Өнөөдөр гадаа үүлэрхэг, 31 хэм дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Өглөөд заавал мэдэж байх ёстой зүйлүүд:
1. Өнөөдөр бол жилийн 213 дахь өдөр бөгөөд он дуусахад 152 хоног үлдлээ.
2. Цаг агаар өдөртөө 31 хэмийн дулаан бол шөнөдөө 20 хэм дулаан байх нь ээ.
3. Билгийн тооллын 15, зуны адаг шарагчин хонь сарын нэг цагаан мэнгэтэй цагаагчин туулай өдөр. Гэрийн үйл хийгээд угаал үйлдэх, хувцас шинээр өмсөх, эсгэх тэргүүтэнд сайн. Түүнд төрсөн хүмүүн таван хоног хийгээд есөн сар, арван сар, арван жилд эс үхвээс номын явдалт, ядуувтар, үнэн өгүүлэгч, төрөл садандаа асрахуй сэтгэлт, урлахуй ухаанд мэргэн, өвөрчилөн сайн. Зуу наслана гэж номлосон. Өвдвөл найм арав хоногтоо хүчир, түүнээс хэтэрвэл амархан амирлана. Замд гарвал эд олно, тус бүхэн бүтнэ. Хулгайд алдвал дотнын нэгэн хүмүүн нь гадны хоёр хүмүүнтэй гурвуул хулгайлж аваад одсон, олдох нь нэн бэрх. Зүүн нүд татвал хувцас олно. Баруун нүд татвал жуулчин ирнэ. Баруун чих хангинавал баясгалантай болно. Зүүн чих хангинавал муу. Нохой уливал магалан болно. Хэрээ дуугарвал сайн муугийн ялгаагүй.
4. Манай улсын голлох валют болох ам.долларын ханш авах нь 3432.00, зарах нь 3445.00 төгрөгтэй тэнцэж байгаа бол бусад валют болох рубль авах нь 38.10, зарах нь 38.30, харин юань авах нь 481.00, зарах нь 489.00 вон авах нь 2.65, зарах нь 2.70 төгрөг байна.
Өнөөдөр болох онцлох үйл явдлууд:
- 11.00 цагт: Монголын Үндэсний музейд: “Монгол бөө, түүний засал, уламжлалт анагаах ухаан” үзэсгэлэн нээгдэнэ.
- 11.40 цагт: “Монгол Арт” галерейд: БНСУ-ын Урлагийн музейн үзэсгэлэн нээгдэнэ. Мөн Вьетнам улсын зураачдын үзэсгэлэн үргэлжлэн гарч байна.
- Говь-Алтай аймгийн төв Алтай хотод: Хан Тайшир уулын аймаг үүсгэн байгуулагдсаны 100 жил, Говь-Алтай аймгийн баяр наадам эхэлж байна.
- Нийслэлийн Сүхбаатар дүүргийн Эрүүгийн хэргийн анхан шатны шүүхэд: Иргэн Э.Одбаярыг хууль бусаар баривчилж, өөрт нь мэдэгдэлгүй нууцаар шийтгэл оногдуулж өршөөлд хамруулсан талаар хэлэлцэнэ.
Энэ өдөр дэлхийн түүхэнд:
- Хүүхдийг хөхөөр хооллох дэлхий нийтийн өдөр
- Бенин улсын тусгаар тогтнолын өдөр
- 1936 онд Францын хувцас загвар зохион бүтээгч Ив Сен Лорен төржээ
- 1984 онд Германы хөлбөмбөгчин Бастиан Швайнштайгер мэндэлжээ
- 1999 онд Girls' Generation хамтлагийн гишүүн Тиффани мэндэлжээ
