Өнөөдөр Улаанбаатар хотод +17 градус дулаан, бороо орно. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
7 дугаар сарын 29-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 210 дахь өдөр бөгөөд он дуусахад 155 хоног үлдлээ.
- Цаг агаар өдөртөө +17 градусын дулаан бол шөнөдөө 10 градус дулаан, бороо орно.
- Билгийн тооллын 27, Гөрөөсөн толгой одтой, улаагчин туулай өдөр. Өдрийн наран 5 цаг 25 минутад мандан, 20 цаг 29 минутад жаргана. Тухайн өдөр хонь, гахай жилтнээ аливаа үйлийг хийхэд эерэг сайн. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба гарагийг тахих, мал аж ахуйн үйл, удирдлагын суудалд суух, хийморийн дарцаг хатгахад сайн. Газар хагалах, ус булгийн эх малтах, улаа гаргах, хиншүү хярвас гаргах, уул овоо тахихад муу. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод урагш мөрөө гаргавал зохистой.
- Үс шинээр үргээлгэх буюу засуулбал өлзийтэй сайн.
- Манай улсын голлох валют болох ам.долларын ханш 2,666 төгрөгтэй тэнцэж байгаа бол бусад валют болох рубль 42.70, юань 388.30, вон 2.22 төгрөг байна.
Өнөөдөр болох онцлох үйл явдлууд:
- 09.00 цагт Багшийн хөгжлийн ордонд Бага боловсролын багш нарын “Математик” зуны сургалт эхэлнэ. Утас: 86061497
- 10.00 цагт Төрийн ордонд Бүгд Найрамдах Турк Улсын Үндэсний их хурлын дарга Мустафа Шентопын айлчлал эхэлнэ.
- 11.00 цагт “Холидэй Инн” зочид буудалд “Зүүн хойд Азийн орнуудын бүс нутгийн засаг захиргаадын харилцаа хамтын ажиллагааны дээд хэмжээний 24 дэх уулзалт”-ын зохион байгуулагч нар тус уулзалтын талаар мэдээлнэ.
- 11.00 цагт Шүүхийн ерөнхий зөвлөлийн байранд Монгол Улсын шүүхийн 2019 оны эхний хагас жилийн шүүн таслах ажлын дүнг танилцуулна. Утас: 99122141, 96664674
- 11.30 цагт “Монгол ньюс” мэдээллийн төвд Баянгол дүүрэгт хийж буй хууль бус томилгооны талаар иргэд мэдээлнэ. Утас: 90165775
- 17.00 цагт Монголын урчуудын эвлэлийн үзэсгэлэнгийн танхимд Сүхбаатар аймгаас төрсөн зураач, урчуудын “Тал нутгийн өнгө” үзэсгэлэнгийн нээлт болно
Энэ өдөр дэлхийн түүхэнд:
- 1615 онд Францын судлаач Самуэл де Чамплейн Шинэ Дэлхий буюу Америк тивийг зорих долоо дахь аялалдаа Хурон нуурыг нээжээ.
- 1794 онд Францын хувьсгалын нөлөө бүхий хүмүүсийн нэг Робеспьеррийг цаазалжээ. Түүнийг цаазлахдаа олон нийтийн өмнө толгойг нь тасалсан аж.
- 1835 онд Францын хаан Луис-Филипп аллагад өртсөн боловч амьд үлджээ.
- 1914 онд Австри-Унгарын Вант улс Сербид дайн зарласнаар Дэлхийн нэгдүгээр дайн эхэлжээ.
- 1932 онд Дэлхийн нэгдүгээр дайнд тулалдаж явсан АНУ-ын ахмад дайчид халамжийг бодлогыг эсэргүүцэн Вашинтонд бослого дэгдээжээ.
- 1941 онд Японы эзэн хааны арми Хятадын Кочин эрэг рүү халдан довтолжээ.
- 1965 он АНУ-ын Ерөнхийлөгч Линдон Жонсон Өмнөд Вьетнам руу 50,000 цэрэг илгээх зарлиг буулгажээ.
- 2005 онд Хойд Ирландын тусгаар тогтнолын төлөөх 30 жилийн тэмцэл өндөрлөжээ. Үүнийг дагаад цэргийн хяналтын ажиллагаа ч төгссөн аж.
