657 оны энэ өдөр Сиффиний дэргэдэх тулалдаанд Исламын суннитууд жадныхаа үзүүрт Коран судрын хуудаснуудыг зоож дайрахад шиитууд балмагдан олигтой хариу арга хэмжээ авч чадалгүй ялагджээ.
811 оны энэ өдөр Вирбишийн хавцлын тулалдаанд Византын хаан I Никифор Болгарын хаан Крумтай тулалдаж байгаад амь үрэгджээ. (Крум түүний гавлын ясаар дарсны хундага хийжээ)
1581 ионы энэ өдөр Нэгдсэн Улсын ерөнхий мужууд Испанийн хаан IIФилиппыг хаан ширээнээс нь албан ёсоор огцруулжээ.
1788 оны энэ өдөр Нью-Йорк АНУ-ын 11 дэх муж болжээ.
1805 оны энэ өдөр Везувийн галт уул дэлбэрч Неаполь хотын ихэнх хэсэг сүйджээ. Энэ гамшигт 26 мянган хүн эндсэн байна.
1847 оны энэ өдөр Африк тивийн анхны тусгаар улс Бүгд Найрамдах Либери улс байгуулагджээ.
1856 оны энэ өдөр Ирландын зохиолч, Нобелийн шагналт Бернард Шоу төржээ.
1872 оны энэ өдөр Перугийн нийслэл Лимд тус улсын Ерөнхийлөгч Хосе Бальта болон түүнийг түлхэн унгаж төрийн эрхийг булаан авсан Томас Гутиеррес хоёрын аль алиных нь амийг хөнөөжээ.
1908 оны энэ өдөр АНУ-ын Холбооны мөрдөх товчоо үүсэн байгуулагджээ.
1909 оны энэ өдөр Барселонд анархистуудын бослого гарчээ. Долоо хоног үргэлжилсэн бослогын үеэр нийт 100 гаруй хүн нас барж, 300 гаруй хүн шархаджээ. Бослого дарагдсанаас хойш 1700 хүн саатуулагдаж, 5 хүн цаазын ял сонсож, 59 хүн бүх насаараа шоронд хоригдох ял авчээ.
1913 оны энэ өдөр Австрийн Засгийн газар Богемийн (одоогийн Чехийн нутаг дэвсгэр дээр оршиж байсан хаант улс) үндсэн хуулийг хүчингүйд тооцжээ.
1918 оны энэ өдөр Оросын Мурманск руу Францын цэрэг довтолжээ.
1937 оны энэ өдөр Япон Хятадтай дайтаж эхэлжээ.
1952 оны энэ өдөр Египетэд төрийн эргэлт гарч I Фарух хаан ширээнээсээ татгалзаж оронд нь түүний долоон сартай хүү Фуадыг хаанд өргөмжилжээ.
1953 оны энэ өдөр Фидель Кастрогийн удирдсан Кубийн хувьсгалчид Сантьяго-де-Куба хотын Монкард цэргийн казарм руу дайрчээ. Кубд энэ өдрийг үндэсний баяр хэмээн тэмдэглэдэг.
1956 оны энэ өдөр Египетийн Ерөнхийлөгч Гамаль Абдель Насер Суэцийн хоолойг тус улсынх болгосноо мэдэгджээ.
1963 оны энэ өдөр Югославын Скопье хот газар хөдлөлтийн улмаас бүтэн сүйрч, 1000 гаруй хүн нас баржээ.
1965 оны энэ өдөр Мальдивын арлууд тусгаар тогтнолоо зарлажээ.
1966 оны энэ өдөр Хятадад дунд болон их сургуулиуд хагас жилээр хаагджээ. Оюутан сурагчдыг “соёлын хувьсгалд” дайчилжээ.
1982 оны энэ өдөр АНУ Палестиныг чөлөөлөх байгууллагыг хүлээн зөвшөөрөхгүй гэдгээ мэдэгджээ.
1994 оны энэ өдөр Гамби улсад гарсан бослогын удирдагч 29 настай Яйя Жамме өөрийгөө тус улсын Ерөнхийлөгчөөр зарлажээ.
1995 оны энэ өдөр Европын Холбооны 15 гишүүн орон Еропол (Европын нэгдсэн эрэн сурвалжлах байгууллага) байгуулах конвенцод гарын үсэг зуржээ.
2005 оны энэ өдөр Энэтхэгийн Мумбай хотод 24 цагийн дотор асар их усархаг бороо орж үер болсны улмаас 5 мянга гаруй хүн нас баржээ.
