Майкл Жексоны том хүү 22 настай Принц Жексон Лос-Анжелес хотод Лойол Мэримаунтын Их сургуулийг дүүргэн бакалаврын зэргэтэй болжээ. Тэрээр эл сургуулиа бизнесийн удирдлагаар төгссөн байна. Түүний эл баярт үйл явдлыг найзууд нь болоод алдартай гэр бүлийнхнийх нь гишүүд цахим сүлжээнд бичжээ. Принцын аавыг нас барснаас хойш асран хүмүүжүүлэгч нь болсон үел ах Тижей Жексон “Твитттер” хуудсандаа “Их урт зам байсан. Гэхдээ чи түүний туулж чадлаа. Үргэлжлүүлэн сурцгаа, өсөн дэвшицгээ тэгээд эрдэм мэдлэгээ хуваалц” гэж бичсэн байна. Принц Жексон 1997 оны хоёрдугаар сарын 13-нд төрсөн бөгөөд Майкл Жексон, Дебби Роу нарын дундаас төрсөн анхны хүүхэд юм. Түүнийг 12 настай байхад нь алдарт аав нь нас барсан аж. Поп хаан үүнээс гадна өөр эмэгтэйгээс төрсөн хоёр хүүхэдтэй билээ. Пэрис охин нь өдгөө 21 настай бөгөөд мөн л Принц нэртэй бага хүү нь энэ жил 17 нас хүрсэн гэнэ. Алдарт дуучны өвөөг, элэнц өвөг нарыг нь Принц гэдэг байжээ. Тэд бүгд дуучид байж.
