Өнөөдөр Улаанбаатар хотод +20 градус дулаан, бороотой. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Өнөөдөр 8 дугаар сарын 5-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 217 дахь өдөр бөгөөд он дуусахад 148 хоног үлдлээ.
- Цаг агаар өдөртөө +20 градусын дулаан бол шөнөдөө +15 градус бороотой.
- Билгийн тооллын 5, Тугчин одтой, хөх нохой өдөр. Өдрийн наран 5 цаг 34 минутад мандан, 20 цаг 19 минутад жаргана. Тухайн өдөр бар, морь жилтнээ аливаа үйлийг хийхэд эерэг сайн. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба хишиг даллага дуудуулах, насан бүтээл хийлгэх, хүүхэд үрчлэн авах, гэр, байшингийн суурь тавихад сайн. Эрдэнийг гадагш өгөх, нүүдэл суудал хийх, хэрүүл тэмцэл хийхэд муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод хойш мөрөө гаргавал зохистой.
- Үс шинээр үргээлгэх буюу засуулбал эд, мал арвидна.
- Манай улсын голлох валют болох ам.долларын ханш 2.667 төгрөгтэй тэнцэж байгаа бол бусад валют болох рубль 42.00, юань 383.00, вон 2.22 төгрөг байна.
Өнөөдөр болох онцлох үйл явдлууд:
- 09.00 цагт “Новотел” зочид буудалд Үндэсний статистикийн хороо, НҮБ-ын Хүн амын сан, АНУ-ын Тооллогын Товчоо хамтран “CSPRO Android Mobile Data Collection” сургалт зохион байгуулна. Утас: 99778498
- 09.00 цагт МУБИС-ийн хичээлийн А, Б байранд “Сургалтын хөтөлбөрт дэмжлэг үзүүлэх арга зүй” үндэсний сургагч багш бэлтгэх сургалт эхэлнэ. Утас: 99012549, 86061497
- 11.00 цагт Нийслэлийн Амгалан амаржих газарт “JCI Монгол” байгууллагаас нярайн шарлалтыг хэмжих багаж, дулаацуулагч ширээ, инкубатор, шарлагын аппарат болон эх, нярайн амралтын өрөөний буйдан, ус цэвэршүүлэгч төхөөрөмж хандивлана.
- (Цаг тодорхойгүй) Хангарди ордны III давхарт Нийслэлийн газар зохион байгуулалтын албанаас "Нийтийн эдэлбэр газар" буюу иргэдийн амарч, зугаалах цэцэрлэгт хүрээлэнгээр шинээр бүртгэсэн 32 байршлын талаар мэдээлнэ.
Энэ өдөр дэлхийн түүхэнд:
- 1762 онд Орос, Прусс, Австри улсууд Польшийг хуваахаар тохиролцсон гэрээнд гарын үсэг зурав. Энэ цагаас хойш Польшийн тусгаар тогтнол 200 гаруй жилийн турш маргаантай байв.
- 1815 онд Триполи, Алжир, Тунистай улсууд энхийн гэрээ байгуулж Барбарын дайн эцэс болов.
- 1858 онд Атлантын далайг дамнуулан анхны кабелын утсыг тавив. Энэ цагаас хойш хоёр тив мэдээллийг хоромхон зуурт солилцдог болжээ.
- 1914 онд Британийн экспедицийн цэргийн хүчин Дэлхийн нэгдүгээр дайнд оролцжээ. Дайнаас өмнө экспедицийн хүчин нь Английн колониудад эзэн хааны нөлөөг тогтвортой байлгах үүрэгтэй байв.
- 1915 онд Австри-Германы цэргийн нэгдсэн хүчин Польшийн нийслэл Варшавыг эзлэв.
- 1941 онд Германы арми Уман, Смоленск орчимд Зөвлөлтийн 410,000 цэргийг олзолжээ.
- 1962 онд Алдарт жүжигчин Мэрилин Монро учир битүүлэг байдлаар нас баржээ.
- 1964 онд АНУ-ын Ерөнхийлөгч Линдон Жонсон Тонкины буланд болсон явдлын хариуд Хойд Вьетнамыг бөмбөгдөх зарлиг буулгажээ. Мөн Конгресст Хойд Вьетнамын эсрэг дайтахыг уриалж, хүсэлт тавьжээ.
- Хорватын цэргүүд Шуурга ажиллагааны үеэр Сербийн стратегийн гол бэхлэлт болсон Книн хотыг эзлэн авчээ.
