Өнөөдөр Улаанбаатар хотод +21 градус дулаан, дуу цахилгаатай бороо орно. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Өнөөдөр 8 дугаар сарын 14-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 226 дахь өдөр бөгөөд он дуусахад 141 хоног үлдлээ.
- Цаг агаар өдөртөө +21 градусын дулаан бол шөнөдөө +10 градус дуу цахилгаантай аадар бороо орно.
- Билгийн тооллын 14, 2 Гоё хүүхэн одтой, харагчин хонь өдөр. Өдрийн наран 5 цаг 46 минутад мандан, 20 цаг 06 минутад жаргана. Тухайн өдөр гахай, туулай жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, хишиг даллага дуудуулах, насан бүтээл хийлгэх, мал худалдан авах, мал түгээх, сахил санваар авах, хануур, төөнүүр хийлгэх, хийморийн дарцаг хатгахад сайн. Эрдэнийг гадагш өгөх, уул овоо тахихад муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод урагш мөрөө гаргавал зохистой.
- Үс шинээр үргээлгэх буюу засуулбал эд, мал арвидна.
- Манай улсын голлох валют болох ам.долларын ханш 2.672 төгрөгтэй тэнцэж байгаа бол бусад валют болох рубль 41.20, юань 377.00, вон 2.18 төгрөг байна.
Өнөөдөр болох онцлох үйл явдлууд:
- 09.00 цагт ХХААХҮЯ-нд “Бэлчээрийн зохистой менежмент, Нарийн ба нарийвтар ноост хонины үржлийн асуудал” уулзалт, хэлэлцүүлэг болно. Утас: 80019000
- 10.30 цагт Сонгинохайрхан дүүрэгт нийтийн эзэмшлийн зам талбайд зөвшөөрөлгүй барилга, гараж барьсан, автозамтай хашаагаа тулган барьж явган хүний зам талбайгүй болгосон аж ахуй нэгжүүдийн зөрчлийг арилгахаар нийслэлийн Газар зохион байгуулалтын албанаас албадан буулгалт хийж, нийтийн эзэмшлийн зам талбайг чөлөөлнө. Утас: 88049313
- 11.00 цагт СЭЗИС-ийн С байранд тус сургууль ACCA (The Association of Chartered Certified Accountants) нийгэмлэгээс бүрэн магадлан итгэмжлэгдсэнээ олон нийтэд танилцуулж, нээлттэй өдөрлөг зохион байгуулна. Утас: 91999111
- 12.00 цагт Тусгаар тогтнолын ордонд Берлин дахь Монголын мэргэжил эзэмшигч болон оюутны холбооноос ХБНГУ-д суралцах сонирхолтой залууст зөвлөгөө өгөх "Германд хэрхэн суралцах вэ?" өдөрлөг зохион байгуулна. Утас: 99296005, 80149994
Энэ өдөр дэлхийн түүхэнд:
- 1040 оны энэ өдөр Элгины тулалдаанд Шотландын хаан Дунканыг төрсөн дүү Макбет нь алж хаан ширээг авчээ.
- 1385 оны энэ өдөр Литвийн Их ван Ягайло Польштой газар нутгаар нэгдэх холбоо байгуулжээ.
- 1619 оны энэ өдөр Хойд Америкт анх удаа архидалтын эсрэг хууль гаргаж усан үзэм тариалахыг хоригложээ.
- 1790 оны энэ өдөр Верелсийн гэрээ байгуулагдаж Орос-Шведийн дайн (1788-1790) албан ёсоор дуусжээ.
- 1888 оны энэ өдөр Америкийн инженер Оливер Шелленберг цахилгаан тооцооны машин зохион бүтээжээ.
- 1908 оны энэ өдөр Англид дэлхийн анхны гоо бүсгүйн тэмцээн болжээ.
- 1919 оны энэ өдөр Германд Вейрмарын үндсэн хууль хэрэгжиж эхэлжээ.
- 1945 оны энэ өдөр Японы эзэн хаан Хирохито тус улсыг үг дуугүй бууж өгөх тогтоолд гарын үсэг зуржээ.
- 1992 оны энэ өдөр Гүрж-Абхазын дайн эхэлжээ.
- 2015 оны энэ өдөр Кубийн нийслэл Гавана хотод 54 жилийн дараа АНУ Элчин сайдын яамаа нээжээ.
