Өнөөдөр гадаа -16 градусын хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
11 дүгээр сарын 18-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 322 дахь өдөр бөгөөд он дуусахад 43 хоног үлдлээ.
- Цаг агаар өдөртөө -16 хэмийн хүйтэн бол шөнөдөө -27 градус хүйтэн байх нь ээ.
- Билгийн тооллын 21, Найралт эх, шарагчин хонь өдөр. Өдрийн наран 8 цаг 02 минутад мандан, 17 цаг 14 минутад жаргана. Тухайн өдөр гахай, туулай жилтнээ аливаа үйлийг хийхэд эерэг сайн. Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, лус тахих, мал худалдан авах, мал түгээх, хийморийн дарцаг хатгахад сайн. Сахил санваар авах, хануур, төөнүүр хийлгэх, цөөрөм байгуулахад муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод урагш мөрөө гаргавал зохистой. Үс шинээр үргээлгэх буюу засуулахад тохиромжгүй
- Манай улсын голлох валют болох ам.долларын ханш 2706.00 төгрөгтэй тэнцэж байгаа бол бусад валют болох рубль 42.30, юань 386.00, вон 2.31 төгрөг байна.
Өнөөдөр болох онцлох үйл явдлууд:
- Төрийн ордонд УИХ дахь МАН-ын бүлэг, АН, ШИНЭН”-ын зөвлөл хуралдана.
- Монголын үндэсний музейд “Өнөр бүл хүүхдийн төв”-ийн хүүхдүүдийн “Эх дэлхийгээ хайрлая” гар урлал, уран зургийн бүтээлийн үзэсгэлэн эхэлнэ.
- 09.00 цагт НҮБ-ын байранд “Баримтат өвийн хадгалалт, хамгаалалт, түүний хүртээмж” сургалт болно.
- 09.00 цагт Цус сэлбэлт, судлалын үндэсний төвд “Хүүхдийн сүрье өвчнийг эрт илрүүлэх, ялган оношлох нь” сургалт болно.
- 09.30 цагт “Шангри-Ла” зочид буудалд “Хариуцлагатай бичил уурхай” форум болно. Утас: 99109723
- 10.00 цагт Ннийслэлийн хэвлэл, мэдээллийн төвд Нийслэлийн Онцгой байдлын газрын Гамшгаас урьдчилан сэргийлэх хэлтсийн дарга, хурандаа Г.Нэргүй, Мэргэжлийн хяналтын газрын дэд дарга С.Даваасүрэн нар сайжруулсан түлшний хэрэглээний талаар мэдээлнэ.
- 10.00 цагт Үндэсний номын санд “Монгол ардын Жангар баатарлаг тууль”-г номын сангуудад бэлэглэх ёслол болно.
- 11.00 цагт “Монгол ньюс” мэдээллийн төвд Монголын байгаль орчны иргэний зѳвлѳлийн тэргүүн Б.Эрдэнэ “Монгол Улс аюултай хог хаягдлыг булшилдаг газар болох ёсгүй” сэдвээр мэдээлнэ.
- 11.00 цагт ЭМЯ-нд ДЭМБ, НЭМҮТ-өөс “Антибиотикийн талаарх мэдлэг, хандлагыг дээшлүүлэх Дэлхийн 7 хоног”-ийн талаар мэдээлнэ.
- 11.00 цагт “Монгол ньюс” мэдээллийн төвд Хүннү бичээс тайлагч “Сэргэлэн Интернэйшнл Экспедишн” ТББ -аас Гол тигэний бага бичээс хэмээн алдаршсан Хөшөө Цайдамын энгэр дэх хөшөөний бичээсийг ШУА, Хэл зохиолын хүрээлэн, Монгол Алтай судлалын холбоо буруу тайлсан талаар мэдээлнэ. Утас: 88821168
- 12.00 цагт Монголын уран зургийн галерейд Соёлын гавъяат зүтгэлтэн, “Гамма” агентлагийн захирал С. Цацралтын “Атар60” үзэсгэлэнгийн нээлт болно.
- 13.30 цагт Монголын театрын музейд Монгол, Солонгосын гэрэл зурагчдын хамтарсан “Autumn Pestivals” үзэсгэлэнгийн нээлт болно.
- 14.00 цагт “Сити” цамхагт “Эерэг өөрчлөлт-залуучуудын оролцоо” уралдааны шилдэг бүтээл шалгаруулах ёслол болно. Утас: 88098294
- 16.00 цагт ҮХЦ-ийн дарга Д.Одбаярт холбогдох асуудлаар ҮХЦ-ийн нийт гишүүд хуралдана.
Энэ өдөр дэлхийн түүхэнд:
- 1558 оны энэ өдөр Хатан хаан Элизабет Английн хаан ширээнд суув.
- 1796 оны энэ өдөр Наполеон Бонапарт Альпийн голын ойролцоо Италийн армийг ялав.
- 1789 оны энэ өдөр АНУ Үндсэн хуулиа батлав. Энэ нь түүхэнд дэлхийн анхны Үндсэн хууль хээмээн тэмдэглэгдсэн байдаг.
- 1862 оны энэ өдөр Америкийн Холбооны генерал Амброуз Бернсэд "Фредериксбург цэргийн ажиллагаа"-г эхлүүлэхээр Вашингтоноос хойд зүгт цэргээ төвлөрүүлэв.
- 1869 оны энэ өдөр Суэцийн суваг албан ёсоор нээгдэв.
- 1877 оны энэ өдөр Хаант Оросын цэрэг Арменийн Карс хотод Туркийн армийн эсрэг шөнийн довтолгоог хийлээ.
- 1913 оны энэ өдөр Анхны хөлөг онгоц Атлантын болон Номхон далайг холбодог Панамын сувгаар дамжив.
- 1918 оны энэ өдөр Герман Улс Брюсселээс цэргээ татлаа.
- 1941 оны энэ өдөр Германы нисэх хүчний генерал Эрнст Удет амиа хорложээ. Нацистын Засгийн газар түүнийг нислэгийн ослоор нас барсан гэж олон нийтэд мэдээлэв.
- 1951 оны энэ өдөр Их Британи Улс дэлхийн анхны цөмийн цахилгаан халаалтын системийг суурилуулсан орон болжээ.
- 1970 оны энэ өдөр Зөвлөлтийн нисгэгчгүй Луна 17 робот саран дээр газардав.
- 1989 оны энэ өдөр Чехсловакийн Прага дахь оюутны жагсаалыг цагдаа нар хүчээр тарааж, Коммунист Засгийн газрыг унагах бослогод хүргэв.
- 1993 оны энэ өдөр АНУ-ын Төлөөлөгчдийн танхим Хойд Америкийн чөлөөт худалдааны хэлэлцээр байгуулах тогтоолыг баталлаа.
