Өнөөдөр гадаа -13 градусын хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
11 дүгээр сарын 22-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 326 дахь өдөр бөгөөд он дуусахад 39 хоног үлдлээ.
- Цаг агаар өдөртөө -13 хэмийн хүйтэн бол шөнөдөө -14 градус хүйтэн, цас орох нь ээ.
- Билгийн тооллын 26, Тугчин одтой, харагчин гахай өдөр. Өдрийн наран 8 цаг 08 минутад мандан, 17 цаг 09 минутад жаргана. Тухайн өдөр хонь жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр хууль цааз гаргах, батлах, хэрэглэх, хулгай дээрмийг номхотгох, гэмтнийг шийтгэх, мал адгуус номхруулах, сан тавиулах, угаал үйлдэх, нялхсын хурим хийх, огторгуйн үүдийг боох, их хүмүүнтэй уулзахад сайн. Газар ухах, худаг гаргах, сэтгэлд сэвтэй газар очих, балгадын суурь тавих, нохой худалдан авахад муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод зүүн хойш мөрөө гаргавал зохистой. Үс шинээр үргээлгэх буюу засуулбал жаргал үргэлжид ирэх сайн
- Манай улсын голлох валют болох ам.долларын ханш 2710.00 төгрөгтэй тэнцэж байгаа бол бусад валют болох рубль 42.20, юань 385.30, вон 2.30 төгрөг байна.
Өнөөдөр болох онцлох үйл явдлууд:
- 09.00 цагт “Шангри-Ла” зочид буудалд “Парисын хэлэлцээрийг хэрэгжүүлэх үндэсний зорилт, арга хэмжээ" чуулган эхэлнэ. Утас: 91910031, 99153766
- 10.00 цагт Төрийн ордонд УИХ-ын чуулган хуралдана.
- 10.00 цагт Хангарди ордонд НИТХ-ын ээлжит бус VIII хуралдаан болно. Утас: 70119921
- 10.00 цагт ШУА-ийн Хүрээлэнгүүдийн нэгдсэн II байранд Философийн хүрээлэнгийн Нээлттэй хаалганы өдөрлөг болно. Утас: 99717977
- 10.00 цагт Архивын ерөнхий газарт Шинжлэх ухааны гавьяат зүтгэлтэн, доктор профессор А.Очирын хувийн сан хөмрөгийн үзэсгэлэнгийн нээлт болно. Утас: 99055680
- 11.00 цагт МХЕГ-т мэргэжлийн хяналтын байгууллагаас олон улсын сургалтын хөтөлбөртэй сургуулиуд болон мал төхөөрөх, мах, махан бүтээгдэхүүн боловсруулах үйлдвэрүүдэд хийсэн хяналт шалгалтын талаар мэдээлнэ.
- 11.30 цагт Нийслэлийн хэвлэл мэдээллийн төвд Нийслэлийн Хөдөлмөр эрхлэлтийн газраас “Тавантолгой түлш” компанид ажиллах иргэдийг бүртгэх талаар мэдээлнэ. Утас: 91915825, 98000059
- 13.00 цагт “Их хуралдай” оффист ирээдүй хойч үедээ эртний өв уламжлалаа өвлүүлэх “Боржгон дайлан урлал” сургалт болно. Утас: 88033373
- 13.00 цагт "Корпорейт" зочид буудалд Атар газар эзэмшсэний 60 жилийн ойн баярын хурал болно.
- 16.00 цагт “Mongol art gallery”-д СТА Б.Сайханбаярын “1900” үзэсгэлэнгийн нээлт болно.
“Blue Sky” зочид буудалд - 08.45 цагт “Албан тушаалтны хөрөнгө, орлогод иргэдийн хяналтын нэмэгдүүлэх, хөрөнгө, орлогын мэдүүлгийн маягтыг боловсронгуй болгох нь” хэлэлцүүлэг болно.
- 10.30 цагт “Статистикийн мэдээллийн үнэ цэн” сургалт болно.
- 13.00 цагт “Монгол улсад Нийгмийн Эгэх Хариуцлагыг бэхжүүлэх нь” төслийн хүрээнд хэрэгжүүлсэн 14 дэд төслийн үр дүнгийн уулзалтын хаалтын ёслол болно. Утас: 99778587, 99007360
- 15.00 цагт Иргэд, иргэний нийгмийн байгууллагууд хамтран орон нутгийнхаа боловсрол, эрүүл мэндийн үйлчилгээнд тулгамдсан асуудлуудыг шийдвэрлэсэн туршлагаа танилцуулна. Утас: 88919395
“Үндэсний мэдээллийн төв”-д
- 11.30 цагт Үндэсний эрх ашгийн төлөө хөдөлгөөнөөс Монгол Улсын шатахууны импорт гадаадын нэг компаниас хараат болж байгаа талаар мэдээлнэ.
- 12.00 цагт Үндэсний сайтын хөгжлийн нэгдсэн холбооноос сэтгүүлч Ж.Жаргалсайханд туслах хандивын тоглолтын тухай мэдээлнэ.
Энэ өдөр дэлхийн түүхэнд:
- Өнөөдөр Коста Рикад Багш нарын баярын өдөр тохиож байна.
- 1981 оны энэ өдөр "Зүрхэнд шингэсэн намар", "Амьдралын ээдрээ", "Миний байшин" зэрэг киногоороо хэдийнэ алдаршсан алдарт жүжигчин Song Hye-kyo мэндэлжээ.
- 2001 оны энэ өдөр NCT хамтлагын гишүүн Chenle(Zhong Chen Le) мэндэлжээ.
- Харин 2015 оны энэ өдөр БНСУ-ын 7 дахь ерөнхийлөгч, улс төрч Kim Young-sam таалал төгсчээ.
- 1995 онд алдарт "Тоглоомын түүх" хүүхэлдэйн кино цацагджээ.
