5 дугаар сарын 31-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 150 дахь өдөр бөгөөд он дуусахад 215 хоног үлдлээ.
- Цаг агаар өдөртөө 33 хэмийн дулаан бол шөнөдөө 16 градус дулаан байх нь ээ.
- Билгийн тооллын 17, найман цагаан мэнгэтэй харагчин гахай өдөр. Өнөөдөр үсээ авахуулах буюу засуулбал өнгө зүс доройтох гэнэ. Энэ өдөр туулай жилтнээ аливаа үйлийг хийхэд эерэг сайн, үхэр, луу, хонь, нохой жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна
- Манай улсын голлох валют болох ам.долларын ханш 2411.00 төгрөгтэй тэнцэж байгаа бол бусад валют болох рубль 39.30, юань 376.30, вон 2.22 төгрөг байна.
Өнөөдөр болох онцлох үйл явдлууд:
- 11.00 цагт Эрүүл мэндийн яамны 215 тоот хурлын танхимд Дэлхийн тамхигүй өдрийг тохиолдуулан сэтгүүлч, уран бүтээлчдийн дунд зарласан уралдааны шагнал гардуулах арга хэмжээ болно.
- 13.30 цагт Оюутолгойн төв байранд геологийн төв лаборатори Оюутолгой ХХК-тай алт зэс мөнгө бусад баялагт хяналтын дээж сорьцыг ард түмнээс нууж нууцын гэрээ байгуулсан талаар мэдээлнэ.
- Бэлчээрийн МАА-н ногоон хөгжлийн загвар төсөл болон Архангай аймгийн Бэлчээр ашиглагчдын холбооны дэргэдэх "Баялаг хангайн сор" хоршоо, Хитачи компаний Монгол орны цаг уурт тохируулж бүтээсэн Сэргээгдэх эрчим хүчээр ажилладаг, мах хадгалах чингэлэгт хөдөлгүүрийн системийг танилцуулна.
- 10.00 цагт Хангарди ордны 14-р давхарт НИТХ-ын нэгдсэн хуралдаантай. Гадаадын зээл тусламжийн хөрөнгөөр нийслэлд хэрэгжүүлж байгаа төсөл, хөтөлбөрийн явц, Хүн амын ахуй үйлчилгээ-2020 дэд хөтөлбөр, Нийслэлийн иргэдийн хууль эрх зүйн боловсролыг дээшлүүлэх тухай дэд хөтөлбөр батлах тухай зэрэг асуудлуудыг хэлэлцэнэ.
- 11.00 цагаас Сонгуулийн Ерөнхий Хороо удахгүй болох орон нутгийн нөхөн сонгуулийн талаар мэдээлэл хийнэ.
- Азийн хөгжлийн банкны санхүүжилттэй Монголбанкинд хэрэгжиж буй "Төлбөрийн системийн шинэчлэл" төслийн хүрээнд бага дүнтэй гүйлгээний системд олон улсын стандартад нийцсэн "Автомат клиринг хаус" буюу ACH+ систем нэвтрүүлэх төслийн нээлтийн үйл ажиллагаа 09.00 цагт Монголбанкны 5 давхрын хурлын танхимд болно.
- “Ази, Европын дээд түвшний 11 дүгээр уулзалт АСЕМ-ыг зохион байгуулсан үйл ажиллагаа, түүний гүйцэтгэл үр дүн”-д хийсэн аудитын тайланг танилцуулах арга хэмжээ 11.30 цагаас Үндэсний аудитын газрын 412 тоотод болно.
Энэ өдөр дэлхийн түүхэнд:
- Өнөөдөр бол дэлхийн тамхигүй өдөр.
- 1914 оын энэ өдөр сүмогийн 37 дахь ёкозүна Акиноүми Сэцүо мэндэлж байжээ.
- 1961 онд Өмнөд Африкийн холбоо статусаа өөрчилж, Өмнөд Африкийн бүгд найрамдах улс болсон.
- 1982 оны Хүйтэн дайн: Испани улс НАТО-д нэгджээ.
- 1985 онд АНУ-д хамгийн хүчтэй торнадо хуй салхи үүсч, жижиг том 41 торнадо үүсч, 76 хүний амийг авч оджээ.
