МЭӨ 184 оны энэ өдөр урт удаан хугацаанд бүслэгдсэн байсан Трой хот бууж өгчээ.
МЭӨ 585 оны энэ өдөр Нар хиртэлт болж Лид болон Мидийн хооронд зургаан жил үргэлжилсэн дайн төгсжээ. Дайсагнагч талууд нар хиртэлтийг бурхны сануулга гэж ойлгон энх тайвныг тогтоож, Галис мөрнөөр хилээ тогтоожээ.
1539 оны энэ өдөр Испанийн байлдан дагуулагчид одоогийн Жоржиа мужийн нутаг дэвсгэрийг хөндлөн туулж Миссисипийг хүрчээ.
1644 оны энэ өдөр Английн иргэний дайны үеэр роялистууд Болтоныг эзлэн хотын иргэдийг хоморголон устгажээ.
1742 оны энэ өдөр Лондонд нийтэд зориулсан анхны битүү усан бассейн байгуулагджээ.
1754 оны энэ өдөр Жумонвилийн зэвсэгт мөргөлдөөн (Хойд Америк дахь Англи, Францын колоничлолын цэргүүдийн хооронд) болж долоон жил үргэлжлэх Франц-Индианы дайны эхлэлийг тавьжээ.
1807 оны энэ өдөр Константинополийн янычарууд (Османы гүрний явган цэргүүд) Туркийн султан III Селимыг баривчлан хаан ширээнээсээ татгалзахыг албаджээ.
1830 оны энэ өдөр АНУ-ын Ерөнхийлөгч Эндрю Жексон Америкийн уугуул иргэд индиачуудийг нутаг дэвсгэрээс нь хөөн шилжүүлэхийг зөвшөөрсөн хуульд гарын үсэг зуржээ. Энэ хууль нь тэдгээр хүмүүст иргэний эрхийг олгохоос татгалзсан хууль байжээ.
1858 оны энэ өдөр Орос-Манжийн хооронд Айгуны гэрээ байгуулагджээ. Гэрээний дагуу Амурын нутаг оросын мэдэлд орж харин Уссурийн бүс нутаг Хятадын эзэмшил болжээ.
1871 оны энэ өдөр Парисын коммун дарагджээ. Зэвсэгт тулааны үеэр 25 мянган коммунчууд амь үрэгдэж, 40 мянган хүн шоронд орж, цөлөгджээ.
1902 оны энэ өдөр Аргентин болон Чили улс газар нутгийн маргааныг цэглэж, хоёр улсын харилцааг сайжруулахаар Тавдугаар сарын гэрээ байгуулжээ.
1904 оны энэ өдөр Италийн хөгжмийн зохиолч Жакомо Пуччинигийн Парист амжилт олоогүй “Чио-Чио сан” дуурь хоёр дахь засварын дараа Брешид шуугиан тарьжээ.
1918 оны энэ өдөр Армен тусгаар тогтнолоо тунхаглажээ.
1918 оны энэ өдөр Азербайжан тусгаар тогтнолоо тунхаглаж Бүгд Найрамдах Азербайжан улс байгуулагджээ.
1937 оны энэ өдөр Английн Ерөнхий сайдаар Невилл Чемберлен болжээ.
1956 оны энэ өдөр Франц улс Энэтхэг дэх колони газраа Энэтхэгийн Холбоонд буулт хийн өгчээ.
1957 оны энэ өдөр АНУ-д хөгжмийн хамгийн нэр хүндтэй шагнал “Грэмми”-г олгодог Үндэсний дуу бичлэгийн академи байгуулагджээ.
1961 оны энэ өдөр Английн “Обсервер” сонин” хуульч Питер Бененсоны “Өршөөлийг үзүүлье” нийтлэлийг хэвлэснээр олон улсын хүний эрхийн “Amnesty Internationgl” байгууллага үүсэх эх тавигджээ.
1964 оны энэ өдөр Палестиныг чөлөөлөх байгууллага үүсжээ.
1970 онд Германд дэлхийд анх удаа мэдрэлийн эд шилжүүлэн суулгах мэс заслыг амжилттай хийжээ.
1987 оны энэ өдөр ОХУ-ын Улаан Талбайд Матиас Руст (Германы сонирхогч нисэгч) өөрийн жижиг онгоцоо суулгажээ
1993 оны энэ өдөр Монако НҮБ-ын 182 дахь гишүүн болжээ.
1997 оны энэ өдөр ОХУ болон Украин Хар далайн усан цэргийн хүчээ хуваах тухай баримтад гарын үсэг зуржээ.
1998 оны энэ өдөр Пакистан улс Белужан мужид тус бүр нь 18 килотонн хүчин чадалтай 5 цөмийн дэлбэрэлтийг нэгэн зэрэг туршжээ.
2008 оны энэ өдөр Непалын анхны парламент Непалыг Бүгд Найрамдах улсаар тунхаглаж 240 жилийн шахуудын хаанчлалыг дуусгавар болгожээ.
