Өнөөдөр гадаа -11 градусын хүйтэн байна. Цаг агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
12 дугаар сарын 10-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 342 дахь өдөр бөгөөд он дуусахад 22 хоног үлдлээ.
- Цаг агаар өдөртөө -11 хүйтэн бол шөнөдөө -16 градус хүйтэн байх нь ээ.
- Өнөөдөр аргын тооллын 2019 оны 12 дугаар сарын 10. Ангараг гараг. Билгийн тооллын давхарласан 13. Нэгэн эхийн зургаан хөвүүн одтой, цагаачин могой өдөр. Өдрийн наран 8 цаг 30 минутад мандан, 17 цаг 00 минутад жаргана. Тухайн өдөр үхэр жилтнээ аливаа үйлийг хийхэд эерэг сайн ба бич, тахай жилтнээ сөрөг муу нөлөөтэй тул элдэв үйлд хянамгай хандаж биеэ энхрийлүүштэй. Эл өдөр худалдаа арилжаа хийх, бизнэс хийх, эл адгуус авах, зээл авах, арвижуулах, дэлгэрүүлэх үйлийг эхлэх, сан тавиулах, угаал үйлдэх, газар лусын зан үйл хийх, өр барагдуулах, гэр бүрэхэд сайн. Ургаа мод таслах, газрын ам нээх, сэтгэлд сэвтэй газар очиход муу. Өдрийн сайн цаг нь үхэр , луу, морь, хонь, нохой, гахай болой. Хол газар яваар одогсод барууг хойш мөрөө гаргавал зохистой. Үс шинээр үргээлгэх буюу засуулбал жаргал ирнэ.
- Манай улсын голлох валют болох ам.долларын ханш 2726.00 төгрөгтэй тэнцэж байгаа бол бусад валют болох рубль 42.70 төгрөг, юань 387.80 төгрөг, вон 2.28 төгрөг байна.
Өнөөдөр болох онцлох үйл явдлууд:
- 10:00 цагт Монгол Улсын Хүний эрхийн Үндэсний Комисс Хэвлэлийн бага хурал хийнэ. Хурал ХЭҮК-ын байрны 514 тоотод болно
- 11:00 цагт МУИС-н шинэ номын сан 202 тоотод "БОЛОВСРОЛ ТӨВТЭЙ УЛС ТӨР"ТББ-н урилгаар Бүгд Найрамдах Польш Улсын Сеймийн дэд Маршал Малгожата Гошевска"ПОЛЬШ ДАХЬ АРДЧИЛЛЫН ӨӨРЧЛӨЛТҮҮД 1989-2019" илтгэл тавигдан
“Зууны мэдээ” сонины “Үндэсний мэдээллийн төв”-д
- 11:00 цагаас УИХ-ын гишүүн Х.Болорчулууны санаачилсан Үндэсний их баяр наадмын тухай хуульд орох нэмэлт өөрчлөлтийг хүлээн зөвшөөрөхгүй байгаагаа илэрхийлж Монголын Үндэсний Морин уралдаан, Уяачдын холбооноос хэвлэлийн бага хурал зарлалаа.
- 11:30 цагаас Архангай аймгийн Өндөр-Улаан, Тариат, Жаргалант сумын нутагт урьд нь цуцалсан хэдий ч үе үеийн улс төрчид ШОУ хийж Ураныг дахин ашиглахаар хүчээр сэргээж байгаатай холбогдуулж тус аймгийн Өндөр-Улааны “Гурван гол” хөдөлгөөнөөс хэвлэлийн бага хурал зарлалаа.Сэтгүүлчид та бүхнийг урьж байна.
Энэ өдөр дэлхийн түүүхэнд:
- 1520 онд Мартин Лютер татгалзахыг шаардсан папын зарлигийг олон нийтэд дэлгэж шатааж байжээ.
- 1684 онд Исаак Ньютоны Кеплерийн хуулиудыг таталцлын онолоос гарган авсан бөгөөд энэ нь Deumu corporum цаасан дээр агуулагдсан байдаг.
- 1898 Испани Америкийн дайн албан ёсоор Парисын гэрээгээр дуусгавар болсон байна.
- 1901 онд Нобелийн энхтайвны анхны шагналуудыг Улаан загалмайн үүсгэн байгуулагч Жан Анри Дантан, энх тайвны төлөө тэмцэгч Фредерик Пассид гардуулсан аж
