Өнөөдрийн тухай таны мэдэх ёстой 14 зүйл:УНТЭ-т зүрх шилжүүлэн суулгах мэс засал хийх нэрээр хүний амь хохироосон асуудлаар мэдээлэл хийнэ

5 дугаар сарын 29-ний өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 149 дахь өдөр бөгөөд он дуусахад 216 хоног үлдлээ.
2. Цаг агаар өдөртөө 27 хэмийн дулаан бол шөнөдөө 9 градус дулаан байх нь ээ.
3. Билгийн тооллын 15, нэг цагаан мэнгэтэй цагаагчин тахиа өдөр. Өнөөдөр үсээ авахуулах буюу засуулбал өлзийтэй сайн гэнэ. Энэ өдөр үхэр, могой жилтнээ аливаа үйлийг хийхэд эерэг сайн, бич, тахиа жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна
4. Манай улсын голлох валют болох ам.долларын ханш 2412.00 төгрөгтэй тэнцэж байгаа бол бусад валют болох рубль 39.70, юань 378.20, вон 2.24 төгрөг байна.

Өнөөдөр болох онцлох үйл явдлууд:

1. 22.20 цагт сар тэргэл болно.
2. Налайх дүүрэгт "Нарны хүүхдүүд" аяны тайлант өдөрлөг зохион байгуулагдана. 1000 орчим хүүхэд оролцоно.
3. 11.00 цагаас ХНХЯ-ны хурлын танхимд Монголоос Япон улсад дадлагажигч илгээх үйл ажиллагааны талаарх хэвлэлийн бага хурал болно.
4. 10.00 цагт "Хөгжлийн бэрхшээлтэй хүүхдийн спортын наадам"-ын нээлтийн үйл ажиллагаа Спортын төв ордонд болно.
5. “Ашигт малтмал, аж үйлдвэр, технологийн салбарт хамтран ажиллах тухай Монгол Улс, ХБНГУ-ын Засгийн газар хоорондын хэлэлцээр"-ийн хэрэгжилтийг зохион байгуулах, хяналт тавих үүрэг бүхий ажлын хэсгийн ээлжит 6-р хуралдаан болно.
6. MN-Мэдээллийн төвд 11.30 цагаас УНТЭ-т зүрх шилжүүлэн суулгах мэс засал хийх нэрээр хүний амь хохироосон асуудлыг эсэргүүцэж гавьяат эмч Л.Жамбалжав мэдээлэл хийнэ.
7. MN-Мэдээллийн төв 15.00 цагаас МУИС-ийн эрх бүхий албан тушаалтнуудын тус сургуулийн Сургалтын журам, Дотоод журам болон Дээд боловсролын тухай хууль зөрчиж оюутан элсүүлдэг, төгсгөдөг, дүн засдаг үйлдлийг таслан зогсоох, зөрчил гаргасан удирдлага, ажилтнуудад хариуцлага тооцохыг шаардаж оюутнууд хэвлэлийн бага хурал зарлалаа.

Энэ өдөр дэлхийн түүхэнд:

1. 1917 оны энэ өдөр Америкийн 35 дахь ерөнхийлөгч Жон Фицжеральд Кеннеди мэндэлж байжээ.
2. Мөн 1940 оны энэ өдөр сүмогийн 48 дахь ёкозүна Тайхо Кооки мэндэлжээ.
3. Өнөөдөр Дэлхийн Хоол Боловсруулах Эрхтэн Тогтолцооны Эрүүл Мэндийн Өдөр тохиож байна.
4. Мөн Швед улсад цагаан хоолтнуудын өдөр тохиож байгаа аж.
5. 1988 онд Америкийн ерөнхийлөгч Ronald Reagan анх удаагаа ЗХУ-д айлчилж байжээ.