338 оны энэ өдөр Хероны дэргэдэх тулалдаан болжээ. Македонийн хаан II Филиппын арми Афин болон Беотийн армийг ялжээ.
МЭӨ 216 оны энэ өдөр Канны дэргэдэх тулалдаанд Ромын эзэнт гүрний арми Карфагены жанжин Ганнибалын цэрэгт дийлдэн түүхэндээ хамгийн том ялагдлыг хүлээжээ.
МЭӨ 47 оны энэ өдөр Ромын жанжин Юлий Цезарь Босфорын хаан II Фарнакийн армийг ялаад Сенатад “Ирлээ,харлаа,ялла” гэсэн мэдээ хүргүүлжээ.
461 оны энэ өдөр Баруун Ромын эзэнт гүрний хаан Майориан өөрийн офицер Рицимерт алуулжээ.
1100 оны энэ өдөр ан хийж байсан Английн хаан II Вильгельм учир битүүлгээр нас баржээ. Түүнийг дүү нь Английн ирээдүйн хаан I Генри харваж алсан гэдэг таамаг байдаг.
1377 оны энэ өдөр Пьян мөрний дэргэдэх тулалдаанд Алтан ордны цэрэг Оросын нэгдсэн армийг бут цохижээ.
1552 оны энэ өдөр Саксонийн гүн Иоганн Фрэдэрик Ромын эзэн хаан V Карлын дэргэд зургаан жил хоригдож байгаад суллагджээ.
1553 оны энэ өдөр Марсианы тулалдаанд Ариун Ромын арми Францын армийг ялжээ.
1718 оны энэ өдөр Франц, Англи, Австри, Голланд улс Испанийн эсрэг анхны Дөрвийн холбоог байгуулжээ.
1769 оны энэ өдөр Испаничууд Нуестра Сеньора ла Рейна де Лос Анжелес де Порционцила суурин байгуулжээ. (одоогийн Лос-Анжелес хот)
1776 оны энэ өдөр Их Британиас тусгаарласан 13 Хойд Америкийн колонийн төлөөлөгчид болон Тивийн конгресс (Америкийн хувьсгалын үеэр Нэгдсэн мужуудын удирдах байгууллага) тусгаар тогтнолын тунхагт гарын үзэг зуржээ. Ийнхүү АНУ байгуулагдсан нь албан ёсоор батлагджээ.
1802 оны энэ өдөр Наполеон плебисцитаар (тухайн үеийн бүх ард түмний санал асуулга) бүх насаараа Францын консулаар сонгогджээ.
1812 оны энэ өдөр Одессод тахал өвчин гарчээ. Энэ өвчин хотын ес дэх оршин суугч болгоны амийг авч одсон аж.
1830 оны энэ өдөр Францын хаан X Карл хаан ширээнээсээ татгалзжээ.
1865 оны энэ өдөр Льюис Карроллын “Алиса ид шидийн оронд” ном гарчээ.
1903 оны энэ өдөр Македонид Туркийн дарлалын эсрэг Илиндены бослого гарчээ.
1914 оны энэ өдөр Итали улс Дэлхийн I дайнд төвийг сахихаа мэдэгджээ.
1922 оны энэ өдөр далайн хар шуурга хятадын Шаньтоу хотыг үгүй хийжээ. Гамшигт 60 мянган хүн энджээ.
1934 оны энэ өдөр Адольф Гитлер Германы төрийн тэргүүн болжээ.
1944 оны энэ өдөр Турк улс Германтай дипломат харилцаагаа тасалжээ.
1945 оны энэ өдөр Потсдамын хурал өндөрлөжээ.
1970 оны энэ өдөр Английн арми анх удаа резинэн сум хэрэглэжээ.
1972 оны энэ өдөр Египет болон Ливи хоёр нэгдэн нэг улс болж буй тухай гэрээ батлагджээ.
1980 оны энэ өдөр Италийн Болонье хотод ХХ зууны сүүлийн хагаст гарсан хамгийн том террорист халдлагын нэг болжээ. 86 гаруй хүн нас барж, 200 гаруй хүн шархаджээ.
1981 оны энэ өдөр Жон Ленноныг алсан Марк Чапмэний хэргийг шүүх хурал болжээ.
1990 оны энэ өдөр Ирак Кувейт руу довтолжээ.
2018 оны энэ өдөр Apple Inc нэг их наяд гаруй долларт үнэлэгдсэн анхны компани болжээ.
