Өнөөдөр гадаа -8 градусын хүйтэн байна. Цаг агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
12 дугаар сарын 06-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 339 дахь өдөр бөгөөд он дуусахад 26 хоног үлдлээ.
- Цаг агаар өдөртөө -8 хэмийн хүйтэн бол шөнөдөө -21 градус хүйтэн байх нь ээ.
- Аргын тооллын 12 сарын 6, Сугар гараг. Билгийн тооллын 10, Могойг хүлэгч одтой, улаагчин үхэр өдөр. Өдрийн наран 8 цаг 25 минутад мандан, 17 цаг 02 минутад жаргана. Тухайн өдөр тахиа, могой жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, лус тахих, мал арилжих, буг дарах, газрын ам бооход сайн. Цөөрөм байгуулах, байшингийн суурь тавих, угаал үйлдэхэд муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод баруун зүгт мөрөө гаргавал зохистой. Үс шинээр үргээлгэх буюу засуулбал эрч, хүч ихсэнэ.
- Манай улсын голлох валют болох ам.долларын ханш 2726.00 төгрөгтэй тэнцэж байгаа бол бусад валют болох рубль 42.60, юань 387.00, вон 2.28 төгрөг байна.
Өнөөдөр болох онцлох үйл явдлууд:
- 09.00 цагт Улаанбаатар чуулгын байранд зам тээврийн осол гарсан үед иргэн бүр гэмтэж бэртсэн хүний амь насыг аврах, яаралтай тусламж үзүүлэх, анхан тусламжийн мэдлэг, чадварыг эзэмшүүлэх сургалт эхэлнэ.
- 09.00 цагт “Ялалт плаза”-д “Аялал жуулчлалын судалгаа -2019” эрдэм шинжилгээний хурал болно. Утас: 99153766
- 10.00 цагт Төрийн ордонд УИХ-ын чуулган хуралдана.
- 10.00 цагт МҮЭСТО-нд "Нийслэлийн хүүхдийн шүд угаалтын аварга шалгаруулах тэмцээн" болно. Утас: 90080806
- 10.00 цагт “Туушин” зочид буудалд “Хүний эрхийн боловсролыг зорилтот бүлэг хүргэх буюу малчдын өөртөө туслах бүлгээр дамжуулж, туслах малчдыг чадалжуулах нь” төслийн нээлт болно.
- 10.00 цагт “Новотел” зочид буудалд “ХОРЕКА” зочлох үйлчилгээний салбарын форум болно. Утас: 88054040
- 10.00 цагт “Ub palace”-т боловсрол, урлаг соёлын олны танил хүмүүс гэр бүлийн хүчирхийллийн хор, гэр бүлийн үнэт зүйл, эерэг харилцаа, Монгол эр хүний үлгэр дуурайлал, гэр бүлд ээж, эхнэр хүний нөлөө зэрэг сэдвээр илтгэл тавина.
- 11.00 цагт МҮЭХ-нд “Тавантолгой” ХК-иас их хэмжээний тонн нүүрс алга болсон талаар тус компанийн үйлдвэрчний эвлэлийн хорооны дарга Д.Махгал мэдээлнэ. Утас: 88007709
- 11.00 цагт МУИС-ийн Номын санд Ардчилсан хувьсгалын 30 жилийн ойд зориулан Польш улсын Сеймийн дэд Маршал Малгожата Гошевска “Польш дахь ардчиллын өөрчлөлтүүд 1989-2019" сэдвээр илтгэл тавина.
- 11.00 цагт ШУА-ийн Тэргүүлэгчдийн газарт “Археологич, Академич Д.Дорж" номын нээлт болно. Утас: 99717977
- 11.00 цагт “Монгол ньюс” мэдээллийн төвд Азийн сан, Сант Марал сангаас хамтран явуулсан “Авлигын талаарх олон нийтийн ойлголт, мэдлэг тогтоох судалгаа”-ны үр дүнг танилцуулна.
- 11.00 цагт БНТУ-аас Монгол Улсад суугаа Элчин сайдын өргөөнд Элчин сайд М. Ахмет Язалын гэргий хатагтай доктор Кадирэ Зэйнэп Сайым Язалын ивээл дор зохион байгуулах “Season’s Greetings” зүймэл даавуун урлалын үзэсгэлэн, худалдааны нээлт болно.
- 11.30 цагт Улаанбаатар инновацын төвд НҮБ-ийн Хөгжлийн хөтөлбөр, Нийслэлийн шинжлэх ухаан, үйлдвэрлэл, инновацын газрын хамтран хэрэгжүүлж буй “Бид Идэвхэжсэн2030 @ #HUB” төслийн хүрээнд байгуулж буй Идэвхжилтийн төвийн нээлт болно.
- 11.30 цагт “Үндэсний мэдээллийн төв”-д “Иргэдийн шударга шүүх” ТББ-аас хуулийн байгууллагууд залилангийн гэмт хэрэгтэй тэмцэж чадахгүй байгаа талаар мэдээлнэ.
- 12.00 цагт Гадаадын хөрөнгө оруулагчдын бүртгэлийн Нэг цэгийн үйлчилгээний төвд “Хөгжлийн бодлого, төлөвлөлтийн мэдээллийн нэгдсэн систем хөгжүүлэх төсөл”-ийн хаалтын хэлэлцүүлэг болно. Утас: 95952030
Энэ өдөр дэлхийн түүхэнд:
- Өнөөдөр Испани улсад Үндсэн хуулийн өдөр тохиож байна.
- 2006 онд НАСА Марс гариг дээр шингэн ус оршин байгааг харуулсан гэрэл зургийг дэлхий нийтэд дэлгэжээ.
- 2015 онд Боливарын Бүгд Найрамдах Венесуэл Улсад улс төрийн сонгууль болжээ. Ингэхдээ 17 жилийн турш анх удаа Венесуэлийн Нэгдсэн Социалист нам ялагдал хүлээсэн байна.
- 1998 онд Венесуэл улсын ерөнхийлөгчөөр Hugo Chбvez сонгогдож байжээ.
- 1947 онд Флорида дахь "Everglades"үндэсний парк нээлтээ хийж байжээ.
