн 19 давхарт НИТХ, НЗДТГ, НЭМГ, ЦССҮТ, МУЗН-ээс хамтран "АМЬ БЭЛЭГЛЭСЭН АМЬ" хүндэтгэлийн арга хэмжээ болно.
- 12:00 цагаас МУЗН-ийн байранд Монголын улаан загалмай нийгэмлэг хамтран ажилладаг байгууллагууддаа талархал илэрхийлэх үйл ажиллагаа болно.
- 13:00 цагаас Нийслэлийн "Улаанбаатар" чуулгын байранд НЗДТГ, НЭМГ-аас "ШИЛДЭГ ЭРҮҮЛ МЭНДИЙН БАЙГУУЛЛАГА, ЭМНЭЛГИЙН МЭРГЭЖИЛТЭН, АЖИЛТАН" шалгаруулах арга хэмжээг зохион байгуулна.
- 14:00 цагаас Монголын Хүүхдийн Урлан бүтээх төвийн Ёслолын танхимд Утга зохиолын оны шилдэг бүтээл шалгаруулах "Алтан -Өд 2019" наадам болно.
- 16 цагаас МУИС-ийн шинэ номын сангийн 202 тоотод Монгол орны биологийн олон янз байдал цуврал бүтээлийн нээлт болно. Утас: 98100148
Энэ өдөр дэлхийн түүүхэнд:
- 1939 онд Туркийн Эрзинкам хотод 8 баллын хүчтэй газар хөдлөлтийн үеэр 20,000-10000 хүн нас баржээ.
- 1945 оны Олон улсын валютын санг Харри Декстер Уайт, Жон Мейнард Кейнсийн санаан дээр үндэслэн 29 гишүүн орон албан ёсоор байгуулжээ.
- 1949 онд Нидерландын хатан хаан Жулиана Индонез улсад тусгаар тогтнолоо олгожээ.
- 1979 Афганистан руу хоёр өдрийн өмнө Зөвлөлтийн цэргийн хүч Кабул дахь төрийн эргэлтээс гарч Ерөнхийлөгч Хафизуллах Аминыг алав.
