Өнөөдөр гадаа 24 хэм дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Зургаадугаар сарын 9-ны өдөр
Өглөөд заавал мэдэж байх ёстой зүйлүүд:
1. Өнөөдөр бол жилийн 160 дахь өдөр юм. Мөн он дуустал 205 өдөр үлдэж байна.
2. Цаг агаар өдөртөө 24 хэмийн дулаан бол шөнөдөө 5 хэм дулаан байх нь ээ.
3. Билгийн тооллын 21, Сүм, дуган, суврага босгох хийгээд мод шорооны үйл хийх эрэл эрэх, хураан цуглуулах бүхий л үйлд өлзийтэй сайн. Энэ өдөрт төрсөн хүмүүн таван хоног есөн жилд эс үхвэл хязгаар газарт голлон эрхшээсэн баялаг, хувь сайт нэгэн болно. Хурьцахуй сэтгэлт, ширүүн сэтгэлтэй, зөөлөн яриатай. Нас нь наян нэг хүрч наслана гэж номлосон. Өвчин болвол машид сэрэмжилж хянамгай бай. Замд гарвал тус хэрэг бүхэн бүтнэ. Хулгайд алдваас хулгайч нь хойд зүгээс ирсэн муу сэтгэлт нэгэн авч одсон, гэрийн зүүн зүгт хол биш газар буй, есөн хоногоос олюу. Нүд татвал эцэг эхэд айхуй шалтгаан ирэх, баруун чих хангинавал бүсгүй хүнтэй маргалдана. Зүүн чих хангинавал идээ, ундаа олдоно. Нохой уливал гэнэтийн зочин ирнэ. Энэ өдөр хэрээ дуугарвал дээд угсаат хүний хэл ам ирэх. Тагнай эрвэгнэвэл хэрүүл тэмцэл болно. Хөлийн мах татвал буянтай гэж номлосон. Үс шинээр үргээлгэх буюу засуулахад өвчин ирнэ.
4. Манай улсын голлох валют болох ам.долларын ханш авах нь 3443.00, зарах нь 3448.00 төгрөгтэй тэнцэж байгаа бол бусад валют болох рубль авах нь 41.40, зарах нь 41.80, харин юань авах нь 484.00, зарах нь 485.20, вон авах нь 2.61, зарах нь 2.63 төгрөг байна.
Өнөөдөр болох онцлох үйл явдлууд:
- 08.00-09.30 цагт Удирдлагын Академид: НҮБ, Удирдлагын академи, мэдээллийн МОНЦАМЭ агентлаг хамтран зохион байгуулж буй “Монгол Улсад тогтвортой хөгжлийг хэрэгжүүлэх үр дүнтэй засаглал” үндэсний семинар 2 дахь өдөр үргэлжилнэ.
- 08.30-12.30 цагт “Блью Скай” зочид буудалд: “Дэлхийн худалдааны хөгжлийг дэмжих нь” сэдэвт хэлэлцүүлгийг Үндэсний итгэмжлэлийн төв, Экспортыг дэмжих төсөл, НҮБ-ийн Юнидо байгууллагаас хамтран зохион байгуулж байна. Утас:9901-8945.
- 08.30-12.30 цагт "Улаанбаатар" кочид буудалд: Боловсролын магадлан итгэмжлэх Үндэсний зөвлөлд: “Дэлхийн магадлан итгэмжлэлийн өдөр”-ийг тохиолдуулан магадлан итгэмжлэлийн үйл ажиллагаа явуулж буй байгууллагуудын уулзалт, хэлэлцүүлэг болно. Утас: 8800-8026.
- 09.00-09.40 цагт “Корпорэйт конвеншн” төвд: Монгол, ОХУ, БНХАУ-ын ХАҮТ-уудын чуулган үргэлжилж тээвэр логисикийн салбар хуралдаан, хэлэлцүүлэг өрнөнө.
- 09.00 цагт Нийслэлийн Засаг даргын Тамгын газраас баригдахгүй байгаа барилгуудыг цаашид хэрхэн шийдвэрлэх талаар Нийслэлийн Засаг даргын орлогч Ж.Сандагсүрэн болон бусад албаны хүмүүс, иргэдтэй уулзаж шаардах бичиг түүнтэй холбоотой асуудлыг газар дээр нь хэлэлцэнэ.
Энэ өдөр дэлхийн түүхэнд:
- МЭӨ 411 - Афинд төрийн эргэлт болж, олигархууд засгийн эрхийг авав. Олигархуудын засаглал удаан оршин тогтноогүй юм.
- 68 - Ромын эзэн хаан Неро амиа хорлов. Ингэснээр Юлиан-Клавдын засаглал нуран унаж иргэний дайн дэгдлээ. Энэ цагаас хойш Гальба, Ото, Вителиус, Веспасян гэсэн дөрвөн эзэн хааны үе эхэлсэн билээ.
- 1311 - Италийн сэргэн мандлын эрин үеийн эхий төлөөлөгч болох Дуччиогийн "Маеста" уран зураг Сьена хотын сүмд байршив.
- 1534 - Францын нэрт аялагч Жак Картье одоогийн Квебек мужийн нутагт орших Гэгээн Лоуренс голд хүрсэн европын анхны хүн болжээ.
- 1667 - Англи-Голландын хоёрдугаар дайн: Мэдвейн тулаанны үеэр Британийн эзэн хааны усан флот түүхэнд байгаагүй ялагдал хүлээжээ.
- 1732 - Английн парламентын гишүүн одоогийн Жиоржиа мужийн нутаг дэвсгэрийг захирахаар боллоо.
- 1815 - Венийн зөвлөл тарав. Ингэснээр Европ тивд шинэ улс төрийн систем нэвтрэх нөхцөл бүрдсэн юм.
- 1856 - Айова мужийн Айова хотыг мормон шүтлэгт 500 хүн орхин гарчээ.
- 1862 - Америкийн иргэний дайн: Эх газрын армийн генерал Стоунуолл Жексон Шенандоа хөндийн тулаанд ялалт байгуулав. Түүний тактик, арга барилыг одоо ч дэлхийн цэргийн зүтгэлтнүүд судалсаар байна.
