5 дугаар сарын 10-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 130 дахь өдөр бөгөөд он дуусахад 235 хоног үлдлээ.
- Цаг агаар өдөртөө 22 хэмийн дулаан бол шөнөдөө 2 градус дулаан байх нь ээ.
- Билгийн тооллын 25, хоёр хар мэнгэтэй хар бар өдөр. Өнөөдөр үсээ авахуулах буюу засуулбал нүд бүрэлзэн улцайх гэнэ. Энэ өдөр морь жилтнээ аливаа үйлийг хийхэд эерэг сайн, үхэр, луу, хонь, нохой жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна
- Манай улсын голлох валют болох ам.долларын ханш 2404.00 төгрөгтэй тэнцэж байгаа бол бусад валют болох рубль 38.70, юань 377.00, вон 2.23 төгрөг байна.
Өнөөдөр болох онцлох үйл явдлууд:
- 10.00-12.00 цагт “Бишрэлт” зочид буудлын хурлын зааланд Шударга өрсөлдөөн, хэрэглэгчийн төлөө газар нь нийслэлийн 7 дүүргийн иргэдийн төлөөлөлтэй уулзалт зохион байгуулна.
- 11.00 цагт Shangrila зочид буудалд Байгаль орчин, аялал жуулчлалын яам, Монголын аялал жуулчлалын холбоо, Монголын кулинарын холбоо нийгэмлэг хамтран 2018 оныг “Жуулчны жил” болгон зарлах ёслолын үйл ажиллагаа, үзэсгэлэн яармагийг зохион байгуулна.
- Улс, нийслэлийн төсвийн хөрөнгөөр Баянгол дүүрэгт хийгдэж буй ажлын явцын талаарх хурал НЗДТГ-ын "А" зааланд 10.00 цагаас болно.
- МУБИС-ийн Сургуулийн өмнөх боловсролын сургуулийн 2018 оны эхний хагаст боловсруулж нийтлүүлсэн сурах бичиг, ном, гарын авлагыг танилцуулах “Номын нээлт”-ийн үйл ажиллагаа МУБИС-ийн төв байрны 201 тоотод 14.00 цагаас болно.
- Сувилагчдын өдрийг тохиолдуулан “Сувилахуйн тусламж үйлчилгээнд үйлчлүүлэгч, үйлчилгээ үзүүлэгчийн эрхийг хамгаалья” сэдвийн дор Улсын хэмжээний арга хэмжээг зохион байгуулж байгаа бөгөөд энэхүү арга хэмжээний нээлтийн үйл ажиллагаа 10.00 цагт Улсын Гуравдугаар Төв Эмнэлэг дээр болно.
- 11.00 цагаас Хэвлэлийн хүрээлэнд цалин нэмэгдүүлэх асуудлаар тэмцлийн дараагийн хэлбэрт шилжих тухай Шинжлэх ухааны байгууллагуудын үйлдвэрчний эвлэлийн хорооноос хэвлэлийн бага хурал зарлалаа.
Энэ өдөр дэлхийн түүхэнд:
- Өнөөдөр Мексик болон Гватемала улсад Ээж нарын баяр тохиож буй юм.
- Мөн Азербайжан улсад жил бүр энэ өдөр Цэцгийн фестивалийг зохион байгуулдаг.
- 1979 оны энэ өдөр БНСУ-ын алдарт дуучин LEE Hyori мэндэлжээ.
- 2013 онд Нью Йорк хотын “One world trade center” худалдааны барилга нээлтээ хийж, дэлхийн бөмбөрцгийн зүүн хэсгийн хамгийн өндөр барилга, харин дэлхийн 4 дэх өндөр барилга болжээ.
- 1993 онд Тайландын тоглоомын үйлдвэрт гарсан гал түймэр 156 хүний амийг авч оджээ.
- 1975 он Sony компани Японд “Бетамакс” хэмээх дуу бичлэгийн тоглуулагчаа танилцуулж байжээ.
