Өнөөдөр Улаанбаатар хотод +19 градус дулаан, бороотой. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Өнөөдөр 8 дугаар сарын 9-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 221 дахь өдөр бөгөөд он дуусахад 146 хоног үлдлээ.
- Цаг агаар өдөртөө +19 градусын дулаан бол шөнөдөө +11 градус бороотой.
- Билгийн тооллын 9, Онгоц одтой, шар бар өдөр. Өдрийн наран 5 цаг 39 минутад мандан, 20 цаг 13 минутад жаргана. Тухайн өдөр морь, нохой жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлд шамдах, бүтээл туурвил эхлэх, худалдаа арилжаа хийх, бизнэс эхлэх, зэрэг дэвших, сүм дуганыг сэргээх, амьлуулах, өглөгийн түллэг хийх, хишиг дуудуулах, хот балгадын үйл, цэрэг, цагдаагийн үйл, тангарагаа буцаахад сайн. Гөлөг тэжээх, золиг гаргах, бомбын үйл, хүүхэд хөлд оруулахад муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод баруун урагш мөрөө гаргавал зохистой.
- Үс шинээр үргээлгэх буюу засуулахад тохиромжгүй
- Манай улсын голлох валют болох ам.долларын ханш 2.669 төгрөгтэй тэнцэж байгаа бол бусад валют болох рубль 41.30, юань 378.50, вон 2.19 төгрөг байна.
Өнөөдөр болох онцлох үйл явдлууд:
- 08.00 цагт Төрийн ордны Иргэний танхимд “Тост, Тосон бумба” үндэсний хэлэлцүүлэг болно. Утас: 94091377
- 10.00 цагт Сүхбаатарын талбайд Т.Лхагвасүмбэрэлийг хөнөөсөн хэргийг дахин шалгахыг шаардаж, “Байгаль хамгаалах говийн иргэдийн санаачилга”, “Эрс шинэчлэл" хөдөлгөөн, “Уугуул хөдөлгөөн” ТББ-аас тайван жагсаал зохион байгуулна. Утас: 94091377
- 11.00 цагт Батлан хамгаалахын дэд сайд Т.Дуламдорж, БСШУС-ын дэд сайд Г.Ганбаяр, болон их, дээд сургуулиудын захирлууд “Оюутан цэрэг” хөтөлбөрийн явцтай танилцана. Утас: 88111619
- 11.00 цагт Нийслэлийн Хэвлэл, мэдээллийн төвд Улаанбаатар хотод зөвшөөрөлгүй барьж буй барилгуудын талаар нийслэлийн Зам, тээврийн асуудал хариуцсан төслүүдийн удирдагч Б.Отгонсүх болон НМХГ, НОБГ, НХБХГ, НАЗХГ-аас мэдээлнэ.
- 11.30 цагт Төрийн ордонд УИХ-ын гишүүн Л.Болд, Ж.Батзандан нар цаг үеийн асуудлаар мэдээлнэ.
Энэ өдөр дэлхийн түүхэнд:
- 642 оны энэ өдөр Сасанидын армийг арабууд нэг мөсөн даржээ.
- МЭӨ 480 оны энэ өдөр Спартын 300 дайчин Фермопилын хавцалд Персийн армийн замын хаан тулалджээ.
- 48 оны энэ өдөр Фарсалын дэргэд Помпей, Цезарь хоёрын цэрэг тулалдаж, Цезарийн арми ялжээ.
- 1173 оны энэ өдөр Пизаны цамхгийг барьж эхэлжээ
- 1549 оны энэ өдөр Англи Францад дайн зарлажээ.
- 1792 оны энэ өдөр Богемийн хаан ширээнд II Франц заларчээ.
- 1805 оны энэ өдөр Австри, Их Британи, Орос улс Наполеоны эсрэг Гуравдугаар эвслийг байгуулжээ.
- 1905 оны энэ өдөр Портсмутод АНУ-ын Ерөнхийлөгч Т.Рузвельтын зуучлалаар Япон-Оросын энхийн хэлэлцээр эхэлжээ.
- 1945 оны энэ өдөр ЗХУ Японд дайн зарлан Маньжур уу дайрчээ.
- 1945 оны энэ өдөр АНУ Нагасаки хотод цөмийг бөмбөг хаяжээ.
