МЭӨ 53 оны энэ өдөр Крассын (Спартакийн бослогыг дарсан Ромын жанжин) армийг Парфяны (эртний Ираны нуьаг дэвсгэр дээр байгуулагдсан хаант улс)цэрэг ялжээ. Красс тулалдаан амь үрэгджээ.
1204 оны энэ өдөр Загалмайн дайчдын удирдагч Франдрийн Болдуинийг Константинополийн эзэн хаанаар өргөмжилжээ.
1502 оны энэ өдөр Кристофор Колумб Америк тивийг нээх хамгийн сүүлийн аялалдаа гарчээ.
1601 оны энэ өдөр Зүүн Кавказын улс Туркийн эсрэг босжээ.
1730 оны энэ өдөр Оросын хаан ширээнд Анна Иоанновна буюу түүхэнд цуст Анна гэж алдаршсан хатан хаан заларчээ.
1805 оны энэ өдөр Германы яруу найрагч, жүжгийн зохиолч Иоганн Фридрих Шиллер нас баржээ.
1832 оны энэ өдөр Америкийн уугуул иргэд индианчуудын 15 удирдагч Флоридагийн газар нутгаа АНУ-ын Засгийн газарт зарж өөрсдөө Миссисипи мөрний нөгөө эрэг рүү нүүх тухай гэрээнд гарын үсэг зуржээ.
1901 оны энэ өдөр Австралийн парламент анх удаа хуралджээ.
1907 оны энэ өдөр АНУ-ын иргэн Анна Жарвис тус улсад эхчүүдийн өдрийг тэмдэглэж байх үндэсний компанит ажлаа эхлүүлжээ.
1913 оны энэ өдөр Францын дэлгэцэд “Фантомас” киноны анхны хувилбар гарчээ.
1916 оны энэ өдөр Англи болон Франц улс Ойрх Дорнодод дахь нөлөөний цар хүрээгээ тусгай гэрээний дагуу хуваажээ.
1936 оны энэ өдөр Бенито Муссолини Эфиопийг Италийн бүрэлдэхүүнд орсныг зарлажээ.
1941 оны энэ өдөр Япон улсын шахалтаар Вишийн дэглэм (тухайн үеийн Францын засгийн газрын нэр) Лаос болон Камбожийн зарим хэсэг Таиландад шилжиж буй гэрээнд гарын үсэг зуржээ.
1944 оны энэ өдөр Зөвлөлтийн арми Севастополь хотыг чөлөөлжээ.
1945 оны энэ өдөр фашист Герман Дэлхийн II дайнд ялагдан үг дуугүй бууж өгөх бичигт гарын үсэг зуржээ. Германы генерал-фельдмаршал Вильгельм Кейтель, хурандаа-генерал Штумпф, адмирал фон Фридебург нарын бууж өгөх бичгийг маршал Жуков болон Холбоотны армийн командлагч Теддер нар хүлээн авчээ.
1955 оны энэ өдөр Холбооны Бүгд Найрамдах Герман улс НАТО-д элсжээ.
1960 оны энэ өдөр АНУ-д дэлхийд анх удаа жирэмслэлтээс хамгаалах эм гарчээ.
1964 оны энэ өдөр Америкийн хит жагсаалтыг жааз дуучин Луи Армстронгийн “Hello,Dolly” дуу тэргүүлжээ.
1967 оны энэ өдөр WBA хувилбарын дэлхийн аварга мэргэжлийн боксчин Мухаммед Али АНУ-ын армид алба хаахаас татгалзсанд дэлхийн аваргаа хураалгажээ.
1976 оны энэ өдөр Мадридын ойролцоо Ираны зорчигч тээврийн Boeing 747 онгоц аянгад цохиулсны улмаас агаарт дэлбэрчээ.
1992 оны энэ өдөр Уулын Карабахын зэвсэгт хүчин Шуша хотыг дайран эзэлжээ.
2004 оны энэ өдөр Грозный хотын цэнгэлдэхэд болсон дэлбэрэлтээр Чечений Ерөнхийлөгч Ахмад Кадыров амь үрэгджээ.
