Өнөөдөр гадаа -15 градусын хүйтэн байна. Цаг агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
12 дугаар сарын 17-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 350 дахь өдөр бөгөөд он дуусахад 15 хоног үлдлээ.
- Цаг агаар өдөртөө -15 хүйтэн бол шөнөдөө -23 градус хүйтэн байх нь ээ.
- Аргын тооллын 12 сарын 17, Ангараг гараг. Билгийн тооллын 21, Их морь одтой, шар хулгана өдөр. Өдрийн наран 8 цаг 35 минутад мандан, 17 цаг 01 минутад жаргана. Тухайн өдөр луу жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр худалдаа арилжаа хийх, бизнес эхлэх, хүү сангийн эх хатгах, эд агуурс авах, зээл авах, арвижуулах, дэлгэрүүлэх үйлийг эхлэх, угаал үйлдэх, хүүхэд үрчлэн авах, улааны үйл, хур оруулах, дарханы үйлд сайн. Төлөг тавих, морь уралдахад муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод зүүн зүгт мөрөө гаргавал зохистой. Үс шинээр үргээлгэх буюу засуулахад тохиромжгүй.
- Манай улсын голлох валют болох ам.долларын ханш 2732.00 төгрөгтэй тэнцэж байгаа бол бусад валют болох рубль 43.30 төгрөг, юань 390.60 төгрөг, вон 2.29 төгрөг байна.
Өнөөдөр болох онцлох үйл явдлууд:
- 08.00 цагт АТГ-ын гадна талбайд иргэн Б.Батдэлгэр хуулийн байгууллагуудын шударга бус үйлдлийг эсэргүүцэж “ӨВЛИЙН ӨВГӨН” жагсаал зохион байгуулна.
- 09.00 цагт ЭМЯ-нд “Ерөнхий боловсролын сургуулийн сурагчдыг хэрхийн шалтгаант зүрхний өвчнөөс сэргийлэх арга хэмжээ” зөвлөлдөх уулзалт болно.
- 09.00 цагт ГХЯ-нд нийслэлийн Засаг дарга бөгөөд Улаанбаатар хотын Захирагч С.Амарсайхан Монгол Улсаас Гадаад улс оронд суугаа Элчин сайд нартай уулзана.
- 10.00 цагт Улсын ерөнхий прокурорын газрын гадна иргэний нийгмийн байгууллагууд С.Зоригийг хөнөөсөн хэргээр ял эдэлж буй Т.Чимгээ, Б.Содномдаржаа нарын талаар мэдээлнэ.
- 10.00 цагт “Sky Plaza” төвд Монгол, ОХУ-ын Саратов болон Самара бүс нутгийн төлөөлөгчдийн бизнес уулзалт болно.
- 11.00 цагт НЗДТГ-т Монгол Улсын гавьяат тамирчин, пауэрлифтингийн дэлхийн аварга Э.Содномпилжээд “Нийслэлийн хүндэт иргэн” тэмдэг гардуулна. Утас: 70119921
- 11.00 цагт УУХҮЯ-нд "Ил тод, хариуцлагатай уул уурхай" хэвлэлийн бага хурал болно. Утас: 99089666, 88098221
- 11.00 цагт “Үндэсний мэдээллийн төв”-д Баянзүрх дүүргийн ИТХ-ын төлөөлөгч Г.Хонгор, Б.Дэмбэрэл нар цаг үеийн асуудлаар мэдээлнэ.
- 14.00 цагт “Жанжин клуб” соёлын ордонд “ХОР БАЯРТАЙ” тамхинаас татгалзах үндэсний аяны хүрээнд Баянзүрх дүүргийн ерөнхий боловсролын сургуулийн 6-12 дугаар ангийн сурагчдад тамхины хор хөнөөлийг таниулах өдөрлөг болно. Утас: 88084396, 80060907
- 15.00 цагт НҮБ-ын байранд “Агаарын бохирдлыг бууруулах мэдээлэл харилцаа, ухуулга, нөлөөллийн хөтөлбөр”-ийн төслийг хэлэлцэх уулзалт болно.
Энэ өдөр дэлхийн түүүхэнд:
- Биеэ үнэлэгчдийн эсрэг хүчирхийллийг устгах олон улсын өдөр тохиож байна.
- Мөн Бутан улсад Үндэсний баярын өдөр тохиож буй.
- 1986 оны энэ өдөр АНУ-ын алдарт жүжигчин Emma Bell мэндэлжээ.
- 1989 онд "Симпсоныхон" хүүхэлдэйн киноны эхний анги дэлгэцээр гарч байжээ.
