Өнөөдрийн тухай таны мэдэх ёстой 19 зүйл: Эрүүл мэндийн салбарт шудрага үнэлэмж тогтоохыг шаардсан АЖИЛ ХАЯЛТЫН ӨМНӨХ СУУЛТ болно

5 дугаар сарын 11-ний өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 131 дахь өдөр бөгөөд он дуусахад 234 хоног үлдлээ.
2. Цаг агаар өдөртөө 14 хэмийн дулаан бол шөнөдөө 6 градус дулаан байх нь ээ.
3. Билгийн тооллын 26, нэг цагаан мэнгэтэй харагчин туулай өдөр. Өнөөдөр үсээ авахуулах буюу засуулбал жаргал үргэлжид ирэх гэнэ. Энэ өдөр хноь, гахай жилтнээ аливаа үйлийг хийхэд эерэг сайн, бар, туулай жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна
4. Манай улсын голлох валют болох ам.долларын ханш 2405.00 төгрөгтэй тэнцэж байгаа бол бусад валют болох рубль 39.20, юань 378.30, вон 2.24 төгрөг байна.

Өнөөдөр болох онцлох үйл явдлууд:

1. 17.00 цагаас" Дархан хотын хөгжилд - Миний оролцоо" эрдэм шинжилгээний хурал болно.
2. 09.00-10.00 цагийн хооронд Эрүүл мэндийн салбарт шудрага үнэлэмж тогтоохыг шаардсан АЖИЛ ХАЯЛТЫН ӨМНӨХ СУУЛТ болно.
3. 11.00 цагаас Тэнгис кино театрын урд талбайд Нийслэлийн хороодын дунд Гамшгаас хамгаалах буухиа тэмцээн болно.
4. "Зууны мэдээ" сонины Үндэсний мэдээллийн төвд 12.30 цагаас Улсын аварга шалгаруулах шатрын тэмцээнийг УИХ-ын гишүүн Ё.Баатарбилэг, Ж.Мөнхбат, Г.Тэмүүлэн нарын ивээл дор 2018 оны тавдугаар сарын 18-27-ны өдрүүдэд Архангай аймгийн Цэцэрлэг хотноо зохион байгуулна.
5. 09.00 цагаас “Төсвийн шууд захирагчдын санхүүгийн хариуцлагыг дээшлүүлэх нь” сэдэвт зөвлөгөөний нээлт Туушин зочид буудлын 5 давхарт болно.
6. 13.00 цагаас “Бид нэг гэр бүл” өдөрлөг Гэрлэх ёслолын ордонд зохион байгуулагдана.
7. 15.00 цагаас Вьетнам улсын Ханой хотын Намын хорооны дарга ноён Дао Дык Тоан Хо Ши Миний нэрэмжит 14 дүгээр сургуультай танилцана.
8. 20.00 цагаас “Гэрэлт гудамж”-ны нээлтийн үйл ажиллагаа болно.

Энэ өдөр дэлхийн түүхэнд:

1. Өнөөдөр Вьетнам улсад Хүний эрхийг хамгаалах өдөр тохиож байна.
2. Мөн Энэтхэгт Техник технологийн өдрийг тэмдэглэн өнгөрүүлж байна.
3. 2013 онд Турк улсад болсон бөмбөгдөлтийн үеэр 52 хүн амь насаа алдаж байжээ.
4. 2010 онд Дэвид Камерон Их Британийн Ерөнхий сайд болжээ.
5. 1998 онд Энэтхэг улс гурван удаагийн газар доорх цөмийн туршилтыг явуулж байжээ.
6. 1996 онд Эверест Оргилд нэг өдрийн дотор 8 уулчин нас баржээ.
7. 1949 онд Израйль улс НҮБ-д нэгджээ.