МЭӨ 709 оны энэ өдөр Хятадын одон орон судлаач Чу Фу нар хиртэлтийн анхны тэмдэглэлийг хийжээ.
1203 оны Загалмайтны дөрөв дэх аян Константинополийг буулган авчээ. Византын эзэн хаан III Алексий нийслэл хотоо орхин зугтжээ.
1402 оны энэ өдөр Мин улсын хаан ширээнд Жу Ди буюу Юнле заларчээ.
1453 оны энэ өдөр Зуун жилийн дайны сүүлчийн тулалдаанд Франц Английг ялжээ.
1754 оны энэ өдөр Нью-Йорк хотод Хааны коллеж нээгдсэн бөгөөд хожим дэлхийн алдарт Колумбын Их сургууль болжээ.
1775 оны энэ өдөр АНУ-д дэлхийн анхны цэргийн эмнэлэг нээгджээ.
1790 оны энэ өдөр эдийн засгийн онолыг үндэслэгч Адам Смит нас баржээ.
1854 оны энэ өдөр Австрид Европын анхны уулын төмөр зам ашиглалтад оржээ.
1868 оны энэ өдөр Японы нийслэл Киотогоос Токио руу шилжжээ.
1902 оны энэ өдөр анхны агааржуулагчийг зохион бүтээжээ.
1907 оны энэ өдөр Санкт-Петербург хотод Орос, Япон улс хоёр талын гэрээ байгуулжээ. Гэрээнд хоёр талын газар нутгийн бүрэн бүтэн байдлыг хүндэтгэж байх мөн Хятадын тусгаар тогтнол, Манжурт тус тусын нөлөөллийн бүс тогтоон хуваах, Солонгосыг Японы ашиг сонирхолд, Монголыг Оросын ашиг сонирхолд тус тус нийцүүлэн зөвшөөрөх тухай заажээ.
1915 оны энэ өдөр Герман, Австри хоёр Болгартай хамтрах тухай нууц гэрээ байгуулжээ.
1917 оны энэ өдөр Их Британийн язгууртны хэргэм цолоос Герман нэр үгнүүдийг хассанаар Саксег-Кобург-Готийн хаант удам Винзорын гэгдэх болжээ.
1917 оны энэ өдөр “Единство” сонинд Ленин болон большевикууд Германы засгийн газраас санхүүждэг тухай мэдээлэл нийтлэгджээ.
1918 оны энэ өдөр Дэлхийн I дайны фронтын урт 856 км хүрчээ.
1918 оны энэ өдөр Оросын сүүлчийн хаан II Николай болон түүний гэр бүлийг большевикууд буудан хороожээ.
1919 оны энэ өдөр Польш-Украины дайн төгсжээ.
1928 оны энэ өдөр Мексикийн Ерөнхийлөгчийн сонгуульд ялсан улс төрч Альваро Обергоныг албан ёсны хүлээн авалтын үеэр буудан алжээ.
1929 оны энэ өдөр Дорнод Хятадын төмөр замын асуудлаас болж ЗХУ Хятадтай дипломат харилцаагаа тасалжээ.
1936 оны энэ өдөр Испанид иргэний дайн эхэлжээ.
1944 оны энэ өдөр Москва хотын гудамжаар Германы армийн 57 мянган олзны цэрэг офицеруудыг туун явжээ.
1945 оны энэ өдөр Потсдамд холбоотон улсын тэргүүн нарын уулзалт эхэлжээ.
1955 оны энэ өдөр Лос-Анжелест Диснейленд нээгджээ.
1973 оны энэ өдөр Афганистанд хаант төр устан Бүгд Найрамдах улс тунхаглажээ.
1975 оны энэ өдөр сансарт Зөвлөлтийн “Союз”, Америкийн “Аполлон” хөлгүүд залгагджээ.
1976 оны энэ өдөр Монреаль хотод XXI Олимпын тоглолт эхэлжээ.
1990 оны энэ өдөр АНУ-д дэлхийн анхны бичил компьютерыг бүтээжээ.
1992 оны энэ өдөр Чехославыг Ерөнхийлөгч Вацлав Гавел Словак Чехословакийн бүрэлдэхүүнээс гарсантай холбогдуулан албан тушаалаасаа огцорчээ.
1994 оны энэ өдөр Бразилын хөл бөмбөгийн шигшээ баг дөрөв дэх удаагаа дэлхийн аварга болжээ.
2006 оны энэ өдөр Индонезийн Пангандаран мужид 7,7 балын хүчтэй газар хөдлөлт болж 668 хүн эндэж, 9 мянган хүн гэмтэж бэртжээ.
2014 оны энэ өдөр Амстердам-Куала-Лумпурын чиглэлийн Боинг 777 онгоц Украины Луганск, Донецкийн хавьцаа пуужинд харвуулан сөнөжээ. Буруутан тал одоо болтол тогтоогдоогүй байна.
