Өнөөдөр гадаа -11 градусын хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
11 дүгээр сарын 29-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 335 дахь өдөр бөгөөд он дуусахад 32 хоног үлдлээ.
- Цаг агаар өдөртөө -11 хэмийн хүйтэн бол шөнөдөө -17 градус хүйтэн байх нь ээ.
- Билгийн тооллын 3, Суулга одтой, цагаан морь өдөр. Өдрийн наран 8 цаг 16 минутад мандан, 17 цаг 05 минутад жаргана. Тухайн өдөр нохой жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, угаал үйлдэх, тангараг тавих, гэр бүрэхэд сайн. Хэрүүл тэмцэл хийх, хүүхэд хөлд оруулахад муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод баруун урагш мөрөө гаргавал зохистой. Үс шинээр үргээлгэх буюу засуулбал эд малтай баялаг төгс болно.
- Манай улсын голлох валют болох ам.долларын ханш 2718.00 төгрөгтэй тэнцэж байгаа бол бусад валют болох рубль 42.40, юань 388.00, вон 2.31 төгрөг байна.
Өнөөдөр болох онцлох үйл явдлууд:
- 08.00 цагт ХНХЯ-нд “Асбесттай харьцан ажилладаг ажилтнуудын бүртгэл мэдээллийн тогтолцоог бий болгож, урьдчилан сэргийлэх үйл ажиллагааг сайжруулах нь” хэлэлцүүлэг болно.
- 08.30 цагт МҮХАҮТ-д болох "Business breakfast" уулзалтад УИХ-ын гишүүн, ХХААХҮ-ийн сайд Ч.Улаан оролцоно.
- 09.00 цагт Төрийн ордонд Монгол Улсын Сангийн хамаг хэргийг бүгд захиран шийтгэгч яамны анхны Тэргүүн сайд, Түшээт засаг, хошой чин ван, Говь түшээ гүний хошууны Засаг ноён Гадинбалын Чагдаржавын мэндэлсэний 150 жилийн ойд зориулсан эрдэм шинжилгээний хурал болно.
- 09.00 цагт Улсын Хүүхэлдэй театрт “Театр-Хүүхэд-Боловсрол” зөвлөгөөн болно. Утас: 99849000
- 09.00 цагт МУИС-ын Номын санд “Татварын хуулийн шинэчлэл эдийн засагт үзүүлэх үр нөлөө” эрдэм шинжилгээний бага хурал болно. Утас: 80806689
- 09.30 цагт ШУТИС-ийн Номын санд “Инженер, технологийн дээд боловсрол” төслийн хүрээнд Япон улсад суралцаж буй судлаачдын "Нээлттэй илтгэл-II" хэлэлцүүлэг болно. Утас: 94060849
- 09.30 цагт “Туушин” зочид буудалд “Гадаад валютын нөөц” хэлэлцүүлэг болно. Утас: 91992520
- 10.00 цагт Төрийн ордонд УИХ-ын чуулган хуралдана.
- 10.00 цагт “Аса цирк”-ийн урд байрлах “МТ” шатахуун түгээх станцын дэргэд “Зорчигч тээвэр III”-ын дарга Б.Цолмон Монгол инженерүүдийн зохион бүтээсэн “МОН-30” автобусыг туршина. Утас: 90979099
- 10.00 цагт ЭМЯ-ны А танхимд Дундговь, Дорноговь, Говьсүмбэр аймгийн эрүүл мэндийн байгууллагад Дурангийн ариутгалын аппарат, биохимийн автомат анализатор, хүчилтөрөгч өтгөрүүлэгч аппарат, нярайн дулаацуулах ширээ хүлээлгэн өгнө. Утас: 86885060
- 10.00 цагт Хангарьд ордонд НИТХ-ын ээлжит хуралдаан болно.
- 11.00 цагт Үндсэн хуулийн цэцийн даргад нэр дэвших, дэвшүүлэх, сонгох Үндсэн хуулийн цэцийн гишүүдийн хуралдаан болно.
- 11.00 цагт АТГ-т “Манан дэглэмийн эсрэг Монгол түмний нэгдэл”-ээс АТГ-ын дарга , тэргүүн комиссар Дашдаваад шаардлага хүргүүлнэ.
- 11.00 цагт ШУА-ийн Тэргүүлэгчдийн байран 2019 оны "Шилдэг эрдэмтэн", "Шилдэг залуу судлаач" шалгаруулах ёслол болно. Утас: 98119897
- 11.30 цагт “Мишиээл экспо” төвд “Экологид ээлтэй бүтээгдэхүүн-2019” үзэсгэлэн худалдаа эхэлнэ. Утас: 91910031, 99153766
- 11.30 цагт ЭМЯ-нд “Дэлхий нийтээрээ ХДХВ, ДОХ-ын асуудалд олон нийтийн анхаарал хандуулах өдөр”-ийг тэмдэглэх талаар мэдээлнэ. Утас: 99819291
- 15.00 цагт МУИС-ийн хичээлийн I байранд МУБИС-ийн Нийгэм, Хүмүүнлэгийн Сургуулийн Нийгмийн ухааны тэнхимийн ахлах багш, судлаач, доктор (PhD) Э.Гэрэлт-Од "Сонгогчийн эрхийг хамгаалах нь: Саад бэрхшээл, түүнийг даван туулах нь" лекц уншина. Утас: 51262752
- 15.00 цагт Богд хааны ордон музейд Америкийн Нэгдсэн Улсын Төрийн департаментийн дэргэдэх Боловсрол, соёлын асуудал хариуцсан товчооны Соёлын өвийн төвөөс хэрэгжүүлсэн “Богд хааны ирвэсийн арьсан гэрийг сэргээн засварлах” төслийн хаалтын ёслол болно. Утас: 88016871, 91917416
"Монгол ньюс" мэдээллийн төвд
- 11.00 цагт Хөгжлийн бэрхшээлтэй иргэдийн эрхийн форумаас ирэх оны нэгдүгээр сарын 1-нээс нийгмийн даатгалын шимтгэлийг нэмэхийг эсэргүүцэж, хэвлэлийн бага хурал хийнэ.
- 11.30 цагт Монголын татвар төлөгчдийн үйлдвэрчний эвлэлийн үндэсний холбооноос нийгмийн даатгал, эрүүл мэндийн даатгалын шимтгэл болон авлигын талаар мэдээлнэ.
- 12.00 цагт Эм хангамжийн холбооноос Эрүүл мэндийн даатгалын үндэсний зөвлөлийн 12 тоот тогтоол, эмийн үнийн талаар мэдээлнэ.
Энэ өдөр дэлхийн түүхэнд:
- 1938 оны энэ өдөр Кашивадо Цүёши сүмогийн 47 дахь ёкозүна мэндэлж байжээ.
- 1988 оны энэ өдөр Америкийн алдарт хөлбөмбөгийн тамирчин Russell Wilson мэндэлжээ.
- 1965 онд Канадын сансрын агентлаг "Alouette 2" хэмээх сансрын хиймэл дагуулыг хөөргөжээ.
- 1987 онд БНСУ-ын "Flight 858" нислэг осолдож, онгоцонд сууж явсан 115 хүн амь насаа алджээ.
- 2009 онд Америкийн иргэн Maurice Clemmons Вашингтон хотын нэгэн кофе шоп дото сууж байсан цагдаагийн дөрвөн ажилтныг буудаж, амь насыг нь хороосон байна. Ингэснээрээ тэрбээр насаараа хорих ялаар шийтгүүлсэн байна.
