Сальма Хайек ба Франсуа-Анри Пино
Өдгөө 52 настай жүжигчин Сальма Хайек Холливудын үзэсгэлэнтэй бүсгүйчүүдийн тоонд орсон хэвээр. Харин түүний нөхөр соёл урлагаас хол техник технологийн хүн. Гэхдээ тэрбээр Францын төдийгүй дэлхий тэргүүн баячуудын нэг. Тэдний харилцаа дөнгөж эхэлж байхад нөхөр нь загвар өмсөгч Линда Евангалистатай учир ургуулан бөөн шуугиан дэгдсэн байдаг. Тэгээд түмэн олон омголон зан ааштай жүжигчин бүсгүй Францын удам дамжсан хөрөнгөтөн залуу хоёр яаж таарах юм гэж ярьж байжээ. Гэсэн ч хосууд гэрлээд 15 жил хэдийнээ болж хөөрхөн охиноо өсгөж байна.
Кейт Бланшетт ба Эндрю Аптон
“Оскарын” хоёр удаагийн эзэн үзэсгэлэнтэй, тачаангуй Кейт Бланшет бусдын атаархал төрмөөр тогтвортой амьдралтай нэгэн. 1997 онд жүжигчин бүсгүй кино зохиолч Эндрю Аптономтой гэрлэн дөрвөн хүүхдийн эцэг эх болжээ. Хүмүүс Кейтыг царай муутай хүнтэй гэрлэлээ гэж шоолж байсан гэдэг.Хариуд нь жүжигчин бүсгүй нөхөртөө анхны харцаараа дурласан гэж ярьдаг гэнэ.
Бейонсе ба Жей Зи
Энэ хоёр дуучин гайхалтай амжилттай гэр бүлийн болон уран бүтээлийн холбоо байгуулсан аж. Саяхан тэд дэлхийн тойсрон аялан тоглолтоо хамтдаа хийсэн билээ. Шоу ертөнцийн хамгийн тансаг, гоо бүсгүй Бейонсе нөхрийн хамт гурван хүүхэд өсгөж байна. Эхэндээ рэпер Зи түүнд огт таалагдаагүй гэсэн. Гэсэн ч Зигийн уйгагүй хөөцөлддөгөө бас ижил сонирхол үр дүнгээ өгсөн аж.
Тина Кунаки ба Венсан Кассель
Өнөөдөр загварын тайзнаа гялалзах 22 настай Тина Кунаки өнгөрсөн дөрөвдүгээр сард Францын жүжигчин Венсанд охин төрүүлж өгчээ. Тина Бразил хөгжим, бүжигт дуртай, Венсан сонгодог хөгжмийг илүү сонирхдог. Тина аялал, адал явдалд дуртай Венсан нам жим байдлыг илүүд үздэг. Тина 21 настай, Венсан 51 нас хүрсэн.
Ханхүү Альбер ба Шарлен Уиттсток
Монакогийн ван II Альбер мэргэжлийн тамирчин бүсгүйг гэргийгээ болгон авчээ. Усан сэлэлтийн дэлхийн аварга Шарлек Уиттсток ханхүүгийн бурхан болооч ээжтэй нь усны дусал шиг адилхан аж. Цагтаа ханхүүгийн аавыг Холливудын од үзэсгэлэнт Грейс Келлитай гэрлэхэд бөөн шуугиан болж байжээ. Харамсалтай нь ханхүү ээжийнхээ үзэсгэлэн төгөлдрийг дууриасангүй харин түүний гэргийн тамирчин ч үзэсгэлэнтэй бүсгүй. Ханхүү ба тамирчин бүсгүй. Яг л Үнсгэлжингийн үлгэр дээр гардаг шиг.
Хайди Клум ба Сил
Супер загвар өмсөгч Хайди Клумийг дуучин Силтэй гэрлэхэд хүмүүс шоолж байжээ. Үзэсгэлэнтэй цагаан арьст бүсгүй хачин царай зүстэй хар залууг олон эрчүүдийн дундаас сонгосон байна. Тэднийг удахгүй гэж ярьж байсан ч хосууд дөрвөн хүүхэдтэй үлгэр жишээ гэр бүл болжээ.
