Өнөөдөр гадаа -8 градусын хүйтэн байна. Цаг агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
12 дугаар сарын 03-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 336 дахь өдөр бөгөөд он дуусахад 29 хоног үлдлээ.
- Цаг агаар өдөртөө -8 хэмийн хүйтэн бол шөнөдөө -17 градус хүйтэн байх нь ээ.
- Аргын тооллын 12 сарын 3, Ангараг гараг. Билгийн тооллын 7, Яруу эгшигт одтой, хөх нохой өдөр. Өдрийн наран 8 цаг 21 минутад мандан, 17 цаг 03 минутад жаргана. Тухайн өдөр бар, морь жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, угаал үйлдэх, хүүхэд үрчлэн авах, гэр, байшингийн суурь тавихад сайн. Нүүдэл суудал хийх, хэрүүл тэмцэл хийхэд муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод хойш мөрөө гаргавал зохистой. Үс шинээр үргээлгэх буюу засуулахад тохиромжгүй.
- Манай улсын голлох валют болох ам.долларын ханш 2724.00 төгрөгтэй тэнцэж байгаа бол бусад валют болох рубль 42.40, юань 387.80, вон 2.30 төгрөг байна.
Өнөөдөр болох онцлох үйл явдлууд:
- 09.00 цагт “Холидэй Инн” зочид буудалд хөгжийн бэрхшээлтэй иргэдийг хөдөлмөрт зуучлах “Саreer Expo-2019” болно. Утас: 99931551
- 09.00 цагт АТГ-ын Олон нийтийн төвд “Боловсролын салбар дахь ёс зүйн асуудал” хэлэлцүүлэг болно.
- 10.30 цагт ЦССҮТ-д “Сар бүрийн 3-Цусаа бэлэглэх өдөр” болно.
- 11.00 цагт НЗДТГ-д “Ард түмний штаб”-аас НИТХ-ын даргад шаардлага хүргүүлнэ. Утас: 99191388
- 11.00 цагт Монголын Театрын музейд туульч, цуурч, хөөмийч Эрдэнэцогтын Баатаржавын “Дэлхийд түгсэн Монгол өв соёл” үзэсгэлэнгийн нээлт болно.
- 11.30 цагт “Үндэсний мэдээллийн төв”-д инженерүүд “Мон-30” цахилгаан автобусны талаар мэдээлнэ.
- 11.30 цагт “Тэнгис” кино театрт Нийслэлийн Гэр бүл, хүүхэд, залуучуудын хөгжлийн газраас Олон улсын хөгжлийн бэрхшээлтэй иргэдийн эрхийг хамгаалах өдрийг тохиолдуулан “Бид тэгш эрхтэй” өдөрлөг зохион байгуулна. Утас: 88098294
Төрийн ордонд - 09.00 цагт “Их Эзэн Чингис хаан” танхимд “Хар тамхи, мансууруулах бодисын хяналт, хууль, эрх зүйн орчны талаарх” ерөнхий хяналтын сонсгол болно.
- 11.00 цагт “Жанжин Д.Сүхбаатар” танхимд Байгаль орчин, хүнс хөдөө, аж ахуйн байнгын хороо хуралдана.
“Шангри-Ла” зочид буудалд - 09.30 цагт Эдийн засгийн сэтгүүлчдийн “Өөрчлөгч” клуб, Азийн хөгжлийн банк хамтран “Агаарын бохирдол -Орон сууцжуулалт” уулзалт зохион байгуулна.
- 10.00 цагт “Евроазийн Эдийн засгийн коридорт Монгол Улсын оролцоо” олон улсын хурал болно. Утас: 99088034
Хангарди ордонд - 11.00 цагт Нийслэлийн Эрүүл мэндийн газраас өнгөрсөн сард гал түймрийн аюулаас таван хүүхэд, хоёр насанд хүрсэн хүнийг аварсан Нийслэлийн Түргэн тусламжийн 103 төвийн эмч нарт “Хүний төлөө” медаль гардуулна.
- 11.15 цагт Нийслэлийн Эрүүл мэндийн газраас хөгжлийн бэрхшээлтэй хүүхэдтэй эцэг эхчүүдийн холбоонд амин дэм, эм бэлдмэл гардуулна
Энэ өдөр дэлхийн түүхэнд:
- Өнөөдөр Хөгжлийн бэрхшээлтэй хүмүүсийн эрхийг хамгаалах олон улсын өдөр тохиож байна.
- Мөн Куба улсад Эмч нарын баярын өдөр тохиож буй.
- 1985 оны энэ өдөр Америкийн нэрт жүжигчин Аманда Сейфрид мэндэлжээ.
- 1994 онд PS буюу Playstation компьютер тоглоом Японд худалдаалагдаж эхэлжээ.
- 1990 онд Мэри Робинсон Ирландын Ерөнхийлөгчийн тангараг өргөн, анхны эмэгтэй ерөнхийлөгч болсон байна.
- 1994 онд Тайванд анх удаагаа орон нутгийн сонгууль болж байжээ.
