Өнөөдөр гадаа 10 хэм дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Аравдугаар сарын 20-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 293 дахь өдөр бөгөөд он дуусахад 72 хоног үлдлээ.
- Цаг агаар өдөртөө 10 хэм дулаан бол шөнөдөө 6 хэм хүйтэн байх нь ээ.
- Билгийн тооллын 6, Гар одтой, цагаагчин гахай өдөр. Өдрийн наран 7 цаг 18 минутад мандан, 17 цаг 56 минутад жаргана. Тухайн өдөр хонь жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, хараал, жатхыг буцаах, нялхсын хурим хийх, хийморийн дарцаг хатгахад сайн. Газар ухах, худаг гаргах, уул овоо тахихад муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод урагш мөрөө гаргавал зохистой. Хяруу унах улирал (19ц 58м) эхлэнэ. Үс шинээр үргээлгэх буюу засуулбал өнгө зүс сайжирна.
- Валют арилжааны төвд ам.долларын авах ханш 3454.00 төгрөг, зарах нь 3458.00 төгрөг байна. Харин рублийн авах ханш 35.00, зарах ханш 35.60, юанийн авах ханш 476.50, зарах ханш 477.80, вонийн авах ханш 2.59, зарах ханш 2.62 төгрөг байна.
Өнөөдөр болох үйл явдал:
- 09.00 цагт МУИС-ийн номын санд: Хөгжлийн бэрхшээлтэй сурагчдын “Ярьдаг, сонсдог номын сан”-г нээнэ.
- 09.00-12.00 цагт. МҮХАҮТ-д: ЗТХЯ, Японы ЖАЙКА байгууллага, Худалдааг хөнгөвчлөх, тээвэр логистикийн зөвлөл хамтран “Монгол Улсын тээвэр логистикийн хөгжил, чиг хандлага” уулзалт семинар зохион байгуулна.
- 10.00 цагт МУИС-ийн II байранд: Япон улсын “Соёлын Өвсний үндэс” төслийн буцалтгүй тусламжаар хэрэгжсэн МУИС-ийн япон хэлний “Хэлмэрчлэхүйн лаборатори байгуулах төсөл”-ийн нээлт болно. Утас: 9458-2204.
- 11.30-16.30 цагт Гэмтэл согог судлалын үндэсний төвийн салбар эмнэлгийн “Нээлттэй хаалганы өдөрлөг" болно. Өдөрлөгөөр иргэд олон нийтийн эрүүл мэндийн үзлэг, мэдээлэл сурталчилгааг зохион байгуулах юм.
- 11.00 цагт Төрийн ордонд: БХБ-ын сайд Ц.Даваасүрэн 40, 50 мянгатын орон сууцны төлөв байдалд хийсэн хяналт шалгалтын дүн мэдээг танилцуулж, мэдээлэл хийнэ. Утас: 9507-1740, 9923-9808.
- 11.30 цагт “Монгол ньюс” мэдээллийн төвд: Монгол зан үйл, ёс заншлын "Баярлалаа" төслийн талаар иргэдийн “Тахилт” зөвлөл, ХААИС-ийн Мал аж ахуй, Биологийн сургуулийн эрдэмтэн судлаачдын хамт мэдээлнэ.
Энэ өдөр дэлхийн түүхэнд:
- Өнөөдөр Статистикийн дэлхийн өдөр тохиож байна.
- Мөн өнөөдөр Вьетнам улсад Эмэгтэйчүүдийн эрхийг хамгаалах өдөр тохиож байна.
- 1971 оны энэ өдөр Америкийн реппер, продюсер Snoop Dogg мэндэлжээ.
- 1973 онд Сиднейн дуурийн театр 14 жилийн турш баригдсаны эцэст II Элизабетийн үед нээлтээ хийжээ.
- 1977 онд Америкийн алдарт рок хамтлаг болох Lynyrd Skynyrd-н сууж явсан нисэх онгоц осолджээ.
- 1991 онд Энэтхэгт 6.8 баллын хүчтэй газар хөдлөлт болж 1000 гаруй хүн амь үрэгджээ.
