5 дугаар сарын 28-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 148 дахь өдөр бөгөөд он дуусахад 217 хоног үлдлээ.
- Цаг агаар өдөртөө 22 хэмийн дулаан бол шөнөдөө 4 градус дулаан байх нь ээ.
- Билгийн тооллын 14, хоёр хар мэнгэтэй цагаан бич өдөр. Өнөөдөр үсээ авахуулах буюу засуулбал эд мал арвижих гэнэ. Энэ өдөр хулгана, луу жилтнээ аливаа үйлийг хийхэд эерэг сайн, бар, туулай жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна
- Манай улсын голлох валют болох ам.долларын ханш 2414.00 төгрөгтэй тэнцэж байгаа бол бусад валют болох рубль 39.95, юань 378.70, вон 2.23 төгрөг байна.
Өнөөдөр болох онцлох үйл явдлууд:
- Бурхан багшийн их дүйчэн өдөр тохиож байна.
- 10.00 цагт Нийслэлийн засаг дарга бөгөөд Улаанбаатар хотын захирагч С.Батболд болон Сүхбаатар, Чингэлтэй Сонгино хайрхан дүүргүүдээс сонгогдсон нийслэл, дүүргийн төлөөлөл Баянхошуу, Сэлбэ дэд төвийн дэд бүтцийн бүтээн байгуулалтын ажлыг албан ёсоор нээх ёслолын үйл ажиллагаанд оролцож бүтээн байгуулалтын ажлын явцтай танилцана.
- НҮБ-ын байранд БСШУСЯ, НҮБ-ын Хүүхдийн Сан, НҮБ-ын Боловсрол, шинжлэх ухаан, соёлын байгууллага буюу ЮНЕСКО-ийн Бээжин дэх төлөөлөгчийн газар болон ЮНЕСКО-ийн Монголын үндэсний комисс хамтран Монгол Улсын боловсролын статистикийн сургалтыг зохион байгуулах гэж байна.
- Олон улсын хүүхдийн эрхийг хамгаалах өдрийг угтаж Монголын Залуучуудын Холбооны сургалт судалгааны полиси төв, БЗД-ийн Хөдөлмөр, Халамж, Үйлчилгээний хэлтэс, Баянзүрх дүүргийн Сайн Дурынхны Төвтэй хамтран “Сайн найз” хөгжлийн бэрхшээлтэй хүүхдүүдэд зориулан үйл ажиллагаа зохион байгуулах бөгөөд 'Хүүхдийн тэргэнцэр' ТББ зорилтот бүлгийн 5 хүүхдэд тэргэнцэр бэлэглэнэ.
Энэ өдөр дэлхийн түүхэнд:
- 1998 онд Пакистан улс түүхэндээ анх удаа цөмийн туршилт хийж гүйцэтгэжээ. Тиймээс жил бүрийн энэ өдрийг "Youm-e-Takbir" буюу "Агуу их өдөр" хэмээн тэмдэглэдэг болсон байна.
- Мөн Непал улсад Тусгаар тогтнолын өдөр тохиож байгаа юм байна.
- 1999 онд Италийн Милан хотноо Леонардо да Винчигийн "Сүүлчийн зоог" уран бүтээлийг нөхөн сэргээснээр 22 жилийн дараа олонд танилцуулжээ.
- 2010 онд Энэтхэгт экспресс галт тэрэг осолдож, 148 зорчигч амь насаа алджээ.
- 1996 онд АНУ-ын ерөнхийлөгч Билл Клинтоны бизнесийн хамтрагчид байсан Jim McDougal, Susan McDougal,, im Guy Tucker нар луйврын хэрэгт буруутгагджээ.
- 2002 онд сүүлчийн ган тээрмийн эзэн "Дэлхийн Худалдааны Төвийн талбай"-гаас хасагдлаа.
