Өнөөдөр гадаа 24 хэм дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Зургаадугаар сарын 20-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 171 дахь өдөр бөгөөд он дуусахад 194 хоног үлдлээ.
- Цаг агаар өдөртөө 24 хэмийн дулаан бол шөнөдөө 10 хэм дулаан байх нь ээ.
- Билгийн тооллын 1, Найман цагаан мэнгэтэй, шар бич өдөр. Насны хүчийг арвижуулах, эмийг найруулах, усан засал, угаал үйлдэх, бэр авах, насны хишиг, насан бүтээлийн зан үйл хийлгэх, төрөл садан бололцох, худалдаа наймааг үүсгэх зэрэг дэлгэрүүлэх үйлс бүхэнд сайн. Үс засуулах буюу авхуулбал, нас ахар болно.
- Манай улсын голлох валют болох ам.долларын ханш авах нь 3435.00, зарах нь 3450.00 төгрөгтэй тэнцэж байгаа бол бусад валют болох рубль авах нь 40.10, зарах нь 41.70, харин юань авах нь 482.50, зарах нь 483.50, вон авах нь 2.67, зарах нь 2.75 төгрөг байна.
Өнөөдөр болох онцлох үйл явдлууд:
- 10.00 цагт: УИХ дахь намуудын бүлэг болон ажлын хэсгүүд хуралдана.
- 10.30-14.00 цагт: УИХ-ын Төрийн байгуулалтын байнгын хороо Улс төрийн намын тухай хууулийн шинэчилсэн найруулгын төслийг хэлэлцэнэ.
- 10.30 цагт: СТӨ-нд: МУИС-ийн 78 дахь удаагийн “Эрдмийн баяр”-ын ёслол хүндэтгэлийн үйл ажиллагаа болно.
- 11.00 цагт: Иргэн О.Энхмаа Геронтологийн төвийн царцааг гаргахаар 4 дэхь удаагаа шаардах бичиг өгөхөөр болжээ. Тэрбээр Яармагийн 300 ортой эмнэлгийн урд мэдээлэл хийнэ. Утасны дугаар: 88824051
- 12.00 цагт: “Твин Тауэр”-т: “The Majesty лэйблээс олон улсын “Интро электроник” хөгжмийн наадам болох талаар мэдээлнэ.
Энэ өдөр дэлхийн түүхэнд:
- 451 онд Ромын эзэнт гүрэн Хүн нарын их хаан Атиллагын эсрэг шийдвэрлэх томоохон тулааныг хийжээ. Энэхүү тулааныг түүхэнд Чалонс талын тулаан хэмээн тэмдэглэн үлдээжээ.
- 1840 онд зохион бүтээгч Самуэль Морз өөрийн нээлт болох Телеграфын патентаа авч байжээ.
- 1877 онд Александр Грэхам Бэлл Дэлхийн анхны телефон утасны үйлчилгээг Канадын Онтарио хотноо нээжээ.
- 1900 онд Оросын ШУ академиас “Оросын туйлын экспедиц” Санктпертбург хотоос “Заря” хэмээх уурын хөдөлгүүрт дарвуулт хөлгөөр аяллын гараагаа эхлүүлэв. Экспедиц алдарт Санниковын газрыг хайх зорилготой байсан гэдэг.
- 1944 онд Герман улс туршилтын V-2 маркийн Пуужинг амжилттай хөөргөжээ. Пуужин 176 км өндөрт хүрсэн явдал нь хүн төрөлхтний түүхэн дэх хүний гараар хийсэн бүтээл гадаад сансарт хүрсэн анхны тохиолдол байв.
- 1990 онд Ангараг гаригын дагуул болох бага гариг Эврикаг нээв.
