Өнөөдөр Улаанбаатар хотод +29 градус дулаан, үүлтэй. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Өнөөдөр 8 дугаар сарын 2-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 214 дахь өдөр бөгөөд он дуусахад 151 хоног үлдлээ.
- Цаг агаар өдөртөө +29 градусын дулаан бол шөнөдөө +16 градус дулаан, үүлшинэ.
- Билгийн тооллын 1, Их морь одтой, цагаагчин хонь өдөр. Өдрийн наран 5 цаг 30 минутад мандан, 20 цаг 24 минутад жаргана. Тухайн өдөр гахай жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр гэмтнийг шийтгэх, хулгай дээрмийг номхотгох, лус тахих, мал худалдан авах, мал түгээх, огторгуйн үүдийг боох, их хүмүүнтэй уулзахад сайн. Цөөрөм байгуулах, сахил санваар авах, хануур, төөнүүр хийлгэх, балгадын суурь тавих, нохой худалдан авахад муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод зүүн хойш мөрөө гаргавал зохистой. Тэрсүүд өдөр.
- Үс шинээр үргээлгэх буюу засуулахад тохиромжгүй
- Манай улсын голлох валют болох ам.долларын ханш 2,664 төгрөгтэй тэнцэж байгаа бол бусад валют болох рубль 42.20, юань 385,00, вон 2.22 төгрөг байна.
Өнөөдөр болох онцлох үйл явдлууд:
- 09.00 цагт Багшийн хөгжлийн ордонд “Хилийн чанад дахь Монгол хэл, соёлын багш нарын заах арга зүйг дэмжих сургалт” эхэлнэ.
- 10.00 цагт НЗДТГ-т НИТХ-ын тэргүүлэгчдийн ээлжит хуралдаан болно. Утас: 88877948, 70119921
- 10.00 цагт ЦССҮТ-д “Цусаа бэлэглэх өдөр" болно. Утас: 99550999, 99706693
- 10.00 цагт Хөгжлийн бэрхшээлтэй хүүхдийн сэргээн засах хөгжлийн төвд Монгол Улс, БНХАУ дипломат харилцаа тогтоосны 70 жилийн ойн хүрээнд зохион байгуулж буй “Найрамдлын хонх” сайн үйлсийн аяны хүрээнд хөгжлийн бэрхшээлтэй хүүхдүүдэд бэлэг гардуулна. Утас: 91915340, 99047423
- 11.00 цагт Үндэсний мэдээллийн МОНЦАМЭ агентлагийн мэдээллийн төвд ЗХЖШ-ын удирдлагууд, гадаад орнуудын зэвсэгт хүчний төлөөлөл Олон улсын “АРАВТ” морин цэргийн уралдааны талаар мэдээлнэ. Утас: Утас: 88810818
Энэ өдөр дэлхийн түүхэнд:
- МЭӨ 338 оны Чаерониа дахь тулалдаанд хоёрдугаар Филиппын удирдсан Македонийн арми Афина ба Фебийн хамтарсан армийг ялав. Ялалтын үр дүнд Македонийн нөлөөлөл Грек, Эгейд тогтоосон юм.
- МЭӨ 216 оны Хоёрдугаар Пеникийн дайны үеэр Ромын эзэнт гүрэн болон Карфагенийн армийн хоорондын Каннагийн тулалдаан болжээ. Тулалдааны үр дүнд Ханнибалаар удирдуулсан Карфагенийн арми Лукус Аемилиус Паулус, Гайус Терентиус Варро нарын удирдсан Ромын армийг илт давуу ялжээ.
- 1776 онд АНУ-ын тусгаар тогтнолыг хүлээн зөвшөөрөх тунхаг бичигт 56 төлөөлөгч албан ёсоор гарын үсэг зуржээ.
- 1790 оны АНУ-ын хүн амын анхдугаар тооллогоор 3,939,214 иргэний 697,624 нь боол байжээ.
- 1832 оны Бэд аксын тулалдаанд Иллинойс мужийн 1,300 цэрэг Америкийн уугуул индианчуудтай тулалдан ялалт байгуулжээ. Ингэснээр таван сар үргэлжилсэн Хар шонхорын дайн төгссөн юм.
- Энэтхэгийн засгийн газар Зүүн энэтхэгийн компани нэрийн дор Британийн эзэнт гүрний харьяанд шилжив.
- 2018 онд Apple компани АНУ-ын анхны нэг тэрбум долларын ашиг олсон аж ахуй нэгж болжээ.
