Өнөөдөр Улаанбаатар хотод +27 градус дулаан, үүлтэй. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
8 дугаар сарын 1-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 213 дахь өдөр бөгөөд он дуусахад 152 хоног үлдлээ.
- Цаг агаар өдөртөө +27 градусын дулаан бол шөнөдөө +13 градус дулаан, бороо орно.
- Билгийн тооллын 24, Гоё хүүхэн одтой, хөх хулгана өдөр. Өдрийн наран 5 цаг 21 минутад мандан, 20 цаг 34 минутад жаргана. Тухайн өдөр луу, бич жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр гэмтнийг шийтгэх, хулгай дээрмийг номхотгох, угаал үйлдэх, хүүхэд үрчлэн авах, улааны үйл, хур оруулах, дарханы үйлд сайн. Төлөг тавих, морь уралдахад муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод зүүн зүгт мөрөө гаргавал зохистой.
- Үс шинээр үргээлгэх буюу засуулахад тохиромжгүй
- Манай улсын голлох валют болох ам.долларын ханш 2,666 төгрөгтэй тэнцэж байгаа бол бусад валют болох рубль 42.30, юань 387,30, вон 2.22 төгрөг байна.
Өнөөдөр болох онцлох үйл явдлууд:
- 11:00 цагт Үндэсний мэдээллийн төвд "Хилийн чанад дахь монголчуудын зөвлөл" ТББ-ын 5 жилийн ойг тэмдэглэх талаарх хэвлэлийн бага хурал болно.
- 10:00 цагт Хангарди ордны 14 давхарт Жайка олон улсын байгууллагатай Хотын Захирагч уулзана. Уулзалтаар японы буцалтгүй тусламжаар автобусны утааны шүүлтүүрийг хүлээлгэж өгөх, уг шүүлтүүр хэрхэн автобусны утааг шүүж буй талаар туршилт явуулах зэрэг үйл явдал болно.
Энэ өдөр дэлхийн түүхэнд:
- МЭӨ 30 онд Ромын эзэн гүрний генерал, улс төрч Марк Антони Октавианы тулалдаанд ялагдсанаасаа болоод өөрийнхөө амийг егүүтгэжээ.
- 527 онд Анхдугаар Жастиниан нь Византын эзэнт гүрний хаан болов
- 1774 онд Английн теологч, химич, зохиолч Жозеф Пристли хүчилтөрөгчийг хийн төлөвт нь тусгаарласнаар илрүүлжээ.
- 1834 онд Их Британийн эзэнт гүрэн даяар боолчлолыг хүчингүй болгосон. 1833 оны боолчлолыг зогсоох тухай хууль хүчин төгөлдөр болжээ.
- АНУ-ын атомын шумбагч USS Nautilus Хойд туйлд "Нар гэрэл ажиллагаа" явуулжээ.
