Өнөөдөр Улаанбаатар хотод +20 градус дулаан, бага зэргийн бороотой. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Өнөөдөр 8 дугаар сарын 12-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 224 дахь өдөр бөгөөд он дуусахад 143 хоног үлдлээ.
- Цаг агаар өдөртөө +20 градусын дулаан бол шөнөдөө +13 градус бороотой.
- Билгийн тооллын 12, Суулга одтой, цагаагчин могой өдөр. Өдрийн наран 5 цаг 43 минутад мандан, 20 цаг 09 минутад жаргана. Тухайн өдөр үхэр, тахиа жилтнээ аливаа үйлийг хийхэд эерэг сайн. Эл өдөр эм, эмнэлгийн элдэв үйл, хагалгаа хийлгэх, биеийн тамирыг сэргээх, хараал, жатхыг буцаах, газар лусын зан үйл хийх, өр барагдуулах, гэр бүрэхэд сайн. Ургаа мод таслах, газрын ам нээх зэрэг үйлд муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод баруун хойш мөрөө гаргавал зохистой.
- Үс шинээр үргээлгэх буюу засуулахад тохиромжгүй.
- Манай улсын голлох валют болох ам.долларын ханш 2.670 төгрөгтэй тэнцэж байгаа бол бусад валют болох рубль 41.30, юань 378.00, вон 2.20 төгрөг байна.
Өнөөдөр болох онцлох үйл явдлууд:
- 10.00 цагт Төрийн ордонд Ерөнхий сайд У.Хүрэлсүх ОХУ-ын Казань хотноо болох Дэлхийн ур чадварын олимпод Монгол Улсыг төлөөлөн оролцох МСҮТ-ийн хүүхдүүдтэй уулзана. Утас: 91915340
- 10.00 цагт Туушин зочид буудалд Үндэсний мэдээллийн МОНЦАМЭ агентлаг, Монголын Гэрэл зурагчдын нэгдсэн холбоо санаачлан хэрэгжүүлж буй “Өнөөдрийн Монгол-2019” хөтөлбөрийн нээлт болно. Утас: 99091754, 90109300
- 11.00 цагт Хэвлэлийн хүрээлэнд "Дэлхийн залуучуудын өдөр"-ийг тохиолдуулан зохион байгуулж буй "Нийгмийг өөрчлөх залуус" аяны талаар Гэр бүл, хүүхэд, залуучуудын хөгжлийн газраас мэдээлнэ.
- 11.40 цагт Монголын Үндэсний музейд “Халх гол, Ялалтын 80 жил” тусгай үзэсгэлэнг нээнэ. Утас: 99123922
- 14.00 цагт МҮХАҮТ-д “Хүүхэд бүр цэцэрлэгт” албан байгууллагуудын цэцэрлэгийг хөгжүүлэхэд төр-хувийн хэвшлийн хамтын ажиллагаа, түншлэл уулзалт болно. Утас: 99252827. 99078303
Энэ өдөр дэлхийн түүхэнд:
- МЭ 30 онд Египтийн хатан хаан зургадугаар Клеопатра өөрийн амийг егүүтгэжээ.
- 1687 онд Унгарын Чарлес ван Мохаксын тулалдаанд Туркын цэргүүдийг бут цохив.
- 1762 онд Британийн цэргүүд Испанийн колони Кубыг хоёр сарын хугацаанд бүсэлсний эцэст эзэлжээ
- 1791 онд Санто Даминго дахь хар арьст боолууд эрх чөлөөнийхөө төлөө цагаан арьстнуудыг эсрэг босжээ.
- 1812 онд Британийн командлагч Веллингтон Германы иргэн Жозеф Бонапартыг албадан гаргахаар Испанийн Мадрид хотыг эзэлжээ.
- 1898 онд Испани-Америкийн дайн гурван сар 22 хоног үргэлжилсний эцэст төгсөв.
- 1941 онд Францын маршал Анри Филипп Петайн нацист Германтай хамтран ажиллана хэмээн ард түмнийхээ өмнө зарлав.
- 1961 онд Берлины хана баригдах болж Германыг зүүн, баруун гэсэн хоёр улсад хуваав.
- 2000 онд Оросын тэнгисийн цэргийн К-141 Курск шумбагч онгоц Балтын тэнгист сургуулилалт хийж байх явцдаа дэлбэрч, тэнгисийн гүнд живэв.
