Хятадын үндэсний газрын тосны корпорац (CNPC) Азийн хамгийн гүн босоо цооногийн өрөмдлөгөө дуусгасан тухай Синьхуа агентлаг мэдээлэв
Уурхайн босоо ам Хятадын баруун хойд хэсэгт орших Шинжаан-Уйгарын өөртөө засах орны Таримын сав газарт орших Таклимаканы цөлд 10910 метрийн гүнд хүрчээ. Уг худгийг "Шендитаке 1" гэж нэрлэдэг бөгөөд шинжлэх ухааны хайгуулын төсөл юм.
Уг худаг нь газрын тос, байгалийн хийн нөөц хайхаас гадна дэлхийн хувьсал, гүн геологийг судлах зорилготой аж.
CNPC-ийн мэдээлснээр, өрөмдлөг 2023 оны тавдугаар сарын 30-нд эхэлжээ. 10,910 метр гүн өрөмдлөг хийхэд 580 гаруй хоног зарцуулсан бөгөөд сүүлийн 910 метрт 300 орчим хоног зарцуулсан байна. Цооног нь 12 геологийн тогтоцыг нэвтлэн 500 сая гаруй жилийн настай чулуулгийн давхаргад хүрчээ.
Ун төслийг хэрэгжүүлж, дэмжихийн тулд CNPC дэлхийн анхны 12,000 метрийн автомат өрөмдлөгийн машин болон хэт гүний худгийн каротаж хийх дэвшилтэт багаж хэрэгслийг бүтээжээ. Хятадын эрдэмтэд мөн 10,000 метр гүнийн газрын цөмийн дээж, мэдээлэлд системтэй дүн шинжилгээ хийсний үндсэн дээр тус улсын анхны хэт гүн цооногуудын давхрага зүйн иж бүрэн дүр зургийг гаргаж, дэлхийн гүний бүтэц, тектоникийн түүхийн талаар чухал ойлголтыг авчээ.
