Өнөөдөр гадаа -9 градусын хүйтэн байна. Цаг агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
12 дугаар сарын 11-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 344 дахь өдөр бөгөөд он дуусахад 21 хоног үлдлээ.
- Цаг агаар өдөртөө -9 хүйтэн бол шөнөдөө -22 градус хүйтэн байх нь ээ.
- Аргын тооллын 12 сарын 11, Буд гараг. Билгийн тооллын 14, Чөлөөт эх одтой, хар морь өдөр. Өдрийн наран 8 цаг 31 минутад мандан, 16 цаг 59 минутад жаргана. Тухайн өдөр бар, нохой жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, гарагийг тахих, тангараг тавих, гэр, байшингийн суурь тавихад сайн. Гэр бүрэх, хэрүүл тэмцэл хийх, улаа гаргах, хиншүү хярвас гаргахад муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод хойш мөрөө гаргавал зохистой. Үс шинээр үргээлгэх буюу засуулбал эд,
мал арвидна. - Манай улсын голлох валют болох ам.долларын ханш 2728.00 төгрөгтэй тэнцэж байгаа бол бусад валют болох рубль 42.70 төгрөг, юань 387.70 төгрөг, вон 2.27 төгрөг байна.
Өнөөдөр болох онцлох үйл явдлууд:
- 11.00 цагт Улаанбаатар дахь Оросын шинжлэх ухаан, соёлын төвд ОХУ-ын найруулагч Валерий Шевченко Кремлийн сүлд модны наадмын талаар мэдээлнэ.
- 11.00 цагт ШУТИС-ийн Олон улсын эрдэм шинжилгээний хурлын танхимд “Уул уурхайн технологи, эдийн засаг, экологи” 7 боть номын нээлт болно. Утас: 99148148
- 14.00 цагт МҮЭСТО-нд “ХОР БАЯРТАЙ” тамхинаас татгалзах үндэсний аяны хүрээнд Ерөнхий боловсролын сургуулийн 8-12 дугаар ангийн сурагчдад тамхины хор хөнөөлийг таниулах нөлөөллийн ажил өрнүүлнэ. Утас: 88084396, 80060907
- Төрийн ордонд
- 09.00 цагт “В” танхимд Хууль зүйн байнгын хороо хуралдана.
- 10.00 цагт “Их эзэн Чингис хаан” танхимд “Бэлгийн замаар дамжих халдвар, ХДХВ, ДОХ-ын халдварын өнөөгийн нөхцөл байдал, цаашид авах арга хэмжээ” хэлэлцүүлэг болно.
- 10.00 цагт “Жанжин Д.Сүхбаатар” танхимд Эдийн засгийн байнгын хороо хуралдана.
- 14.00 цагт “Жанжин Д.Сүхбаатар” танхимд Аюулгүй байдал, гадаад бодлогын байнгын хороо хуралдана.
- 15.00 цагт “Их Эзэн Чингис хаан” танхимд Нийгмийн бодлого, боловсрол, соёл, шинжлэх ухааны байнгын хороо хуралдана.
Энэ өдөр дэлхийн түүүхэнд:
- Өнөөдөр Олон улсын уулын өдөр тохиож байна.
- Мөн Аргентинд Үндэсний танго бүжгийн өдөр тохиож буй.
- 1996 оны энэ өдөр Америкийн жүжигчин, дуучин, Оскарын шагналд нэр дэвшигч Hailee Steinfeld мэндэлжээ.
- 1997 онд Киотогийн Протокол Япон улсын Киото хотноо Уур амьсгалын өөрчлөлтийн асуудлаарх НҮБ-ын Суурь Конвенцийн Талуудын 3-р бага хурлаар батлагджээ.
- 1972 онд "Аполло 17" сансрын хөлөг саран дээр газардсан зургаа дахь бөгөөд сүүлчийн "Аполло" хөлөг болжээ.
