Өнөөдөр гадаа 24 хэм дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Зургаадугаар сарын 16-ны өдөр
Өглөөд заавал мэдэж байх ёстой зүйлүүд:
- 1. Өнөөдөр бол жилийн 167 дахь (өндөр жил бол 168 дэх) өдөр юм. Мөн он дуустал 198 өдөр үлдэж байна.
- 2. Цаг агаар өдөртөө 24 хэмийн дулаан бол шөнөдөө 11 хэм дулаан байх нь ээ.
- 3. Билгийн тооллын 28, Аливаа санасан үйлс сэтгэлчилэн бүтмүй.Шүтээн босгох, хот балгадыг барих, тариа тарих, худалдаа наймаа хийх зэрэг дэлгэрүүлэх үйлд хичээвэл сайн. Бүтээл туурьвал үйлдэх зэрэг дэлгэрүүлэх үйлд ч сайн. Үс шинээр үргээлгэх буюу засуулахад хэрүүл тэмцэл ирнэ.
- 4. Манай улсын голлох валют болох ам.долларын ханш авах нь 3435.00, зарах нь 3450.00 төгрөгтэй тэнцэж байгаа бол бусад валют болох рубль авах нь 40.10, зарах нь 41.70, харин юань авах нь 482.50, зарах нь 483.50, вон авах нь 2.67, зарах нь 2.75 төгрөг байна.
Өнөөдөр болох онцлох үйл явдлууд:
- 08.30-17.30 цагт: “Корпорэйт конвеншн” төвд: Монголын дүрс оношилгооны эмчилгээний Радиологийн үндэсний чуулган болно.
- 09.00 цагт: ШУТИС-д: БШУЯ, ШУТИС хамтран зохион байгуулж буй "Хэрэглээний шинжлэх ухаан ба инженерчлэл-2023" олон улсын хурал эхэлнэ.
- 10.00 цагт: УИХ-ын нэгдсэн чуулган хуралдана.
- 10.00 цагт: ГХЯ-нд "Улаанбаатарын яриа хэлэлцээ-2023" олон улсын хуралдаан үргэлжилж, залуу судлаачдын форум болно.
- 11.00 цагт: ШУА-д: “Академич П.Нямдаваа алтан медаль” шагнал гардуулах ёслол болно. Хоёр жил тутамд олгодог тус шагналыг судлаач, анагаах ухааны доктор, профессор О.Баатархүү хүртэж байна. Утас: 9971-7977.
- 11.00 цагт: ҮСХ Монгол Улсын нийгэм, эдийн засгийн оны эхний 5 сарын статистик үзүүлэлтийг таницуулна.
“ЗМ” сонины мэдээллийн төвд:
- 11.30 цагт: Нийслэлийн АН, тус намын “Эрх чөлөө” төвөөс нийслэлийн удирдлага болон МАН-тай холбоотой мэдээлэл хийнэ.
- 15.00 цагт: “Чингис хаан”-ы музейд: Монгол Улс Норвегийн Хаант Улстай дипломат харилцаа тогтоосны 55 жилийн ойд зориулсан “Оскар Мамены ертөнц ба Монголчууд” гэрэл зургийн үзэсгэлэн нээгдэнэ. Норвегийн нэрт аялагч, адал явдлын эрэлчин, цуглуулагч, бизнесмэн Оскар Мамен (1885-1955) нь Монгол, Өвөр Монгол, Хятад, Орос улсаар 30 гаруй жил аялжээ. Үзэсгэлэн 6 дугаар сарын 16-25-нд үргэлжилнэ.
- 16.00 цагт: МУИС-д: Манай улсад айлчилж буй НҮБ-ын Зэвсэг хураах асуудал эрхэлсэн орлогч Ерөнхий нарийн бичгийн дарга Изуми Накамицу “Олон улсын болон бүс нутгийн зэвсэг хураах огтлолцол: Ирээдүйн сорилт ба боломжууд” лекц илтгэл тавина.
Энэ өдөр дэлхийн түүхэнд:
- Өнөөдөр Өмнөд Африкийн Залуучуудын өдөр тохиож байна.
- Мөн Африкийн Хүүхдийн олон улсын өдөр өнөөдөр тохиож байгаа юм байна.
- 2012 онд БНХАУ 3 сансрын нисгэгчтэй Shenzhou 9 сансрын хөлгийг амжилттай хөөргөжээ. Сансрын нисгэгч дунд Хятадын хамгийн анхны эмэгтэй сансрын нисгэгч хөөрсөн байна.
