Өнөөдөр Улаанбаатар хотод +21 градус дулаан, бага зэргийн бороотой. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Өнөөдөр 8 дугаар сарын 13-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 225 дахь өдөр бөгөөд он дуусахад 142 хоног үлдлээ.
- Цаг агаар өдөртөө +21 градусын дулаан бол шөнөдөө +11 градус бага зэргийн бороотой.
- Билгийн тооллын 13, Элдэв тэнгэртэн одтой, хар морь өдөр. Өдрийн наран 5 цаг 44 минутад мандан, 20 цаг 07 минутад жаргана. Тухайн өдөр бар, нохой жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр гэмтнийг шийтгэх, хулгай дээрмийг номхотгох, угаал үйлдэх, тангараг тавих, гэр, байшингийн суурь тавихад сайн. Гэр бүрэх, хэрүүл тэмцэл хийхэд муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод хойш мөрөө гаргавал зохистой.
- Үс шинээр үргээлгэх буюу засуулбал жаргал ирнэ.
- Манай улсын голлох валют болох ам.долларын ханш 2.672 төгрөгтэй тэнцэж байгаа бол бусад валют болох рубль 41.30, юань 377.00, вон 2.19 төгрөг байна.
Өнөөдөр болох онцлох үйл явдлууд:
- 08.00 цагт Д.Сүхбаатарын талбайд Монгол Улсын Ерөнхийлөгчийн ивээлд хэрэгжиж буй "Англи хэлтэй залуус хөтөлбөрт хамрагдаж байгаа 4500 залуу нийгэмд эерэг хандлагыг уриалах зорилготой нэгдсэн "Флаш моб" болно. Утас: 95269666
- 09:00 цагт Төв аймгийн сум дундын Эрүүгийн хэргийн анхан шатны шүүхэд Б.Хурц нарт холбогдох хэргийн шүүх хурал үргэлжилнэ.
- 09.30 цагт Ерөнхий сайд У.Хүрэлсүх Эрчим хүчний салбарын зарим үйлдвэр, компаниудын 2019-2020 оны өвлийн бэлтгэл, томоохон төсөл, хөтөлбөрийн явц байдалтай танилцана. Утас: 88023917
- 10.00 цагт Баянзүрх, Сүхбаатар дүүрэгт нийтийн эзэмшлийн зам талбайд зөвшөөрөлгүй барилга, гараж барьсан, автозамтай хашаагаа тулган барьж явган хүний зам талбайгүй болгосон аж ахуй нэгжүүдийн зөрчлийг арилгахаар нийслэлийн Газар зохион байгуулалтын албанаас албадан буулгалт хийж, нийтийн эзэмшлийн зам талбайг чөлөөлнө. Утас 88049313
- 10.00 цагт Сити цамхагийн хурлын танхимд “Монгол Хүүхдийн биеийн хэмжээ” судалгааны үр дүн, ач холбогдлыг нийтэд танилцуулах, судалгааны үр дүнг цаашид хэрхэн ашиглах талаар үйлдвэрлэгчид болон хэрэглэгчдэд танилцуулна. Утас: 88087892
- 11.00 цагт Санхүүгийн зохицуулах хорооны 211 тоотод Хөрөнгийн зах зээл, Даатгалын зах зээл, Банк бус санхүүгийн байгууллага, Хадгаламж, зээлийн нөхцөл байдал болон Санхүүгийн зах зээлийн талаарх хэрэглэгчийн итгэлийн судалгааны 2019 оны хоёрдугаар улирлын дүнг СЗХ-ноос танилцуулна. Утас: 80881000
- 11.00 цагт Нийслэлийн хэвлэл мэдээллийн төвд нийслэлийн Онцгой байдлын газраас цаг үеийн асуудлаар мэдээлнэ. Утас: 325044
- 11:30 цагт Үндэсний мэдээллийн тѳвд Үндсэн хуулийн нэмэлт, ѳѳрчлѳлтийн талаар улс тѳрийн намууд байр сууриа илэрхийлнэ.
- 16:00 цагт Үндэсний цэцэрлэгт хүрээлэнд БНСУ-Монгол Улс дипломат харилцаа тогтоосны 29 жилийн ойн хүрээнд Солонгосын соёлын долоо хоног эхэлнэ. Утас:11-450778
