Өнөөдөр гадаа -15 градусын хүйтэн байна. Цаг агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
12 дугаар сарын 20-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 354 дахь өдөр бөгөөд он дуусахад 11 хоног үлдлээ.
- Цаг агаар өдөртөө -15 хүйтэн бол шөнөдөө -25 градус хүйтэн байх нь ээ.
- Аргын тооллын 12 сарын 20, Сугар гараг. Билгийн тооллын 24, Тугчин одтой, цагаагчин туулай өдөр. Өдрийн наран 8 цаг 37 минутад мандан, 17 цаг 02 минутад жаргана. Тухайн өдөр хонь, гахай жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр хууль цааз гаргах, батлах, хэрэглэх, хулгай дээрмийг номхотгох, гэмтнийг шийтгэх, мал адгуус номхруулах, гарагийг тахих, мал аж ахуйн үйл, удирдлагын суудалд суух, хийморийн дарцаг хатгахад сайн. Газар хагалах, ус булгийн эх малтах, улаа гаргах, хиншүү хярвас гаргах, уул овоо тахихад муу. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод урагш мөрөө гаргавал зохистой. Үс шинээр үргээлгэх буюу засуулахад тохиромжгүй.
- Манай улсын голлох валют болох ам.долларын ханш 2734.00 төгрөгтэй тэнцэж байгаа бол бусад валют болох рубль 43.90 төгрөг, юань 390.70 төгрөг, вон 2.30 төгрөг байна.
Өнөөдөр болох онцлох үйл явдлууд:
- Нийслэлийн Иргэний танхимд Сонгинохайрхан дүүргийн цагдаагийн газрын 2019 оны тайлангийн хурал болно. Утас: 96686335
- 09.00 цагт Засгийн газрын XI байрны Дугуй танхимд МСНЭ, Солонгосын сэтгүүлчдийн холбоо, БНСУ-ын Сhung-Ang их сургуультай хамтран “Fact Check” сургалт, хэлэлцүүлэг зохион байгуулна. Утас : 99736725, 90109907
- 09.00 цагт СТӨ-нд ОБЕГ-ын 2019 оны ажлаа дүгнэх тайлангийн хурал болно. Утас: 99007969, 86150069, 88249813
- 09.00 цагт МУИС-ийн Номын санд “МОНГОЛЫН АРХЕОЛОГИ-2019” хурал болно. Утас: 99717977
- 10.00 цагт Төрийн ордонд УИХ-ын чуулган хуралдана.
- 11.00 цагт “Кемпински” зочид буудалд ЦЕГ, НСНЭ хамтран ажиллах санамж бичигт гарын үсэг зурж, цагдаагийн байгууллагаас гэмт хэргээс сэргийлэх чиглэлээр хийж буй ажлаа танилцуулна.
Энэ өдөр дэлхийн түүүхэнд:
- Өнөөдөр Олон улсын хүний эв санааны нэгдлийн өдөр тохиож байна.
- 1995 онд НАТО Босни ба Херцеговинагийн Холбооны Улсад энхийг сахиулах үйл ажиллагаа явуулж эхэлжээ.
- 2007 онд II Элизабет хатан хаан Их Британийн хамгийн урт насалсан хатан хаан болжээ. Түүнээс өмнө Викториа хатан хаан 81 жил 7 сар 29 хоног амьдарснаараа хамгийн урт насалсан хатан хаан болж байжээ.
- 1999 онд Португал улс Макаог БНХАУ-д эргүүлэн өгчээ.
