Өнөөдөр гадаа -9 градусын хүйтэн байна. Цаг агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
12 дугаар сарын 12-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 345 дахь өдөр бөгөөд он дуусахад 20 хоног үлдлээ.
- Цаг агаар өдөртөө -9 хүйтэн бол шөнөдөө -18 градус хүйтэн байх нь ээ.
- Аргын тооллын 12 сарын 12, Бархасвадь гараг. Билгийн тооллын 15, Гөрөөсөн толгой одтой, харагчин хонь өдөр. Өдрийн наран 8 цаг 31 минутад мандан, 17 цаг 00 минутад жаргана. Тухайн өдөр гахай, туулай жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр найз нөхдийг түшиж элдэв үйлийг түргэн бүтээх, бүтээл туурвил эхлэх, бизнэс эхлэх, цар ихтэй үйлийг эхлэх, бясалгал хийх, доодсыг асран өглөг, хандив өргөх, угаал үйлдэх, мал худалдан авах, мал түгээх, хийморийн дарцаг хатгахад сайн. Сахил санваар авах, хануур, төөнүүр хийлгэх, уул овоо тахихад муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод урагш мөрөө гаргавал зохистой. Үс шинээр үргээлгэх буюу засуулбал өлзийтэй сайн.
- Манай улсын голлох валют болох ам.долларын ханш 2727.00 төгрөгтэй тэнцэж байгаа бол бусад валют болох рубль 42.70 төгрөг, юань 387.60 төгрөг, вон 2.27 төгрөг байна.
Өнөөдөр болох онцлох үйл явдлууд:
- 09.00 цагт Улсын ерөнхий прокурорын газарт С.Зоригийг хөнөөсөн хэргээр ял эдэлж буй Т.Чимгээгийн гэр бүлийнхэн тус газрын удирдлагуутай уулзана.
- 09.00 цагт “Новотел” зочид буудалд Монголын залуу эрдэмтэн судлаачдын VI чуулган болно. Утас: 98119897
- 10.00 цагт Улсын нэг, гуравдугаар төв эмнэлэг, Хавдар судлалын үндэсний төв, Төрийн тусгай албан хаагчдын нэгдсэн эмнэлэгт Эрүүл мэндийн даатгалын ерөнхий газраас “Бүх нийтийн эрүүл мэндийн хамралт-Эрүүл мэндийн даатгал таны эрүүл мэндийн санхүүгийн хамгаалалт” нээлттэй хаалганы өдөрлөг зохион байгуулна.
- 10.30 цагт Нийслэлийн хэвлэл, мэдээллийн төвд Хот байгуулалт, хөгжлийн газраас зөвшөөрөлтэй барилгын жагсаалтын талаар мэдээлнэ.
- 11.00 цагт Засгийн газрын III байранд ҮСХ-ноос Монгол Улсын нийгэм, эдийн засгийн 2019 оны 11 сарын статистик мэдээллийг танилцуулна. Утас: 91100461
- 11.00 цагт ЭМЯ-нд ДЭМБ-аас Томуу, томуу төст өвчний дэгдэлтийн үед хэрэглэх Осельтамивар эмийг эрүүл мэндийн байгууллагуудад хүлээлгэн өгнө. Утас: 99179899, 86885060
- 11.00 цагт “Корпорейт” зочид буудалл “Байгаль орчинд үзүүлэх авлигын үр дагавар” хэлэлцүүлэг болно.
- 11.00 цагт Монголын Уран зургийн галерейд “Хүний эрх, эрх чөлөө” шог зургийн үзэсгэлэнгийн нээлт болно.
- 11.30 цагт “Үндэсний мэдээллийн төв”-д Монгол Улсын Гавъяат жүжигчин Д.Алтанхуяг “Цөмөөхэй” балетийн талаар мэдээлнэ.
- 12.00 цагт “Монгол ньюс” мэдээллийн төвд ХХААХҮЯ, МҮХАҮТ, “Монголын жижиглэн худалдаа эрхлэгчдийн холбоо” ТББ-аас “Их хүрээ 2019” худалдаа эрхлэгчдийн үндэсний чуулганы талаар мэдээлнэ.
- 12.00 цагт ҮХЦ-ийн гадна талбайд “Ялгаварлалыг Хариуцлагажуулья” нэгдлээс ҮХЦ-ийн гишүүн Д.Одбаярыг огцруулахыг шаардаж, жагсаал зохион байгуулна. Утас: 88113858, 88886676
- 12.30 цагт ШУА-ийн Хүрээлэнгүүдийн нэгдсэн I байранд Шинжлэх ухааны гавьяат ажилтан, түүхийн шинжлэх ухааны доктор, профессор Дамдинсүрэнгийн Цэвээндоржийн 70 насны ойн баярын ёслол болно.
- 15.00 цагт Монголын Хүүхдийн урлан бүтээх төвд БНЭУ-аас Монгол Улсад суугаа Элчин сайдын яам, Улаанбаатар хот дахь Энэтхэгийн соёлын төвөөс “Монгол, Энэтхэг улсын өнгөрсөн-Одоо-Иирээдүй” гар урлал, уран зургийн үзэсгэлэнгийн нээлт болно.
- 15.50 цагт “Чингис хаан” нисэх буудалд “UCMAS” соробан сампин, цээж тооллын аварга шалгаруулах тэмцээнд оролцсон Монголын баг эх орондоо ирнэ. Утас: 99110605, 88090605
Энэ өдөр дэлхийн түүүхэнд:
- Өнөөдөр ОХУ-д Үндсэн хуулиа баталсны өдөр тохиож байна.
- 1990 онд Big Bang хамтлагийн Seungri мэндэлжээ.
- 1963 онд Кения улс Их Британийн колоничлолоос гарч, тусгаар тогтнолоо олж авчээ.
- 1964 онд Кения улсын Ерөнхий сайдаар ажиллаж байсан Jomo Kenyatta тус улсын анхны Ерөнхийлөгчөөр сонгогдож байжээ.
- 2012 онд Хойд Солонгос улс анхны сансрын хиймэл дагуулаа амжилттай хөөргөж байжээ.
