Өнөөдөр гадаа -9 градусын хүйтэн байна. Цаг агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
12 дугаар сарын 9-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 342 дахь өдөр бөгөөд он дуусахад 23 хоног үлдлээ.
- Цаг агаар өдөртөө -9 хэмийн хүйтэн бол шөнөдөө -16 градус хүйтэн байх нь ээ.
- Аргын тооллын 12 сарын 9, Сумъяа гараг. Билгийн тооллын 13, Гоё хүүхэн одтой, цагаан луу өдөр. Өдрийн наран 8 цаг 29 минутад мандан, 17 цаг 00 минутад жаргана. Тухайн өдөр хулгана, бич жилтнээ аливаа үйлийг хийхэд эерэг сайн. Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, хишиг даллага дуудуулах, насан бүтээл хийлгэх, зэтгэрийг номхотгох, хөгжмийн зэмсэг урлах, хур оруулах, дарханы үйлд сайн. Гүүр тавих, газар шороо ухахад муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод зүүн зүгт мөрөө гаргавал зохистой. Үс шинээр үргээлгэх буюу засуулбал жаргал ирнэ.
- Манай улсын голлох валют болох ам.долларын ханш 2724.00 төгрөгтэй тэнцэж байгаа бол бусад валют болох рубль 42.80, юань 387.70, вон 2.29 төгрөг байна.
Өнөөдөр болох онцлох үйл явдлууд:
- Төрийн ордонд УИХ дахь МАН-ын бүлэг, АН, ШИНЭН-ын зөвлөл хуралдана.
- 09.00 цагт “Blue Sky” зочид буудалд АТГ-аас “Шударга байдал ба олон нийтийн итгэл” хуулийн байгууллагуудын нэгдсэн зөвлөгөөн зохион байгуулна.
- 10.00 цагт МҮЭСТО-нд Ардчилсан эмэгтэйчүүдийн холбооноос “Лиш” фестиваль зохион байгуулна. Утас: 88191456, 89585885
- 11.00 цагт НЗДТГ-т “Ард түмний штаб” ТББ-аас Нийслэлийн Засаг дарга бөгөөд Улаанбаатар хотын захирагч С.Амарсайханд шаардлага хүргүүлнэ.
- 11.00 цагт “Үндэсний мэдээллийн төв”-д “Ази фарм” компаниас эрүүл мэндийн салбарынханы хууль бус үйлдлийн талаар мэдээлнэ.
- 13.00 цагт “Blue Mon” төвд “Бидний эрх-Хүний эрх” өдөрлөг болно. Утас: 11324627
- 14.00 цагт Улаанбаатар зочид буудалд “Улс төрийн санхүүжилтийн ил тод байдлыг хангаж, авлигын эрсдэлээс сэргийлэх эрх зүйн орчинг бүрдүүлэх нь” хэлэлцүүлэг болно.
Энэ өдөр дэлхийн түүхнээ:
- Өнөөдөр Авлигатай тэмцэх олон улсын өдөр тохиож байна.
- 1990 онд SHINee хамтлагийн Minho мэндэлжээ.
- 1987 оны энэ өдөр Унгарын хөлбөмбөгчин бөгөөд Германы «Хоффенхайм» болон Унгарын шигшээд довтлогч Адам Салаи мэндэлжээ.
- 1953 оны энэ өдөр Америкийнтайз, дэлгэцийн жүжигчин, продюсер Жон Малкович мэндэлжээ. Тэрбээр «Оскарт» хоёр удаа нэр дэвшиж байсан аж.
- 1870 оны энэ өдөр Мексикийн хуульч, улс төрч бөгөөд 1914 онд богинохон хугацаанд тус улсын ерөнхийлөгчөөр ажилласан Франсиско Карбахал мэндэлж байжээ.
- 2012 онд болсон Мексикийн онгоцны ослын үеэр 7 хүн амь насаа алдаж байжээ.
