5 дугаар сарын 23-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 143 дахь өдөр бөгөөд он дуусахад 222 хоног үлдлээ.
- Цаг агаар өдөртөө 23 хэмийн дулаан бол шөнөдөө 7 градус дулаан байх нь ээ.
- Билгийн тооллын 9, долоон улаан мэнгэтэй хөхөгчин туулай өдөр. Өнөөдөр үсээ авахуулах буюу засуулбал өвчин өчүүхэн ирэх гэнэ. Энэ өдөр хонь, гахай жилтнээ аливаа үйлийг хийхэд эерэг сайн, могой, морь жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна
- Манай улсын голлох валют болох ам.долларын ханш 2412.00 төгрөгтэй тэнцэж байгаа бол бусад валют болох рубль 39.50, юань 379.20, вон 2.23 төгрөг байна.
Өнөөдөр болох онцлох үйл явдлууд:
- Эрүүл мэндийн ажилтнуудын "Ажил хаялтын өмнөх суулт" ОУВС-ын гадна талбайд үргэлжилнэ. 12.00 цагаас Монголын эрүүл мэндийн ажилтны ҮЭ-ийн холбоо мэдэгдэл хийнэ.
- 09.00 цагаас Төрийн ордны “Жанжин Д.Сүхбаатар” танхимд Хөдөлмөр, нийгмийн хамгааллын яамнаас Хөдөлмөрийн тухай хуулийн шинэчилсэн найруулгын төслийг танилцуулах уулзалтыг зохион байгуулна.
- "Өөр Ирээдүй" Авлигын эсрэг хэвлэлийн бага хурал 11.00 цагт МЗХ байранд болно.
- 11.00 цагт МБШТ Гандантэгчэнлин хийдийн хурлын танхимд, удахгүй болох Бурхан багшийн их дүйчэн өдрийн баярын үйл ажиллагааны дэлгэрэнгүй мэдээлэл өгнө.
- Монголын Боловсрол, Шинжлэх ухааны ҮЭ-ийн холбооноос Ерөнхийлөгчийн тамгын газартай хамтран “Төрийн үйлчилгээний ажилтан, албан хаагчдын хөдөлмөрийн үнэлэмжийг бодитоор үнэлж, цалин, хөлсийг нэмэгдүүлэх арга зам, гарц, шийдэл” хэлэлцүүлгийг Төрийн ордны их танхимд 10.00-14.00 цагийн хооронд зохион байгуулна.
- 09.30 цагаас НЗДТГ-ын хурлын А танхимд НИТХ-ын тэргүүлэгчдийн хуралдаантай. Хуралдаанаар Нийслэлийн замын түгжрэлийг бууруулах арга хэмжээний тухай, Орон нутгийн өмчит аж ахуйн тооцоот үйлдвэрийн газрыг өөрчлөх тухай, Газрын итгэлцүүрийг хэрэглэх бүс, дэд бүс тогтоох тухай, Үнэлгээний хороонд ажиллах иргэдийн төлөөллийг батлах зэрэг 10 асуудлыг хэлэлцэнэ.
- "Харанга" хамтлагийн "Хайрла" тоглолтын хэвлэлийн бага хурал 12.00 цагаас "Хүүхэд залуусын 49-р гудамж театр"-т болно.
- Монголбанкнаас сар тутам зохион байгуулдаг ээлжит хэвлэлийн бага хурал 12.00 цагт болно.
- MN-Мэдээллийн төвд 11.00 цагаас “ХXI зууны эмэгтэйчүүд” төслийн хүрээнд Зууны 100 эмэгтэйг сонгон шалгаруулах үйл ажиллагааны талаар төсөл санаачлагчид мэдээлэл хийнэ.
- MN-Мэдээллийн төвд 11.30 цагаас Шатахуун хэрэглэгчдийн холбооноос хуурамч шатахуунтай холбоотой асуудлаар хэвлэлийн бага хурал зарлалаа.
Энэ өдөр дэлхийн түүхэнд:
- Өнөөдөр бол Яст мэлхийн эрхийг хамгаалах олон улсын өдөр.
- 2006 онд Аляскийн Cleveland галт уул дэлбэрчээ.
- 1995 онд Жава гадаад хэлний программын эхний хувилбар гарчээ.
- 2006 онд Аляска дахь Mount Cleveland хэмээх галт уул дэлбэрчээ.
- 2009 онд БНСУ-ын 9 дэх ерөнхийлөгч агсан Roh Moo hyun 45 метрийн өндөртэй Бонгха хаднаас үсэрч амиа хоролжээ.
