Өнөөдөр гадаа 29 хэм дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Зургаадугаар сарын 12-ны өдөр
Өглөөд заавал мэдэж байх ёстой зүйлүүд:
1. Өнөөдөр бол жилийн 163 дахь өдөр юм. Мөн он дуустал 202 өдөр үлдэж байна.
2. Цаг агаар өдөртөө 29 хэмийн дулаан бол шөнөдөө 11 хэм дулаан байх нь ээ.
3. Билгийн тооллын 24, Бурханы бясалгал хийх хийгээд тарни тоолохуй, янаг амрагийг дуудан хураахад сайн. Түүнд төрсөн хүмүүн ес хоног хийгээд хоёр сар, есөн жилд эс үхвээс баатарлаг хийгээд цэвэрч, эцэгтээ урин, хорлол үйлд хичээнгүй, насны доод хэмжээ жар гарна гэж номлосон. Өвдвөөс найман хоногт амирлаюу. Замд гарвал муу гаслан хагацал хийгээд хааны цаазын гэм ирэх нигууртай. Хулгайд алдвал хулгайч нь зүүнээс ирсэн хүмүүн, дольган хийгээд машид хянамгай тэр бээр хулгайлаад өнө холд одсон нэгэн хүмүүнд хуртаад олдохын нигуур буй. Зүүн нүд татвал хойд зүгээс жуулчин ирнэ. Баруун нүд татвал олдсоныг олно. Баруун чих хангинавал асрахуй хийгээд үзэсгэлэн лугаа учирна. Зүүн чих хангинавал буянтай гэж номлосон. Нохой уливал гэрийн тэнгэр алмаармуй. Хэрээ дуугарвал эд эдлэл олно. Тагнай эрвэгнэвэл жуулчин ирнэ. Бүх бие татганавал гаслан болно. Хувцас олдоно гэж номлосон. Үс шинээр үргээлгэх буюу засуулахад өвчин эмгэг ирнэ.
4. Манай улсын голлох валют болох ам.долларын ханш авах нь 3440.00, зарах нь 3447.00 төгрөгтэй тэнцэж байгаа бол бусад валют болох рубль авах нь 41.20, зарах нь 41.70, харин юань авах нь 484.50, зарах нь 486.00, вон авах нь 2.62, зарах нь 2.64 төгрөг байна.
Өнөөдөр болох онцлох үйл явдлууд:
- 08.30 цагт “Блью Скай” зочид буудалд: Хүүхдийн хөдөлмөрийн эсрэг дэлхийн өдарт: ХНХЯ, Олон улсын хөдөлмөрийн байгууллага, "Дэлхий зөн" олон улсын байгууллага хамтран “Хүүхдийн хөдөлмөрийг устгая!” хэлэлцүүлэг зохион байгуулна.
- 08.30 цагт “Туушин зочид буудалд: Эмэгтэйчүүдийн манлайллын сүлжээнээс БНСУ-ын Хөгжлийн стратегийн хүрээлэнтэй хамтран “Эмэгтэйчүүдийн улс төрийн манлайлал: Дэвших зам” форум зохион байгуулна. Утас: 9901-9993, 9955-9501.
- 09.00 цагт Удидлагын академид: “Монгол Улсад тогтвортой хөгжлийг хэрэгжүүлэх үр дүнтэй засаглал” Үндэсний семинар үргэлжилнэ.
- 10.00-14.00 цагт УИХ дахь намуудын бүлгийн хуралдаантай. УИХ-ын Ажлын хэсэг, дэд хороод хуралдана.
- 11.00 цагт “Алтай” хотхоны оршин суугчид хүүхдийн сургууль барих газрыг чөлөөлөхийг шаардан жагсана.
- 11.00 цагт УИХ-ын гишүүн С.Одонтуяа, Х.Булгантуяа, УИХ-ын Тамгын газрын Гадаад харилцааны хэлтсийн дарга Ц.Жамбалдорж, УИХ-ын даргын зөвлөх О.Номинчимэг нар манай улсад 6 дугаар сарын 12, 13-нд зохион байгуулах “Алтай дамнасан тогтвортой байдлын яриа хэлэлцээ-Жендэрийн эрх тэгш байдал ба тогтвортой хөгжил” олон улсын чуулга уулзалтын талаар мэдээлнэ.
- 11.30 цагт НЗДТГ-ын үүдэнд: "Цагаан хаалга" цогцолбор хотхоны захиалагчид хэвлэлийн хурал зарлажээ
- 15.00 цагт УИХ-ын Байгаль орчин, хүнс, ХАА-н байнгын хорооны гишүүд Монголын Мянганы сорилтын сангийн үйл ажиллагаатай танилцах уулзалт болно.
Энэ өдөр дэлхийн түүхэнд:
- 910 - Аугсбургийн тулаан: Унгарын цэргийн хүч нүүдэлчдийн дунд алдаршсан ухрах тактикийг ашиглан "Жаал" Луй хааны удирдлаган дор байлдсан Зүүн Франкийн армийг буулган авав.
- 1381 - Тариачдын бослого: Лондоноос холгүй орших Блэкхит хотод Английн босогчид цугларав.
- 1550 - Шведийн хаан I Густавын зарлигаар Финландын Хелсинк хот байгуулагдав. Тухайн үедээ Хелсинк нь Шведийн газар нутагт хамаарч байжээ.
- 1643 - Английн хаан I Чарльзын санаачилгаар Английн системийг өөрчлөн байгуулав.
- 1665 - Нью-Йорк хотын анхны захирагчаар Томас Уиллетийг тохоон томилжээ.
- 1772 - Францын нэрт аялагч Марк-Жозеф Марион дү Фресн 25 хүний хамтаар Шинэ Зеландын Маори омгийнхонд алуулав.
- 1775 - Америкийн тусгаар тогтнолын төлөөх дайн: Бригадын генерал Томас Гейж Массачусетс мужид дайны цагийн байдал зарлав. Британичууд зэвсгээ хаян бууж өгөхийг уриалж, бүгдйиг нь амь хэлтрүүлнэ гэж амласан ч Самуэль Адамс болон Жон Хенкок нарыг баривчилбал өчиггүй дүүжилнэ гэж мэдэгджээ.
- 1776 - Виржиниа муж хүний эрхийн тунхаг батлав.
